Ɛzɩma ɖɩpaɣzɩ kɛdaɣ yɔ

Ða nɛ ɛyaa ɖɩpaɣzɩ Bibl kpɛlɩkʋʋ kajalaɣ mazaɣ wiye décembre taa

“Ðɩwɛ mi-kooka taa sɔnɔ nɛ ɖɩlakɩ faawɩyɛ pɩlɩɩnɩ hɔʋ taa kɩcɛyɩm yɔɔ. Lʋlɩyaa sakɩyɛ ñɩnɩɣ se pe-piya ɩsɔɔlɩ Ɛsɔ. Ŋmaɣzɩɣ se pɩcɛyaa se lʋlɩyaa ɩwɩlɩ pe-piya ɛzɩma sɩsɔɔlɩ Ɛsɔ yɔ, yaa piya pɩwɛɛ se sɩ-maɣmaɣ sɩñaɣ pana nɛ sɩsɔɔlɩ Ɛsɔ?” Ha-ɩ nʋmɔʋ nɛ ecosi. Wɩlɩ-ɩ 1^er décembre Feŋuu Tilimiye kɛdɛzaɣ hayʋʋ nɛ ɩtazɩ tɔm ndʋ tɩwɛ kajalaɣ tɔm pɔzʋʋ tɛɛ yɔ, tɩ-taa nɛ paa pɩkɩlaa yɔ ɩtazɩ mayaɣ kʋɖʋmaɣ taa. Ha-ɩ fenaɣ fenaɣ takayɩsɩ nzɩ nɛ ŋla ɖʋtʋ se pʋwayɩ lɛ ŋŋpɩsɩ nɛ ɩtazɩ tɔm pɔzʋʋ naalɛ mbʋ taa.

Feŋuu Tilimiye 1^er décembre

“Ðiwoki ɛyaa cɔlɔ se ɖa nɛ wɛ ɖɩla faawɩyɛ pazɩ Ɛsɔ yɔɔ. Ðɩnawa se ɛyaa wɛnɩ lɩmaɣza ndɩ ndɩ Ɛsɔ yɔɔ. Ña naʋ taa yɔ, Ɛsɔ kɛ ɖoŋ nɩɩyɩ yem yaa ɛkɛ taabalʋ kɩbanʋ weyi ɛmaɣzɩɣ ɖa-kɩcɛyɩm yɔɔ yɔ? [Ha-ɩ nʋmɔʋ nɛ ecosi.] Bibl mayaɣ kanɛ keheyiɣ-ɖʋ ɛzɩma Ɛsɔ sɔɔlaa se ɖa nɛ ɩ ɖɛ-hɛkʋ taa ɛwɛɛ yɔ. [Kalɩ Yakubu 4:8a.] Takayaɣ kanɛ kawɩlɩɣ-ɖʋ mbʋ ɖɩpɩzɩɣ ɖɩla nɛ ɖɩñɔtɩnɩ Ɛsɔ yɔ, pɩ-taa naadozo.”

Réveillez-vous! Décembre

“Ðiwoki ɛyaa cɔlɔ se ɖa nɛ wɛ ɖɩla faawɩyɛ pazɩ pɩlɩɩnɩ kʋdɔmɩŋ weyi ɩcɛyɩɣ ɛyaa sakɩyɛ yɔ, ɩ-taa nakʋyʋ yɔɔ. Ɛgbɛyɛ nɖɩ ɖɩcɔŋnɩ tɔnʋʋ taa kpeetaɣ yɔɔ ɛjaɖɛ kpeekpe yɔɔ yɔ ɖɩtɔm se ye pakpaɣ ɛzɩ ɛyaa naanza yɔ, lɩmaɣza taa kʋdɔŋ ŋgʋ payaɣ se dépression yɔ, kɩcɛyɩɣ pa-taa kʋɖʋm e-wezuu caɣʋ alɩwaatʋ natʋyʋ taa. Ña-naʋ taa yɔ, lɩmaɣza taa kʋdɔmɩŋ tɛzɩɣ ɖoŋ kpaʋ kɩkpaʋ yaa ɩwɛɛ nɛ ɩtʋkʋʋ? [Ha-ɩ nʋmɔʋ nɛ ecosi.] Bibl ha-ɖʋ lidaʋ se pɩkazɩ pazɩ kʋdɔmɩŋ nɛ wɩzasɩ pasɩɣ tɩnaɣ. [Kalɩ Natʋ 21:3, 4.] Takayaɣ kanɛ keheyiɣ-ɖʋ mbʋ pɩwɛɛ se paa weyi lɛ ɛtɩlɩ lɩmaɣza taa kʋdɔmɩŋ yɔɔ yɔ, pɩ-taa nabʋyʋ.”