Yesu kaɣ yebu nɛ kʋñɔndʋtʋ sɩɩ tɩnaɣ

Yesu kaawɛ tɛtʋ yɔɔ lɛ, ɛwɩlaa se ɛsɔɔlɩ ɛyaa pɩdɩɩfɛyɩ kɔzɩ kɔzɩ kʋñɔndɩnaa nɛ mba pɛwɛ nɩɣzɛ taa yɔ. (Maatiyee 9:36) Halɩ ɛla e-wezuu se pɩwazɩ ɛyaa. (Maatiyee 20:28; Yohanɛɛsɩ 15:13) Pɩkazɩ pazɩ lɛ, ɛkaɣ tasʋʋ wɩlʋʋ se ɛsɔɔlɩ ɛyaa; ɛkɛ Ɛsɔ Kewiyaɣ Wiyaʋ nɛ ɛkaɣ labɩnʋʋ e-ɖoŋ ɛnʋ tʋmɩyɛ se eyele nɛ kʋñɔndʋtʋ sɩɩ tɩnaɣ tɛtʋ kpeekpe yɔɔ.

Bibl yɔɔdɩ mbʋ Yesu kaɣ labʋ yɔ pɩ-tɔm:

• «Ɛlʋ samaɣ taa ajamaa yɔɔ, ɛya kʋñɔndʋ pɩyalaa ñʋʋ.»—Keɣa 72:4.

Ɛbɛ ɖɩpɩzɩɣ nɛ ɖɩla nɛ ɖɩwɩlɩ ɛsɩmɩyɛ Yesu mbʋ payɩ ɛlaba nɛ mbʋ payɩ ɛkaɣ-ɖʋ labʋ yɔ pɩ-yɔɔ? Nʋmɔŋ weyi ɩ-yɔɔ ɖɩpɩzɩɣ nɛ ɖɩtɩŋna nɛ ɖɩla mbʋ yɔ ɩ-taa nakʋyʋ lɛ se ɖɩkpɛlɩkɩ «Ɛsɔ Kewiyaɣ tɔm kɩbandʋ» nɛ pɩkɩlɩ; ndʋ Yesu kaasusaa. (Luka 4:43) Kalɩ tɔm ñʋʋ «Ɛbɛ Ɛsɔ Kewiyaɣ kɛnaa?»