Nɩɩ lalaa siziŋ

Mbʋ Yesu laba yɔ

VIDEO: Ɛyaa samaɣ tɔm labɩ Yesu pʋtɔdɩyɛ

1. Cɔnɩ VIDEO, yaa kalɩ Maarɩkɩ 6:​30-34. Pʋwayɩ lɛ ŋmaɣzɩ tɔm tʋnɛ tɩ-yɔɔ:

1. Ɛbɛ yɔɔ Yesu nɛ apostoloowaa pañɩnaɣ se «pɛwɛɛ pe-ɖeke»?

2. Ɛbɛ kaaseɣti Yesu nɛ ɛwɩlɩ samaɣ tɔm?

Ɛbɛ ɖɩkpɛlɩkɩɣ Yesu kɩɖaʋ taa?

2. Ye ɖɩnɩɣ lalaa siziŋ yɔ, piseɣtiɣ-ɖʋ se ɖɩla nabʋyʋ keekee nɛ ɖɩsɩnɩ-wɛ pa-kɩcɛyɩm taa nɛ ɖɩtɛ ɖisusi-wɛ tɔm kɩbandʋ.

Maɣzɩnɩ Yesu

3. Welisi camɩyɛ. Ha ɛyʋ ɛnʋ waɖɛ nɛ ɛyɔɔdɩ ndʋ ɛmaɣzɩɣ yɔ. Taacɛ ɛ-nɔɔ yɔɔ. Ye ɛwɛɛ nɛ ɛyɔɔdʋʋ ɛ-lɩmaɣza yaa ɛzɩma pɩlakɩ-ɩ yɔ pɩ-tɔm yɔ, kpaɣ alɩwaatʋ nɛ ŋwelisini-i. Ye ŋwelisiɣni-i camɩyɛ yɔ, ŋwɩlɩɣ-ɩ se ŋmaɣzɩ ɛzɩma pɩlakɩ-ɩ yɔ pɩ-yɔɔ.

4. Maɣzɩ ɛyʋ weyi Bibl taa tɔm kɛdɩnɩ-ɩ yɔ ɛ-yɔɔ. Ðaɣnɩ maɣzʋʋ kɛdaɣ ŋga ña nɛ ɩ ɩlakɩ yɔ kɔ-yɔɔ nɛ ŋpɔzɩ ña-tɩ se:

1. «Ɛbɛ yɔɔ pɩcɛyaa se ɛnɩɩ toovenim tɔm?»

2. «Ye ɛkpɛlɩkɩ Bibl yɔ, ɛzɩma pɩpɩzɩɣ piyele nɛ e-wezuu caɣʋ lɛɣzɩ sɔnɔ sɔnɔ nɛ cee wayɩ?»

5. Ɩla kɛdaɣ tɔm ndʋ tɩpɩzɩɣ nɛ tɩwazɩ-ɩ yɔ tɩ-yɔɔ. Ye pɩsaŋ yɔ, wɩlɩ-ɩ kpaagbaa ɛzɩma Bibl kpɛlɩkʋʋ pɩzɩɣ pɩsɩnɩ-ɩ nɛ ecosi tɔm ndʋ ɛpɔzʋʋ ɛ-tɩ yɔ tɩ-yɔɔ yɔ; wɩlɩ-ɩ ɖɔɖɔ ɛzɩma pɩpɩzɩɣ pɩsɩnɩ-ɩ hɔɔlɩŋ nɩɩyɩ taa ɖeyi ɖeyi yɔ.