“Paɣtʋ ndʋ . . . tɩkaɣ wɛʋ ña-laŋɩyɛ taa”
Lʋlɩyaa wɛ ɛzɩ ninɖiɣyaa yɔ. Pʋmʋnaa se pɔcɔnɩ pe-piya yɔɔ camɩyɛ, mbʋ yɔ sɩpɩzɩɣ nɛ sile kɛlɛʋ yem nɛ pɩkɔnɩ-sɩ kaɖɛ sɔsɔɖɛ. (Adu. 27:23) Ɛzɩma lʋlɩyaa pɩzɩɣ nɛ pala pa-tʋmɩyɛ nɖɩ camɩyɛ? Pɩwɛɛ se pakpaɣ alɩwaatʋ paa evemiye nɖɩ nɛ pa nɛ pe-piya palakɩ faawɩyɛ, pɩsɩɣnɩ-wɛ nɛ patɩlɩ mbʋ pɩwɛ pa-lɩmaɣza taa nɛ pa-laŋa taa yɔ (Adu. 20:5) Pɩtasɩ lɛ, pʋmʋnaa se lʋlɩyaa ɩkpaɣ wondu ndʋ tɩɩñakɩ miŋ yɔ nɛ pakpazɩnɩ pe-piya tisuu ɖoŋ. (1 Kɔr. 3:10-15) Video ŋgʋ payaɣ se “Paɣtʋ ndʋ . . . tɩkaɣ wɛʋ ña-laŋɩyɛ taa” yɔ, kɩwɩlɩɣ se pɩcɛyaa se palakɩ hɔʋ taa Bibl kpɛlɩkʋʋ ɖoŋ ɖoŋ. Ɩcɔnɩ video ŋgʋ mɩ-hɔʋ taa nɛ ecosini tɔm ndʋ tɩkɔŋ yɔ, tɩ-yɔɔ.
(1) Ɛbɛ yeba pɩkɔnɩ Roman hɔʋ kaɖɛ fezuu taa? (2) Pana wena Roman ñakaɣ kajalaɣ ɖeɖe yɔ, ɛbɛ yɔɔ atɩwazɩ nabʋyʋ? (3) Masɩ nzɩ sɩnɩ-ɩ nɛ ɛna ɛzɩma pɩwɛɛ se ɛcɔnɩ e-piya yɔɔ camɩyɛ yɔ? (4) Ɛbɛ pɩzɩɣ piyele nɛ hɔʋ taa ɛyaa yɔɔdʋʋnɩ ɖama camɩyɛ? (5) Ɛbɛ piya ñɩnɩɣ se sɩ-lʋlɩyaa ɩlabɩ-sɩ? (6) Ɛzɩma Koobu Barrow nɛ ɛ-halʋ pɛ-wɛtʋ sɩnɩ Roman hɔʋ? (Adu. 27:17) (7) Ɛzɩma pɩwɛɛ se hɔʋ ñʋʋdʋ ɛñɔɔzɩ ɛ-tɩ nɛ hɔʋ taa Bibl kpɛlɩkʋʋ wɛ leleŋ nɛ pɩkɩlɩ? (8) Ɛbɛ koobu Roman laba se pɩsɩɣnɩ-ɩ nɛ ɛ-hɔʋ taa pɩñɔɔzɩ? (9) Ɛbɛ yɔɔ pɩcɛyaa se palakɩ hɔʋ taa bibl kpɛlɩkʋʋ ɖoŋ ɖoŋ? (Efɛ. 6:4) (10) Ɛbɛ keekee papɩzɩɣ nɛ pala hɔʋ taa Bibl kpɛlɩkʋʋ alɩwaatʋ taa nɛ pɩwazɩ nɛ pɩkɩlɩ? (11) Ɛzɩma koobu Roman laba alɩwaatʋ ndʋ ɛsɩɣaɣnɩ ɛ-pɩyalʋ Marcus se ɛna se kɩbandʋ wɛ ɖeu lɛ? (Yer. 17:9) (12) Ɛzɩma Koobu Roman nɛ ɛ-halʋ pasɩnɩ Rebeka nɛ ɛkpaɣ lɩmaɣza kɩbana nɛ ɛcɛ taabalɩyɛ nɖɩ ɖɩɩwɛ ɛ nɛ Justin pɛ-hɛkʋ taa yɔ? (Mark. 12:30; 2 Tim. 2:22) (13) Ɛzɩma koobu Roman nɛ ɛ-halʋ pawɩlaa se pɛwɛnɩ tisuu alɩwaatʋ ndʋ pɛlɛɣzaɣ pe-wezuu se kɩwɛɛ kɛlɛʋ yɔ? (Mat. 6:33) (14) Ɛzɩma video kʋnɛ kɩwɩlaa se pɩcɛyaa se hɔŋ ñʋndɩnaa ɩcɔnɩ pɔ-hɔŋ yɔɔ fezuu taa? (1 Tim. 5:8) (15) Ye ŋkɛ hɔʋ ñʋʋdʋ ŋtɛm ña-taa se ŋlakɩ we lɛɛlɛɛyɔ?
HƆŊ ÑƲNDƖNAA ƖTƖLƖ SE: Paalabɩ ɖa-alɩwaatʋ taa drama kʋnɛ 2011 tɛ kigbeɣliŋ sɔsɔŋ taa. Alɩwaatʋ ndʋ tɩ-taa lɛ, ŋŋna hɔɔlʋʋ nakʋyʋ nɛ pɩwɛɛ se ŋñɔɔzɩ-kʋ? Nɛ lɛɛlɛɛyɔ yɔ? Ye ŋnawa se hɔɔlɩŋ nɩɩyɩ wɛɛ nɛ pɩwɛɛ se ŋñɔɔzɩ-ɩ yɔ, ɖitendi-ŋ tɩmɩ nɛ ŋla lɛɣzɩtʋ ndʋ pʋpɔzʋʋ yɔ pɩɩwazɩ ñɔ-hɔʋ tam.—Efɛz. 5:15-17.