Ŋtɛm ña-tɩ ñɔɔzʋʋ na?

Ŋtɛm ña-tɩ ñɔɔzʋʋ nɛ ŋɖaŋ asɛyɩŋ weyi ɩpɩzɩɣ nɛ ɩla ñe-egeetiye taa yɔ? Tɛtʋ ñamsʋʋ, helim sɔsɔm, lakɩŋ taa miŋ sɔsɔŋ nɛ lɩm wadʋʋ, papɩzɩɣ nɛ pɛwɛɛkɩ wondu sakɩyɛ tuda yem. Pɩtasɩ lɛ, ɛtɛlɛmwaa lakasɩ nɛ kʋdɔmɩŋ pɩzɩɣ nɛ pitukuni ɖa-taa paa anɩ. (Ekl 9:11) Ðɩtaamaɣzɩ se lakasɩ nzɩ, sɩɩpɩzɩɣ nɛ situkuni-ɖʋ kpa.

Pɩwɛɛ se ɖa-taa paa weyi ɛñɔɔzɩ ɛ-tɩ nɛ ɛɖaŋ asɛyʋʋ alɩwaatʋ. (Adu 22:3) Pɩkɛdɩɣnɩ-ɖʋ se Yehowa ɛgbɛyɛ sɩɣnɩ-ɖʋ asɛyʋʋ alɩwaatʋ taa. Paa mbʋ yɔ, pɩwɛɛ se ɖa-taa paa weyi ɛla e-ɖoŋ ɖeɖe nɛ ɛsɩɣlɩ ɛ-sʋʋtʋ.—Gal 6:5.

CƆNƖ VIDEO ŊÑƆƆZƖ ÑA-TƖ NƐ ŊÐAŊ ASƐYƲƲ ALƖWAATƲ NA? NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Ɛzɩma ɖɩpɩzɩɣ nɛ ɖɩñɔɔzɩ ɖa-tɩ fezuu taa nɛ ɖɩɖaŋ asɛyʋʋ alɩwaatʋ?

• 

  Ɛbɛ yɔɔ pɩcɛyaa se . . .

  • • ɖa nɛ ɛzʋtʋyaa ɖɩyɔɔdʋʋnɩ ɖama camɩyɛ pʋcɔ nɛ asɛyʋʋ talɩ, asɛyʋʋ alɩwaatʋ taa nɛ kɩ-wayɩ?

  • • ɖɩñɔɔzɩ ɖa-tɩ ñʋʋ yabɩtʋ huyuu?—g-F 17.5 6

  • • ɖɩtazɩ nɛ ɖɩna asɛyɩŋ weyi ɩpɩzɩɣ nɛ ɩla ɖe-egeetiye taa yɔ, nɛ mbʋ ɖɩpɩzɩɣ nɛ ɖɩla paa ŋgʋ lɛ kɩ-taa yɔ?

• 

  Nʋmɔŋ naadozo weyi ɩ-yɔɔ ɖɩpɩzɩɣ nɛ ɖɩtɩŋna nɛ ɖɩsɩnɩ mba asɛyʋʋ talɩ-wɛ yɔ?