Yesu kaɣ yebu nɛ yoŋ sɩɩ tɩnaɣ

Alɩwaatʋ ndʋ Yesu kaawɛ tɛtʋ yɔɔ yɔ ɛwɩlaa se ɛsɔɔlɩ ɛyaa siŋŋ, nɛ halɩ ɛkpaɣ e-wezuu ɛlaa pɔ-yɔɔ. (Maatiyee 20:28; Yohanɛɛsɩ 15:13) Piileɖiɣ lɛ ɛkaɣ ɖaɣnʋʋ lɩzʋʋ ɛ-sɔɔlɩm nɛ ɛwɩlɩ ɛyaa; ɛkɛ Ɛsɔ Kewiyaɣ Wiyaʋ nɛ ɛkaɣ labɩnʋʋ tʋmɩyɛ ɖoŋ weyi Ɛsɔ ha-ɩ yɔ nɛ ‘ɛsɩnzɩ yoŋ tɛtʋ kpeekpe yɔɔ.’—Keɣa 46:9.

Na mbʋ Bibl yɔɔdʋʋ se Yesu kaɣ labʋ yɔ:

• «Ɛkaɣ holuu kʋñɔndʋ weyi ekou se pasɩnɩ-ɩ yɔ, nɛ ɛkaɣ holuu ɖɔɖɔ ɛjam nɛ weyi ɛfɛyɩnɩ sɩnɩyʋ nɔɔyʋ yɔ. Ɛkaɣ naʋ ɛjam nɛ kʋñɔndʋ pa-pʋtɔdɩyɛ, nɛ ɛkaɣ yabʋ kʋñɔndɩnaa weziŋ ñʋʋ. Ɛkaɣ-wɛ holuu nazɩm nɛ puuyaɣ lakasɩ taa.»—Keɣa 72:12-14.

Ɛzɩma ɖɩpɩzɩɣ nɛ ɖɩwɩlɩ se ɖɩwɛnɩ ɛsɩmɩyɛ mbʋ Yesu labɩ-ɖʋ nɛ mbʋ ɛkaɣ-ɖʋ tasʋʋ labʋ yɔ pɩ-yɔɔ? Nʋmɔŋ weyi ɩ-yɔɔ ɖɩpɩzɩɣ nɛ ɖɩtɩŋna nɛ ɖɩla mbʋ yɔ ɩ-taa nakʋyʋ lɛ se ɖɩkpɛlɩkɩ «Ɛsɔ Kewiyaɣ tɔm kɩbandʋ» nɛ pɩkɩlɩ; ndʋ Yesu kaasusaa. (Luka 4:43) Kalɩ tɔm ñʋʋ «Ɛbɛ Ɛsɔ Kewiyaɣ kɛnaa?»