Hɔɔlʋʋ 3 yɔɔ kɔɔnɔɔ tɔm

Pɩnzɩ nzɩ sɩtɩŋ Tɛʋ Sɔsɔʋ wayɩ yɔ sɩ-taa, ɛyaa mba Bibl yɔɔdɩ pɔ-tɔm se pɛsɛɣaɣ Yehowa yɔ patɩɖɔɔ. Ɛyaa mba pɛsɛɣaɣ Yehowa yɔ pa-taa lɛlʋ lɛ Abraham, nɛ paya-ɩ se Ɛsɔ taabalʋ. Ɛbɛ yɔɔ paya-ɩ se Ɛsɔ taabalʋ? Ye ŋkɛ lʋlɩyʋ yɔ, sɩnɩ ña-pɩɣa nɛ kana se Yehowa kaasɔɔlɩ Abraham tɔm siŋŋ nɛ ɛñɩnaɣ se ɛsɩnɩ-ɩ. Ɛzɩ Abraham, Lɔɔtɩ, Yakɔɔb nɛ caanaʋ taa ɛyaa siɣsiɣ tɩnaa lalaa yɔ, ɖa ɖɔɖɔ ɖɩpɩzɩɣ nɛ ɖɩpɔzɩ Yehowa se ɛsɩnɩ-ɖʋ. Ðɩpɩzɩɣ nɛ ɖɩtaa liu se Yehowa kɔŋ labʋ tɔm ndʋ payɩ ɛyɔɔdaa yɔ tɩ-yɔɔ.