Labɩnɩ tʋmɩyɛ Bibl ɛzɩ ñɩnʋʋ yɔ

Tɔmkpɛlɩkɩyʋ Yakubu kpaɣ Bibl nɛ ɛmaɣzɩnɩ ñɩnʋʋ mbʋ pʋyɔɔ yɔ kɩsɩɣnɩ-ɖʋ se ɖɩtɩlɩ ɛyʋ weyi ɖeyi ɖeyi ɖɩkɛnɩ ɖooo ɖa-taa yɔ. (Yak. 1:​22-25) Ɛzɩma ɖɩpɩzɩɣ nɛ ɖɩlabɩnɩ Bibl tʋmɩyɛ camɩyɛ ɛzɩ ñɩnʋʋ yɔ?

Kpaɣ alɩwaatʋ nɛ ŋkalɩ-kʋ camɩyɛ. Ye ɖɩcɔnɩ ɖa-tɩ lɛɛ lɛɛ yem ñɩnʋʋ taa nɛ ɖɩtɩkpaɣ alɩwaatʋ yɔ, ɖɩɩkaɣ naʋ se nabʋyʋ tɩcaɣ camɩyɛ ɖɔ-yɔɔ. Pɩsa nɛ ɖɩna ɖɛ-ɛyʋtʋ hɔɔlʋʋ ŋgʋ pɩpɔzʋʋ se ɖɩlɛɣzɩ yɔ lɛ, pɩwɛɛ se ɖɩkpaɣ alɩwaatʋ nɛ ɖɩkalɩ Ɛsɔtɔm camɩyɛ.

Ka ñʋʋ nɛ lɛɣzɩtʋ ndʋ pɩpɔzʋʋ se ŋla yɔ, taaka ña-lɩmaɣza ɛyaa lalaa yɔɔ. Nabʋyʋ taa ɖɩɩcɔŋnɩ ñɩnʋʋ taa lɛ, ye nɔɔyʋ ɛwɛ ɖa-wayɩ yɔ, ɖɩnaɣ-ɩ ɖɔɖɔ ñɩnʋʋ taa, nɛ ɖɩpɩzɩɣ nɛ ɖɩka ɖa-lɩmaɣza mbʋ pɩtɩcaɣ camɩyɛ ɛlɛ yɔɔ yɔ pɩ-yɔɔ na. Mbʋ ɖɔɖɔ, alɩwaatʋ ndʋ ɖɩkalɩɣ Bibl yɔ ɖɩpɩzɩɣ nɛ ɖɩka ɖa-lɩmaɣza lɛɣzɩtʋ ndʋ pɩwɛɛ se lalaa ɩla yɔ tɩ-yɔɔ na. Ye mbʋ ɖɩlakɩ yɔ, pɩɩkaɣ-ɖʋ sɩnʋʋ nɛ ɖɩlɛɣzɩ ɖa-maɣmaɣ ɖɛ-ɛjandʋ.

Kɛ weyi ɛnɩɣ tɔm taa yɔ. Ye ɖɩcɔnɩ ɖa-tɩ ñɩnʋʋ taa nɛ ɖɩka ɖa-lɩmaɣza mbʋ ɖɩtɩsɔɔlɩ yɔ pi-ɖeke pɩ-yɔɔ yɔ, pɩkaɣ-ɖʋ tibu yɔɔɔ. Yehowa sɔɔlaa se ɖɩla lɛɣzɩtʋ ɛlɛ ɖɩɩkalɩɣ Bibl lɛ pɩwɛɛ se ɖɩkɛ mba panɩɣ tɔm taa yɔ, mbʋ pʋyɔɔ yɔ ɛɛɖaŋɩɣ se ɖɩla mbʋ pɩcɛzɩ ɖo-ɖoŋ kamaɣ yɔ.—Yak. 3:17.