19-25 JANVIER
IZAAYII 24-27
Hendu 159 nɛ adɩma | Kɔɔnɔɔ tɔm (C. 1)
1. «Ðɛ-Ɛsɔ yɔ!»
(C. 10)
Ðɩwɛnɩ lɩmaɣza sakɩyɛ wena a-yɔɔ ɖɩpɩzɩɣ nɛ ɖɩkʋndɩnɩ ɖɛ-Ɛsɔ Yehowa yɔ (Iza 25:9; cl 15 § 21)
Ɛkaɣ-ɖʋ haʋ wondu kɩbandʋ sakɩyɛ ɛjaɖɛ kɩfaɖɛ taa; tɩ-taa natʋyʋ lɛ tɔɔnasɩ kɩbanzɩ sakɩyɛ (Iza 25:6; w24.12 6 § 14)
Ɛkaɣ-ɖʋ haʋ wezuu maatɛŋ (Iza 25:7, 8; w25.01 28-29 § 11-12)
PƆZƖ ÑA-TƖ SE: «Alɩwaatʋ ndʋ maalakɩ man-tʋma kpɩtaʋ kʋnɛ yɔ anɩ manpɩzɩɣ nɛ meheyi Yehowa tamasɩ tɔm?»
2. Fezuu taa ñɩm
(C. 10)
Iza 24:2—Ɛzɩma mayaɣ kanɛ kañɩkɩɣ niye Ɛjaɖɛ kɩfaɖɛ tɔm ɖɛzʋʋ wɛtʋ kɩbandʋ natʋyʋ yɔɔ? (w15 15/12 17 § 1-3)
Ŋkalɩ kpɩtaʋ kʋnɛ kɩ-tɛ Bibl hɔɔlʋʋ lɛ, fezuu taa ñɩm mbʋ ŋhiɣaa nɛ ŋsɔɔlɩ se ŋkɛdɩ-ɖʋ pɩ-tɔm?
3. Bibl Kalʋʋ
(C. 4) Iza 25:1-9 (th tɔm kɩkpɛlɩkɩtʋ 10)
4. Ɛzɩma ɖɩpɩzɩɣ nɛ ɖɩpaɣzɩ kɛdaɣ yɔ
(C. 3) SAMAƔ TAA TƆM SUSUU. Maɣzɩ nɛ ŋna se tɔm ñʋʋ ŋgʋ kɛdɩɣnɩ weyi ŋkataa yɔ. Wɩlɩ-ɩ ɛzɩma ɛpɩzɩɣ nɛ ɛñɩnɩ tɔm ɖɛ-tɛ intɛrnɛɛtɩ lone jw.org yɔɔ yɔ. (lmd tɔm kɩkpɛlɩkɩtʋ 1 hɔɔlʋʋ 3)
5. Pɩsɩ ŋna-ɩ
(C. 4) KPAƔ ÐƖƔA NƐ ŊWOLO ÐƖƔA. Tɩŋnɩ Sɔɔlɩm eseɣti-ŋ hatʋ cabɩ takayaɣ hɔɔlʋʋ tɔm kɩsɔzɩtʋ A yɔɔ nɛ ŋwɩlɩ ɖɩɣdʋ Bibl taa toovenim tɔm natʋyʋ. (lmd tɔm kɩkpɛlɩkɩtʋ 9 hɔɔlʋʋ 4)
6. Ɛzɩma ŋpɩzɩɣ ŋlɩzɩ ñe-tisuu taa yɔ
(C. 5) La ŋwɩlɩ. Ijwbq ñʋʋ 160—Tɔm ñʋʋ: Ɛbɛ yɔɔ payaɣ Yesu se Ɛsɔ Pɩyalʋ? (th tɔm kɩkpɛlɩkɩtʋ 3)
Hendu 144
7. Wɩlɩ se ŋtaɣ Yehowa liu kiya alɩwaatʋ ndʋ ŋñɔɔzʋʋ ña-tɩ se pawa-ŋ kʋdɔŋ nakʋyʋ yaa palabɩ-ŋ tʋmɩyɛ yɔ
(C. 15) Tɔm taa tazʋʋ.
Yehowa ‘kandɩyɩɣ mba pamalɩɣnɩ-ɩ nɛ pɛtɛŋ pa-taa yɔ pɔ-yɔɔ.’ (Kalɩ Izaayii 26:3.) Alɩwaatʋ ndʋ ɖɩñɔɔzʋʋ ɖa-tɩ se pawaa-ɖʋ kʋdɔŋ nakʋyʋ yɔ, ɖɩwɩlɩɣ se ɖɩtaɣ Yehowa liu kiya ye ɖɩlakɩnɩ tʋmɩyɛ wondu ndʋ ɛha-ɖʋ se pɩsɩnɩ-ɖʋ nɛ ɖɩkpaɣ lɩmaɣza kɩbana yɔ.
Yele nɛ paɖʋ VIDEO Ŋñɔɔzɩ ña-tɩ nɛ ŋɖaŋ alɩwaatʋ ndʋ pɩpɔzʋʋ se pawa-ŋ kʋdɔŋ nakʋyʋ yɔ? Pʋwayɩ lɛ ŋpɔzɩ samaɣ tɔm tʋnɛ:
Wondu 3 ndʋ pɩzɩɣ nɛ tɩsɩnɩ-ɖʋ nɛ ɖɩñɔɔzɩ ɖa-tɩ nɛ ɖɩɖaŋ alɩwaatʋ ndʋ pɩpɔzʋʋ se pawaa-ɖʋ kʋdɔŋ nakʋyʋ yɔ?
Takayɩsɩ nzɩ ɛgbɛyɛ lɩzaa se sɩsɩnɩ-ɖʋ kʋdɔmɩŋ waʋ nʋmɔʋ taaa?
Ɛzɩmtaa pɩkɩlɩɣ ɖeu se ɖɩyaa Ðama nɩnʋʋ nɛ ɖɔkɔtɔnaa kɔɔmitee?
Ŋmaɣzɩɣ mbʋ mbʋ Yehowa ha-ɖʋ kʋdɔmɩŋ waʋ nʋmɔʋ taa yɔ pɩ-yɔɔ lɛ ɛzɩma pɩlakɩ-ŋ?
Yehowa labɩ-ɖʋ tamaɣ Izaayii 26:3 taa se ɛhaɣ-ɖʋ «laŋhɛzɩyɛ nɖɩ ɖɩwɛɣ tam yɔ.» Tɔm ndʋ tɩɩwɩlɩɣ se ɛkaɣ kandɩyʋʋ ɖɔ-yɔɔ se ɖɩtaatɔlɩ kʋdɔŋ. Ɛlɛ alɩwaatʋ ndʋ ɖɩtɔlʋʋ kʋdɔŋ yɔ, ɛtɩŋɩɣnɩ ɛ-ɛgbɛyɛ yɔɔ nɛ ɛhaɣ-ɖʋ mbʋ pɩpɔzʋʋ-ɖʋ yɔ se pɩsa nɛ kaɖɛ naɖɩyɛ ɛtaatalɩ-ɖʋ nɛ ɖɩtɛ ɖɩwɛɛ laŋhɛzɩyɛ taa.
8. Ɛgbɛyɛ taa Bibl kpɛlɩkʋʋ
(C. 30) lfb kpɛlɩkʋʋ 54-55
Kɛdɛzaɣ tɔm (C. 3) | nɛ adɩma
a Ye pɩpɔzʋʋ yɔ ɩpɩzɩɣ nɛ ɩpɔzɩ takayɩsɩ sɩnɛ ɛgbɛyɛ taa ɛzʋtʋyaa: Tɔm ndʋ titukuuni halaa hosi tɩnaa yɔ (S-401), Tɔm ndʋ titukuuni kʋdɔndɩnaa mba pɩwɛɛ se palabɩ-wɛ tʋmɩyɛ yaa kansɛɛrɩ kʋdɔŋ kɔyɛ yɔ (S-407), nɛ Tɔm ndʋ pɩpɔzʋʋ se lʋlɩyaa ɩtɩlɩ ye pɩwɛɛ se pala pa-pɩɣa kɔyɛ yɔ (S-55).