La kɩbandʋ

Mbʋ Yesu laba yɔ

VIDEO: Yesu wa abalʋ yʋlʋm nɔɔyʋ

1. Cɔnɩ VIDEO, yaa kalɩ Yohanɛɛsɩ 9:​1-7. Pʋwayɩ lɛ ŋmaɣzɩ tɔm tʋnɛ tɩ-yɔɔ:

1. Ɛbɛ Yesu calɩ labʋ? Ɛcalɩ waʋ abalʋ yʋlʋm ɛnʋ yaa tɔm kɩbandʋ ɛcalɩ-ɩ susuu?—Cɔnɩ Yoh. 9:​35-38.

2. Ŋmaɣzɩɣ se ɛbɛ yeba nɛ abalʋ ɛnʋ ɛsɔɔlɩ se ewelisini Yesu?

Ɛbɛ ɖɩkpɛlɩkɩɣ Yesu kɩɖaʋ taa?

2. Ye ɛyʋ eɖiɣzinaa se ɖɩmaɣzɩɣ ɛ-yɔɔ yɔ, pɩpɩzɩɣ piyele nɛ ɛsɔɔlɩ se ewelisi tɔm ndʋ ɖisusuu yɔ.

Maɣzɩnɩ Yesu

3. Nɩɩ ɛyʋ ɛnʋ e-siziŋ. Ñaɣ pana nɛ ŋnɩɩ ɛzɩma pɩlakɩ-ɩ yɔ pɩ-taa.

1. Pɔzɩ ña-tɩ se: «Pɩtɩla ɛbɛ kɛ ɛ-kɩcɛyɩm? Ɛbɛ pɩzɩɣ pɩsɩnɩ-ɩ? Nɛ ɛbɛ pɩzɩɣ nɛ pɩkɛdɩnɩ-ɩ?» Ye ŋlakɩ mbʋ yɔ, pɩpɩzɩɣ pɩsɩnɩ-ŋ nɛ ŋla kɩbandʋ nɛ laŋɩyɛ faaa.

2. Ye ɛyʋ nɔɔyʋ ɛyɔɔdʋʋnɩ-ŋ yɔ, welisini-i camɩyɛ nɛ ɛna se ŋmaɣzɩɣ mbʋ pɩcɛyɩɣ-ɩ yɔ pɩ-yɔɔ. Ye eheyiɣ-ŋ lɩmaɣza wena ɛwɛnɩ wɛtʋ natʋyʋ yɔɔ yɔ yaa eheyiɣ-ŋ kaɖɛ nɖɩ ɛwɛɛ nɛ ɛkatɩɣ yɔ ɖɩ-tɔm yɔ, taalɛɣzɩ kɛdaɣ.

4. Yɔɔdɩnɩ nɔɔ kɩbaŋa nɛ ñamtʋ. Ɛzɩma ŋyɔɔdʋʋnɩ ɛyʋ ɛnʋ yɔ, pɩkaɣ yebu nɛ eɖiɣzina se ŋnɩɣ e-siziŋ nɛ ŋsɔɔlɩ siŋŋ se ŋsɩnɩ-ɩ. Yɔɔdɩnɩ nɔɔ kɩbaŋa nɛ ŋlɩzɩ tɔm pee wena ŋlakɩnɩ tʋmɩyɛ yɔ camɩyɛ. Kpa ña-tɩ nɛ ŋtaayɔɔdɩ tɔm ndʋ tɩpɩzɩɣ nɛ tɩɖʋ-ɩ ɖɩwɩzɩyɛ yɔ.

5. Sɩnɩ lalaa. Ñɩnɩ nʋmɔŋ weyi ɩ-yɔɔ ɖeyi ɖeyi ŋpɩzɩɣ ŋtɩŋna nɛ ŋsɩnɩ ɛyʋ ɛnʋ yɔ. Ye ɖɩlakɩ ɛyaa kɩbandʋ yɔ, pɩpɩzɩɣ piyele nɛ pɔsɔɔlɩ se ɖa nɛ wɛ ɖɩla kɛdaɣ.