Yehowa sɔɔlɩ mba pɛwɛ cɩɖɩ cɩɖɩ yɔ

“Saŋ ñe-nesi. Ñɔɔzɩ ño-kuduyuu tɛɛ. Hazɩ taɣ yɔɔ. Kuu ñɩtʋ nɛ ŋlɔ.” Lʋlɩyaa sakɩyɛ wɩlɩɣ pe-piya ɛzɩma sɩwɛɛ cɩɖɩ cɩɖɩ tomnaɣ yɔɔ yɔ. Ɛlɛ toovenim taa lɛ, ɖɛ-Ɛsɔ weyi ɛwɛ kele kele yɔ, ɛnʋ pɔzʋʋna se ɖɩwɛɛ cɩɖɩ cɩɖɩ. (Ejl 30:18-20; Wp 23:14; 2Kɔ 7:1) Ye ɖɩsɔʋ lɩm nɛ ɖɩcɔŋnɩ ɖo-wondu ɖeɖe camɩyɛ se tɩwɛɛ kele kele yɔ, ɖɩɖʋʋ Yehowa hɩɖɛ. (1Pɩ 1:14-16) Nɛ ɖa-ɖɩɣa taa nɛ ka-wayɩ yɔ? Krɩstʋ mba ɩɩlɔʋ ñɩtʋ nɛ wondu lɛɛtʋ habɛɛ yɔɔ nɛ kaɖɩsɩ taa ɛzɩ lalaa lakʋʋ yɔ, ɛlɛ palakɩ po-ɖoŋ ɖeɖe se tɛtʋ ndʋ tɩkɛ ɖa-ɖɩɣa yɔ, tɩwɛɛ cɩɖɩ cɩɖɩ. (Keɣa 113B:16; Nat 11:18) Ye ɖɩlɔʋ bɔmbɔmnaa hatʋ, tomaatɩ yaa sʋlʋm kaanʋnaa paa le, yaa ye ɖɩtaaɖɩɣ sɛŋgɔmwaa paa le yɔ, pɩwɩlɩɣ se ɖɩfɛyɩnɩ lɩmaɣza kɩbana cɩɖɩ cɩɖɩ wɛtʋ yɔɔ. “Ðɩwɩlɩɣ ɖa-tɩ ɛzɩ Ɛsɔ lɩmɖʋyaa yɔ,” mbʋ payɩ ɖɩlakɩ yɔ pɩ-taa.—2Kɔ 6:3, 4.

CƆNƖ VIDEO ƐSƆ SƆƆLƖ MBA PƐWƐ CƖÐƖ CƖÐƖ YƆ, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• Kawanaɣ ŋga nabɛyɛ ñɩnɩɣ nɛ paacɔŋnɩ po-wondu ɖeɖe camɩyɛ se tɩwɛɛ cɩɖɩ cɩɖɩ?

• Ɛzɩma Moyizi Paɣtʋ sɩɣnɩ-ɖʋ se ɖɩtɩlɩ lɩmaɣza wena Yehowa wɛnɩ cɩɖɩ cɩɖɩ wɛtʋ yɔɔ yɔ?

• Nʋmɔʋ ŋgʋ yɔɔ ɖɩpɩzɩɣ ɖɩtɩŋna nɛ ɖɩɖʋ Yehowa hɩɖɛ paa ɖisum tamɩyɛ yɔ?