Ðɩwɛɛ niye tɔm susuu taa nɛ pɩkɩlɩ: Ðɩwɛnɩ fenaɣ fenaɣ takayɩsɩ mʋyaa

Ɛbɛ yɔɔ pɩcɛyaa? Ɛyaa sakɩyɛ sɔɔlaa se pakalɩ ɖa-takayɩsɩ, ɛlɛ patɩsɔɔlɩ se ɖa nɛ wɛ ɖɩkpɛlɩkɩ Bibl. Pɩtɩla pamaɣzɩɣ se pɛtɛm wɛnʋʋ po-cooci yaa pɛfɛyɩnɩ alɩwaatʋ se pɛkpɛlɩkɩ Bibl. Ɛlɛ, pʋtɔma pakalʋʋ ɖa-takayɩsɩ ɖoŋ ɖoŋ yɔ, piyeki nɛ papaɣzɩ sɔɔlʋʋ Ɛsɔtɔm siŋŋ. (1 Pɩy. 2:2) Takayaɣ nakɛyɛ taa ñʋʋ nakʋyʋ pɩzɩɣ nɛ kitukuni pa-laŋɩyɛ, yaa wɛtʋ ndʋ tɩ-taa pɛwɛɛ yɔ, tɩpɩzɩɣ nɛ tɩlɛɣzɩ. Ye ɖiwoki ɖoŋ ɖoŋ nɛ ɖɩkpakɩɣ alɩwaatʋ pazɩ nɛ ɖɩnaɣ-wɛ yɔ, pɩpɩzɩɣ piyele nɛ ɖɩmalɩnɩ ɖama nɛ pɩsɩnɩ-ɖʋ nɛ ɖɩtɩlɩ mbʋ pɔsɔɔlaa nɛ mbʋ pɩkɛnɩ pa-nɩɣzɛ yɔ. Pɩtɩla pʋwayɩ lɛ, ɖa nɛ wɛ ɖɩpɩzɩɣ nɛ ɖɩpaɣzɩ Bibl kpɛlɩkʋʋ.

Ɛzɩma pɩwɛɛ se ɖɩla?

Paa fenaɣ ŋga lɛ, ñɩnɩ alɩwaatʋ nɛ ŋwoni ɛyaa mba kɛdɛzaɣ Feŋuu Tilimiye yaa Réveillez-vous! Pɩtɩla pɩwɛɣ ɖeu se ŋwolo nɛ ŋna-wɛ alɩwaatʋ lɛɛtʋ yɔɔ fenaɣ ŋga ka-taa nɛ ŋsɩnɩ-wɛ nɛ pɩlabɩ-wɛ liu se pakalɩ takayɩsɩ nzɩ ŋcɛlɩ-wɛ yɔ, sɩ-taa ñʋʋ nakʋyʋ; yaa ŋpɩzɩɣ ŋwolo nɛ ŋcɛlɩ ɛyaa mba takayaɣ ŋga pɔtɔm se paha fenaɣ ŋga ka-taa yɔ. Ma pɩtɩŋa mbʋ yɔ pɩ-tɔm camɩyɛ nɛ ŋtaasɔɔ.—Cɔnɩ janvier 2014 tɛ Kewiyaɣ Ɛsɔ Sɛtʋ Tʋmɩyɛ takayaɣ, hɔɔlʋʋ 3.
Ñɔɔzɩ ña-tɩ pʋcɔ nɛ ŋwolo nɛ ŋna-wɛ. Taawolo nɛ ŋcɛlɩ-wɛ fenaɣ fenaɣ takayɩsɩ yem nɛ ŋɖɛɛ, ɛlɛ yele nɛ ña nɛ ɖɩɣdʋ ɩla faawɩyɛ tɔm natʋyʋ yɔɔ nɛ taabalɩyɛ wɛɛ mɩ-hɛkʋ taa. Piyeki nɛ e-liu wɛɛ se ɛkalɩ yaa ɛkpɛlɩkɩ ɖa-takayɩsɩ.
Ðaŋ kpam nɛ ŋna se ɛzɩmtaa ña nɛ ɩ ɩpɩzɩɣ nɛ ɩpaɣzɩ Bibl kpɛlɩkʋʋ. Ye mba ŋwokini takayɩsɩ yɔ, pa-taa nɔɔyʋ ɛpɔzɩ-ŋ se suwe Bibl yɔɔdʋʋ tɔm natʋyʋ yɔɔ yɔ, kɔnɩ-ɩ takayaɣ ŋga kocosuu tɔm ndʋ tɩ-yɔɔ yɔ nɛ ña nɛ ɩ ɩla faawɩyɛ pɩ-yɔɔ. Pʋcɔ nɛ ŋɖɛɛ lɛ, pɔzɩ-ɩ tɔm natʋyʋ nɛ pʋwayɩ lɛ, ŋpɩsɩ nɛ ŋcosi tɩ-yɔɔ. Ye ŋtɩŋɩɣnɩ Bibl yaa takayɩsɩ nzɩ ɖa nɛ ɛyaa ɖɩkpɛlɩkɩɣ yɔ, sɩ-yɔɔ nɛ ña nɛ ɛyʋ nɔɔyʋ ɩlakɩ faawɩyɛ ɖoŋ ɖoŋ yɔ, pʋbʋ lɛ ŋwɛɛ nɛ ŋkpɛlɩkɩɣnɩ-ɩ Bibl lɛ mbʋ yɔ. Ŋha nɔɔyʋ Laŋhɛzɩyɛ Tɔm takayaɣ nɛ ŋwɩlɩ-ɩ ɛzɩma ɖa nɛ ɛyaa ɖɩtɩŋɩɣnɩ kɔ-yɔɔ nɛ ɖɩkpɛlɩkɩɣ Bibl yɔ? Yaa Ŋwɩlɩ-ɩ videowaa mba payaɣ se Ɛbɛ yɔɔ pɩwɛɛ se ɛyʋ ɛkpɛlɩkɩ Bibl? yaa Ɛzɩma ɖɩkpɛlɩkɩɣnɩ ɛyaa Bibl? Paa ɛyʋ etaatisiɣ ɖooo lɛ se ɛkpɛlɩkɩ Bibl yɔ, pɩtɩtɩlɩ wɛtʋ ndʋ tɩ-taa ɛwɛɛ yɔ, tɩlɛɣzaa. Ye ŋɖaɣnɩ maɣzʋʋ, pɩtɩla pɩkaɣ lʋlʋʋ pee kɩbana.

Labɩnɩ tʋmɩyɛ lɔŋ tasʋʋ pʋnɛ fenaɣ kanɛ:

Ma mba ŋmaɣzɩɣ se ŋpɩzɩɣ nɛ ŋwoni-wɛ fenaɣ fenaɣ takayɩsɩ ɖoŋ ɖoŋ yɔ, pa-hɩla. Ha-wɛ fenaɣ taa fenaɣ fenaɣ takayɩsɩ nɛ ŋheyi-wɛ se ŋkaɣ-wɛ wonuu fenaɣ lɛɛka taa takayɩsɩ.