Watchtower tɛ INTƐRNƐƐTƖ YƆƆ TAKAYƖSƖ ƉƖZƖYƐ
Watchtower
INTƐRNƐƐTƖ YƆƆ TAKAYƖSƖ ƉƖZƖYƐ
Kabɩyɛ
ŋ
  • ɛ
  • ɩ
  • ŋ
  • ñ
  • ɔ
  • ʋ
  • ɣ
  • BIBL
  • TAKAYƖSƖ
  • KEDIƔZISI
  • lfb tɔm kɩkpɛlɩkɩtʋ 49 h. 118-h. 119 § 2
  • Pɔhɔm abiɖe kañatʋ tʋ nɩŋgbaŋʋʋ

Video nakʋyʋ fɛyɩ hɔɔlʋʋ kʋnɛ kɩ-taa.

Hayɩ, pɩcaɣ mabʋ video ɛlɛ nabʋyʋ tɩɖɔ camɩyɛ.

  • Pɔhɔm abiɖe kañatʋ tʋ nɩŋgbaŋʋʋ
  • Kpɛlɩkɩ lɔŋ Bibl taa
  • Tɩ-yɔɔ tɔm lɛɛtʋ
  • Siɣsiɣ wɛtʋ nʋmɔʋ taa lɛ, ŋwɛnɩ Yehowa lɩmaɣza na?
    Feŋuu Tilimiye Susuu Yehowa Kewiyaɣ Tɔm (Kpɛlɩkʋʋ)—2017
  • «Ahaabɩ ɖɩɣa kpeekpe kaɣ ɖem»—2Aw 9:8
    Ðe-wezuu caɣʋ nɛ ɖɛ-Ɛsɔ sɛtʋ tʋmɩyɛ—Kpɛlɩkʋʋ takayaɣ—2022
  • Ɛlabɩ tʋmɩyɛ nɛ abalɩtʋ nɛ kpekpeka nɛ ɛtaapɩtɩ
    Ðe-wezuu caɣʋ nɛ ɖɛ-Ɛsɔ sɛtʋ tʋmɩyɛ—Kpɛlɩkʋʋ takayaɣ—2022
Kpɛlɩkɩ lɔŋ Bibl taa
lfb tɔm kɩkpɛlɩkɩtʋ 49 h. 118-h. 119 § 2
Yezaabɛɛlɩ lɩmɖʋyaa tuzi Yezaabɛɛlɩ nɛ ɛtɔlɩnɩ mondoɖebɔʋ

KPƐLƖKƲƲ 49

Pɔhɔm abiɖe kañatʋ tʋ nɩŋgbaŋʋʋ

Ye Wiyaʋ Ahaabɩ ɛsɩŋ e-mondoɖebɔʋ cɔlɔ, e-kewiyaɣ ɖɩɣa ŋga kɛwɛ Yizreyɛɛlɩ yɔ ka-taa yɔ, elesiɣ Naabɔɔtɩ viiñi hayɩm. Ahaabɩ kaasɔɔlɩ hayɩm mbʋ nɛ eheyi Naabɔɔtɩ se ɛpɛdɩnɩ-ɩ pʋ. Ɛlɛ Naabɔɔtɩ kizi se ɛɛpɛdɩɣnɩ-ɩ, mbʋ pʋyɔɔ yɔ Yehowa kaaɖʋ paɣtʋ se nɔɔyʋ ɛtaapɛdɩ ɛ-hɔʋ taa tɛtʋ. Ɛlɛ pɩɩkɛdɩnɩ Ahaabɩ se Naabɔɔtɩ ñɩnaɣ se ɛɖɔ paɣtʋ ndʋ tɩ-yɔɔ? Aayɩ. Ahaabɩ kɔ pana siŋŋ. Pɩɩcɛyɩ-ɩ siŋŋ nɛ pʋyɔɔ lɛ ɛtaasɔɔlɩ se ɛlɩɩ e-kuduyuu tɛɛ. Halɩ ekizi tɔɔnaɣ tɔɔʋ.

Ahaabɩ halʋ kañatʋ tʋ Yezaabɛɛlɩ heyi-i se: “Ñɛkɛnɩnɩ wiyaʋ Izrayɛɛlɩ ɛjaɖɛ taa. Ŋpɩzɩɣ nɛ ŋwɛɛnɩ mbʋ payɩ ŋsɔɔlaa yɔ. Mamʋʋ tɛtʋ ndʋ nɛ mɛncɛlɩ-ŋ.” Peeɖe ɛma takayaɣ nɛ etiyini Naabɔɔtɩ tɛtʋ taa sɔsaa, nɛ eheyi-wɛ se pɛcɛtɩnɩ Naabɔɔtɩ taa se ɛtʋ Ɛsɔ nɛ payaɣ-ɩ pɛɛ nɛ ɛsɩ. Pitileɖi lɛ, sɔsaa la mbʋ Yezaabɛɛlɩ pɔzɩ-wɛ yɔ, nɛ Yezaabɛɛlɩ heyi ɛ-walʋ Ahaabɩ se: “Naabɔɔtɩ sɩba! Viiñi hayɩm mbʋ, pɩpɩsɩ ña-ñɩmbʋ.”

Pɩtɩkɛ Naabɔɔtɩ ɖeke Yezaabɛɛlɩ yeba nɛ pakʋ ɖulum. Eyeba nɛ pakʋ Yehowa sɛyaa sakɩyɛ. Ɛ-maɣmaɣ ɛsɛɣaɣ sɩʋ kpelisi nɛ ɛlakɩ kɩdɛkɛdɩm sakɩyɛ. Yehowa na kɩdɛkɛdɩm mbʋ payɩ Yezaabɛɛlɩ lakaɣ yɔ. Ɛbɛ ɛkaɣ-ɩ labʋ?

Ahaabɩ sɩm wayɩ lɛ, ɛ-pɩyalʋ Yehoram paɣzɩ kewiyitu tɔɔʋ. Yehowa tiyi Yehu se ɛhɔ Yezaabɛɛlɩ nɛ ɛ-hɔʋ taa ñɩma nɩŋgbaaŋ.

Yehu sa ɛ-kɛɛkɛɛ nɛ ewolo Yezaabɛɛlɩ cɔlɔ Yizreyɛɛlɩ tɛtʋ taa. Yehoram saa ɛ-kɛɛkɛɛ nɛ ewolo ɛkatɩ Yehu nɛ ɛpɔzɩ-ɩ se: “Laŋhɛzɩyɛ ŋkɔmnaa?” Yehu cosi-i se: “Laŋhɛzɩyɛ ɛɛpɩzɩɣ nɛ ɖɩwɛɛ, ye ño-ɖoo ɛwɛ ɛ-kañatʋ lakasɩ yɔɔ yɔ.” Yehoram nɩ mbʋ lɛ, ɛkɛzɩ ɛ-kɛɛkɛɛ se eseɣ. Peeɖe Yehu yaɣ-ɩ tɔʋ ñɩmɩyɛ nɛ ɛsɩ.

Yehu kowa nɛ ɛyaa lɩmɖʋyaa se potuzi Yezaabɛɛlɩ nɛ ɛtɔlɩ

Pʋwayɩ lɛ, Yehu wolo Yezaabɛɛlɩ kewiyaɣ ɖɩɣa taa. Yezaabɛɛlɩ nɩwa se Yehu ɖiɣni kɔm lɛ, ɛɖʋ ɛ-ɛsa ciyaʋ, ɛcanɩ ɛ-ñɔsɩ, nɛ ɛsɩŋ mondoɖebɔʋ cɔlɔ nɛ ɛɖaŋ. Yehu talaa lɛ, Yezaabɛɛlɩ sɛɛ-ɩ nɛ pana. Yehu koo nɛ eheyi Yezaabɛɛlɩ lɩmɖʋyaa mba paasɩŋ ɛ-cɔlɔ yɔ se: “Ituzi-i nɛ ɛtɔlɩ.” Potuzi Yezaabɛɛlɩ mondoɖebɔʋ yɔɔ peeɖe nɛ ɛlɩɩ ɛtɔlɩ tataa nɛ ɛsɩ.

Pʋwayɩ lɛ, Yehu kʋ Ahaabɩ pɩyalaa tɩŋa; paakpɛndɩ 70, nɛ Baalɩ sɛtʋ sɩɩ tɩnaɣ Izrayɛɛlɩ tɛtʋ taa. Tɔm tʋnɛ tɩwɩlɩɣ kpayɩ kpayɩ se Yehowa naɣ mbʋ payɩ pɩlakɩ yɔ nɛ ɛhɔŋ kɩdɛkɛdaa nɩŋgbaaŋ alɩwaatʋ ndʋ tɩmʋnaa yɔ tɩ-yɔɔ.

«Ñɩm mbʋ ɛyʋ tɩŋɩɣnɩ ɛsa naɣ naɣ lakasɩ yɔɔ nɛ ehiɣ-pʋ kiɖe tɛɛ yɔ, pɩtɛŋna se pɩɩkaɣ-ɩ kɛnʋʋ wazaɣ.»—Aduwa 20:21

Tɔm pɔzʋʋ: Ɛbɛ Yezaabɛɛlɩ laba se pɩsa nɛ ɛmʋ Naabɔɔtɩ viiñi hayɩm? Ɛbɛ yɔɔ Yehowa hɔm Yezaabɛɛlɩ nɩŋgbaŋʋʋ?

1 Awiya 21:1-29; 2 Awiya 9:1–10:30

    Kabɩyɛ Takayɩsɩ (1982-2025)
    Lɩɩ
    Sʋʋ pɩ-taa
    • Kabɩyɛ
    • Tayɩ
    • Ɛzɩma ŋsɔɔlaa se pɩla yɔ
    • Copyright © 2025 Watch Tower Bible and Tract Society of Pennsylvania
    • Ɛzɩma pɩwɛɛ se pala tʋmɩyɛ yɔ
    • Tɔm kɩmɛsɩtʋ yɔɔ paɣtʋ
    • Paramètres de confidentialité
    • JW.ORG
    • Sʋʋ pɩ-taa
    Tayɩ