Ŋwɛɛ nɛ ŋñɔɔzʋʋ ña-tɩ Krɩstʋ sɩm yɔɔ tɔzʋʋ sɔnzɩ yɔɔ?
Ðɩɩwɛ Nisaŋ 13 pɩnaɣ 33 Ð.A. taa. Yesu kaanawa se pʋcɔ nɛ pakʋ-ɩ lɛ, ɛ nɛ ɛ-taabalaa pakaɣ caɣʋ kɛdɛzaɣ ɖoo ana a-taa. Ɛ nɛ wɛ pakaɣ tɔɔʋ kɛdɛzaɣ Paska nɛ ɩsɩɩ sɔnzɩ kɩfasɩ nasɩyɩ tigiɖe, nzɩ lɛ Kɩbaɣlʋ tɔɔnaɣ sɔnzɩ. Pʋcɔ nɛ pala sɔnzɩ sɔsɔsɩ nzɩ lɛ, pɩwɛɛ se pɔñɔɔzɩ pa-tɩ nɛ pɔñɔɔzɩ wondu natʋyʋ ɖɔɖɔ. Pʋyɔɔ etiyi Pɩyɛɛrɩ nɛ Yohanɛɛsɩ se powolo nɛ pɔñɔɔzɩ wondu. (Luka 22:7-13) Kpaɣnɩ puwiye nɛ pɩɖɛɣ lɛ, paa pɩnaɣ ŋga pɩcɛyaa se Krɩstʋ ñɩma mba pɔsɔɔlaa se pala Krɩstʋ sɩm yɔɔ tɔzʋʋ sɔnzɩ yɔ, pɔñɔɔzɩ pa-tɩ pʋcɔ nɛ sɩtalɩ. (Luka 22:19) Pakaɣ labʋ sɔnzɩ nzɩ 3 avril wiye, ɛlɛ pʋcɔ nɛ evemiye nɖɩ ɖɩtalɩ lɛ, ɛbɛ nɛ ɛbɛ pɩwɛɛ se ɖɩñɔɔzɩ?
Mbʋ pɩwɛɛ se koobiya ɩñɔɔzɩ yɔ:
Ñaɣ pana nɛ ŋɖʋ nesi Krɩstʋ sɩm yɔɔ tɔzʋʋ ŋgee tɔm susuu camɩyɛ.
Ma ñe-Bibl kpɛlɩkɩyaa, ño-koobiya, ño-sukuli taa yaa ña-tʋmɩyɛ taa taabalaa nɛ ñɛ-ɛyɩsɩmaa mba ŋkaɣ yaʋ yɔ pa-hɩla; nɛ ŋñaɣ pana nɛ ŋyaa-wɛ ɖɔɖɔ.
Kalɩ Bibl hɔɔlʋʋ ŋgʋ pakaɣ haʋ se pakalɩ alɩwaatʋ ndʋ tɩ-taa yɔ nɛ ŋmaɣzɩ tɔm ndʋ ŋkalaa yɔ tɩ-yɔɔ.
Kɔɔ Krɩstʋ sɩm yɔɔ tɔzʋʋ sɔnzɩ ɖɩlaɖɛ lɔŋ nɛ ŋmʋ agɔma.