“Iwolo pɩ-yɔɔ nɛ ɩmaɣzɩ pɩ-yɔɔ”

Wondu ndʋ yɔɔ? Fil 4:8 yɔɔdʋʋ se ɖiwolo pɩ-yɔɔ nɛ ɖɩmaɣzɩɣ mbʋ payɩ pɩkɛ toovenim yɔ, mbʋ payɩ pɩmʋnɩ ñamtʋ yɔ, mbʋ payɩ pɩwɛ siɣsiɣ yɔ, mbʋ payɩ pɩwɛ kele kele yɔ, mbʋ payɩ pɩmʋnaa se pɔsɔɔlɩ-pʋ yɔ, mbʋ payɩ pɩ-yɔɔ pɔyɔɔdʋʋ tɔm kɩbandʋ yɔ, mbʋ payɩ pɩkɛ kɩbandʋ labʋ yɔ, nɛ mbʋ payɩ pɩmʋnɩ samtʋ yɔ pɩ-yɔɔ. Pɩkɛ toovenim se patɩɖʋ Krɩstʋ mba paɣtʋ se paa ɛzɩmtaa lɛ powolo pɩ-yɔɔ nɛ pamaɣzɩɣ Bibl taa tɔm ɖeke yɔɔ. Ɛlɛ pɩwɛɛ se mbʋ pɩ-yɔɔ ɖɩmaɣzɩɣ yɔ, pɩkɛdɩnɩ Yehowa. Pɩtɩmʋna se pɩcamɩ ɖe-siɣsiɣ wɛtʋ.—Keɣa 18:15.

Pɩfɛyɩ kɛlɛʋ se ɛyʋ ese lɩmaɣza kɩdɛkɛdaa. Pɩwɛɛ se ɖɩlʋbɩnɩ ɖa-maɣmaɣ ɖo-tomnaɣ mantɩtalɩ pilim nɛ “ɛjaɖɛ yɔɔ ɖʋtʋ tʋnɛ tɩ-ɛsɔ” weyi ɛkɛ Sataŋ yɔ. (2Kɔ 4:4) Ɛzɩma Sataŋ ɖiyiɣni ɛjaɖɛ yɔ pʋyɔɔ lɛ, ɛwɛnɩ ɖoŋ mbʋ mbʋ pɩwɛ teeleewaa, raadiyoowaa, intɛrnɛɛtɩ nɛ ɛjaɖɛ yɔɔ takayɩsɩ taa yɔ pɩ-yɔɔ. Ye ɖɩtɩtɩlɩ lɩzʋʋ camɩyɛ mbʋ ɖɩɖʋʋ ɖa-maɣzɩm taa yɔ, ɖɩkaɣ wɛnʋʋ lɩmaɣza kɩdɛkɛdaa nɛ awɛɛnɩ ɖoŋ kɩdɛkɛdɩŋ ɖe-wezuu caɣʋ yɔɔ.—Yak 1:14, 15.

CƆNƖ VIDEO KIZI MBƲ PƖPƖZƖƔ PIYELE NƐ ŊLESI SIƔSIƔ WƐTƲ YƆ—ALEƔYA WENA ATƖTƲƲZƖ YƆ, NƐ PƲWAYƖ LƐ ŊCOSI TƆM PƆZƲƲ PƲNƐ PƖ-YƆƆ:

• 

  Ɛbɛ koobu ɛnʋ ɛɛwɛɛ nɛ ɛcɔŋnɩ ɛ-pɔrtaabɩlɩ yɔɔ, nɛ ɖoŋ weyi pɩwɛnɩ ɛ-yɔɔ?

• 

  Ɛzɩma Galaatii mba 6:7, 8 nɛ Keɣa 118:37 sɩnɩ-ɩ?