Ɛzɩma ɖɩpaɣzɩ kɛdaɣ yɔ
Ða nɛ ɛyaa ɖɩpaɣzɩ Bibl kpɛlɩkʋʋ kajalaɣ mazaɣ wiye juin taa
“Ðɩwɛɛ nɛ ɖiwoki ɛyaa cɔlɔ se ɖa nɛ wɛ ɖɩla faawɩyɛ tɔm kɩcɛyɩtʋ tʋnɛ tɩ-yɔɔ. [Wɩlɩ-ɩ 1er juin tɛ Feŋuu Tilimiye kɛdɛzaɣ hɔɔlʋʋ yɔɔ tɔm pɔzʋʋ kajalaɣ ñɩmbʋ.] Suwe ŋmaɣzɩɣ tɔm tʋnɛ tɩ-yɔɔ?” Ha-ɩ alɩwaatʋ nɛ ecosi. Pʋwayɩ lɛ, ña nɛ ɩ ɩtazɩ tɔm ndʋ tɩwɛ kajalaɣ tɔm pɔzʋʋ mbʋ pɩ-tɛɛ yɔ tɩ-taa, nɛ paa pɩkɩlaa yɔ, ɩtazɩ mayaɣ kʋyʋmaɣ taa. Ha-ɩ juin fenaɣ takayɩsɩ nɛ ɩɖʋ alɩwaatʋ nɛ ŋpɩsɩ wiɖiyi nɛ ɩtazɩ tɔm pɔzʋʋ mbʋ pɩkɔŋ pʋwayɩ yɔ, pɩ-taa.
Feŋuu tilimiye 1er juin
“Sɩgaa ñɔʋ kʋʋ ɛyaa ɛzɩ 6 000 000 mbʋ yɔ paa pɩnaɣ ŋga. Ŋmaɣzɩɣ se papɩzɩɣ nɛ pala nabʋyʋ nɛ sɩgaa ɛtaatasɩ ɛyaa kʋʋ mbʋ? [Ha-ɩ alɩwaatʋ nɛ ecosi.] Pasɩnɩ ɛyaa sakɩyɛ nɛ patɩlɩ Ɛsɔ lɩmaɣza sɩgaa ñɔʋ yɔɔ nɛ peyele sɩgaa ñɔʋ yaa pataapaɣzɩ kɩ-ñɔʋ. Bibl mayaɣ kanɛ kasɩnɩ ɛyaa nabɛyɛ se pamaɣzɩɣ ɖoŋ weyi sɩgaa ñɔʋ wɛnɩ lalaa yɔɔ yɔ, ɩ-yɔɔ. [Kalɩ 1 Kɔrɛntɩ 10:24.] Takayaɣ kanɛ kawɩlɩɣ-ɖʋ lɩmaɣza wena Ɛsɔ wɛnɩ sɩgaa ñɔʋ yɔɔ nɛ ɛzɩma apɩzɩɣ asɩnɩ ɛyʋ nɛ eyele sɩgaa ñɔʋ yɔ.”
Réveillez-vous! Juin
“Intɛrnɛɛtɩ yɔɔ taabalɩyɛ ɖʋʋ yeba nɛ ɛyaa wɛɛnɩ taabalaa sakɩyɛ sɔnɔ nɛ pɩkɩlɩ ɖooo lɛ. Ŋmaɣzɩɣ se wɛtʋ kɩbandʋ ndʋ pɩkɩlɩ cɛyʋʋ se taabalʋ ɛwɛna? [Ha-ɩ alɩwaatʋ nɛ ecosi.] Lɔŋ tasʋʋ kɩbambʋ mbʋ pɩpɩzɩɣ pɩsɩnɩ-ɖʋ nɛ ɖihiɣ taabalʋ kɩbanʋ yɔ, pɩ-taa nabʋyʋ yɔ Bibl taa cɩnɛ. [Kalɩ Yakubu 1:19.] Takayaɣ kanɛ kɔyɔɔdʋʋ paɣtʋ naanza ndʋ tɩpɩzɩɣ tɩsɩnɩ-ɖʋ nɛ ɖɩkɛ weyi ɛyaa sɔɔlaa se paɖʋnɩ taabalɩyɛ yɔ.”