Ðɩwɛɛ niye tɔm susuu taa nɛ pɩkɩlɩ: Tɩŋnɩ Laŋhɛzɩyɛ Tɔm takayaɣ yɔɔ nɛ ña nɛ ɛyaa ɩpaɣzɩ Bibl kpɛlɩkʋʋ kpaagbaa
Ɛbɛ yɔɔ pɩcɛyaa? Pʋcɔ nɛ ɖɩsɩnɩ ɛyaa nɛ papɩsɩ Yesu tɔm tɔmkpɛlɩkɩyaa lɛ, pʋmʋnaa se ɖɩkɛ Ɛsɔtɔm wɩlɩyaa. (Mat. 28:19, 20) Ða-tɩŋa ɖɩpɩzɩɣ ɖɩtɩŋnɩ wondu ndʋ paha-ɖʋ yɔ tɩ-yɔɔ nɛ ɖɩwɩlɩ toovenim tɔm camɩyɛ. Palabɩ hatʋ cabɩ takayaɣ ŋga payaɣ se Laŋhɛzɩyɛ Tɔm Ndʋ Tɩlɩnɩ Ɛsɔ Cɔlɔ! yɔ se kasɩnɩ-ɖʋ nɛ ɖɩwɩlɩ ɛyaa toovenim tɔm. Halɩ ɖɩpɩzɩɣ nɛ ɖɩtɩŋnɩ kɔ-yɔɔ nɛ ɖa nɛ ɛyaa ɖɩpaɣzɩ Bibl kpɛlɩkʋʋ puwiye nɖɩ ɖɩcalɩɣ-wɛ katʋʋ yɔ kpaagbaa.
Labɩnɩ tʋmɩyɛ lɔŋ tasʋʋ pʋnɛ fenaɣ kanɛ:
Tɩmɩ nɛ ŋpɔzɩ Yehowa se eyele nɛ pɩlabɩ-ŋ liu se ña nɛ nɔɔyʋ ɩkpɛlɩkɩ Bibl. Tendi-i se ɛsɩnɩ-ŋ nɛ ŋhiɣ Bibl kpɛlɩkɩyʋ nɛ ŋpɩsɩ ɖɔɖɔ toovenim tɔm wɩlɩyʋ kɩbanʋ.—Fil. 2:13.
Ɩɩlakɩ mɩ-hɔʋ taa Bibl kpɛlɩkʋʋ lɛ, ɩñaɣ pana nɛ ɩkpɛlɩkɩ tɔm ndʋ ɩpɩzɩɣ ɩyɔɔdɩ nɛ mɩ nɛ ɛyaa ɩpaɣzɩ Bibl kpɛlɩkʋʋ yɔ, nɛ tɩcaɣ mɩ-ñʋŋ taa. Piyeki nɛ ɩyɔɔdɩnɩ abalɩtʋ nɛ mɩ nɛ ɛyaa ɩpaɣzɩ Bibl kpɛlɩkʋʋ kpaagbaa.