Pocosi Bibl taa tɔm yɔɔ / Wezuu nɛ sɩm / Ɛzɩma ŋpɩzɩɣ nɛ ŋwa sɩm sɔɔndʋ seu?

Bibl tɔm cosuu

Sɩm kɛ ɖo-koyindu, pʋyɔɔ lɛ pɩmʋnɩ mbʋ se ɖise-pʋ sɔɔndʋ nɛ ɖɩkpɛzɩ nɩŋgbanzɩ nzɩ siyeki se ɖɩkandɩyɩ ɖe-wezuu yɔɔ yɔ. (1 Kɔrɛntɩ mba 15:26) Ɛlɛ cɛtɩm wɩlɩtʋ nɛ cɛtɩm tisuu yeba nɛ ɛyaa wɛɛnɩ sɩm sɔɔndʋ seu mbʋ pɩtɩmʋna yɔ; nɛ sɩm sɔɔndʋ seu mbʋ ‘pɩpɩsɩ-wɛ yomaa pe-wezuu caɣʋ kpeekpe taa.’ (Ebree mba 2:15) Ye ŋsɩm toovenim pɩlɩɩnɩ sɩm yɔɔ yɔ, piyeki nɛ ŋŋtasɩɣ wɛnʋʋ sɩm sɔɔndʋ seu mbʋ pɩtɩmʋna yɔ; mbʋ pʋyɔɔ yɔ sɩm sɔɔndʋ seu mbʋ pɩtɩmʋna yɔ, piyeki nɛ ŋŋhikiɣ taa leleŋ ñe-wezuu caɣʋ taa.—Yohanɛɛsɩ 8:32.

Sɩm yɔɔ toovenim tɔm

Sɩɖaa ɩɩtasɩɣ natʋyʋ sɩm. (Keɣa 146:4) Pɩfɛyɩ se sɔɔndʋ ɛkpa-ŋ se ŋkaɣ nɩʋ siziŋ yaa pakaɣ-ŋ nazʋʋ ña-sɩm wayɩ, mbʋ pʋyɔɔ yɔ Bibl kpaɣ sɩm nɛ kɩmaɣzɩnɩ ɖom.—Keɣa 13:3; Yohanɛɛsɩ 11:11-14.
Sɩɖaa ɩɩpɩzɩɣ nɛ palabɩ-ɖʋ kɩdɛkɛdɩm. Halɩ mba paakɛ ɖo-koyindinaa sɔsaa yɔ ‘pasɩkɩ lɛ pɛfɛyɩnɩ ɖoŋ nɩɩyɩ.’ (Aduwa 21:16) Bibl yɔɔdʋʋ se «pa-paɖɩyɛ nɛ pa-sʋsɩ pɩtɩŋa pɩtɛm tɛŋɩlʋʋ.»—Eklezɩyasɩtɩ 9:6.
Sɩm ɛɛwɩlɩɣ se ɛyʋ sɩkɩ lɛ lidaʋ nakʋyʋ tɩtasɩ wɛʋ. Ɛsɔ kaɣ tɩŋnʋʋ sɩɖaa fezuu yɔɔ nɛ efezi mba pasɩba yɔ.—Yohanɛɛsɩ 5:28, 29; Tʋma labʋ 24:15.
Ɛsɔ labɩ tamaɣ se alɩwaatʋ natʋyʋ kaɣ kɔm nɛ «sɩm ɛɛkaɣ tasʋʋ wɛʋ.» (Natʋ 21:4) Bibl yɔɔdʋʋ alɩwaatʋ ndʋ tɩ-tɔm se: «Tɛtʋ kaɣ pɩsʋʋ ɛyaa siɣsiɣ tɩnaa ñɩm, nɛ pakaɣ caɣʋ tɩ-yɔɔ tam,» nɛ paatasɩɣ wɛnʋʋ sɩm sɔɔndʋ seu.—Keɣa 37:29.