Hɔɔlʋʋ 7 yɔɔ kɔɔnɔɔ tɔm

Hɔɔlʋʋ kʋnɛ kɩ-taa, ɖɩkaɣ yɔɔdʋʋ Wiyaʋ Sɔɔlɩ nɛ Wiyaʋ Daviid kewiyitu tɔɔʋ alɩwaatʋ ndʋ tɩkpɛndɩ pɩnzɩ 80 yɔ, tɩ-tɔm. Sɔɔlɩ luzaɣ ɛ-tɩ nɛ ɛñaŋ Ɛsɔ, ɛlɛ ɛpɩsɩ wiyaʋ nɛ pitileɖi lɛ, ekizi ɖɔm Yehowa paɣtʋ yɔɔ. Pʋyɔɔ Yehowa kizi-i nɛ eheyi Samɩyɛɛlɩ se ɛtaa num Daviid nɛ ɛlɛ pɩsɩ Izrayɛɛlɩ wiyaʋ Sɔɔlɩ lone taa. Peeɖe Sɔɔlɩ paɣzɩ sʋsʋʋ Daviid nɛ ɛñaɣ pana tam sakɩyɛ se ɛkʋ-ɩ. Paa mbʋ yɔ, Daviid taañɩnɩɣ kpa se ɛkpa kɩmɩyɛ. Sɔɔlɩ pɩyalʋ Yonataanɩ nawa se Daviid Yehowa lɩzaa se ɛkɛ wiyaʋ, pʋyɔɔ ɛɛwɛ Daviid hɔɔlʋʋ yɔɔ. Paa Daviid kaalabɩ kɩwɛɛkɩm sɔsɔm yɔ, eluzi ɛ-tɩ nɛ Yehowa hɔ ɛ-nɩŋgbaŋʋʋ. Ye ŋkɛ lʋlɩyʋ yɔ, sɩnɩ ña-pɩɣa nɛ kana se pɩcɛyaa se ɖɩɖʋ nesi Yehowa ɖʋtʋ paa ɛzɩmtaa.