Wolo pɩ-yɔɔ nɛ ŋñɔɔzʋʋ ña-tɩ “kɛdɛzaɣ kɩyakɩŋ” tɛ kɛdɛzaɣ alɩwaatʋ taa

“Kɛdɛzaɣ kɩyakɩŋ” ɛnɛ ɩ-taa, wezuu caɣʋ wɛ kaɖɛ siŋŋ nɛ pɩwɛɛ nɛ pɩtɛzɩɣ wɛɛkʋʋ kɩwɛɛkʋ. (2Tim 3:1; Mat 24:8) Ðoŋ ɖoŋ lɛ, asɛyʋʋ nakʋyʋ lakɩ lɛ, Yehowa samaɣ mʋʋ lɔŋ tasʋʋ alɩwaatʋ kɩbandʋ yɔɔ se pɩsa nɛ kakandɩyɩ ke-wezuu yɔɔ. Ɛlɛ pɩsa nɛ ɖihiɣ ñʋʋ yabʋ asɛyʋʋ nakʋyʋ taa lɛ, pɩpɔzʋʋ se ɖɩpaɣzɩ ñam lɔŋ weyi patasɩɣ-ɖʋ lɛɛlɛɛyɔ se pɩsa nɛ ɖɩñɔɔzɩ ɖa-tɩ fezuu taa nɛ tomnaɣ yɔɔ yɔ.—Luka 16:10.

• Ñɔɔzɩ ña-tɩ fezuu taa: Wɛɛnɩ ɖʋtʋ kɩbandʋ. Kpɛlɩkɩ nɛ ŋtɩlɩ tɔm susuu nʋmɔŋ ndɩ ndɩ. Ye pɩlaba se ŋposini ɛgbɛyɛ taa mba lalaa alɩwaatʋ pazɩ yɔ, sɔɔndʋ ɛtaakpa-ŋ. (Iza 30:15) Ŋtiposini Yehowa nɛ Yesu. —od 176 § 15-17

• Ñɔɔzɩ ña-tɩ tomnaɣ yɔɔ: Pɩpɔzʋʋ se paa hɔʋ ŋgʋ lɛ, kɩwɛɛnɩ huyuu kɩbaŋʋ nakʋyʋ nɛ kɩɖʋ kɩ-taa tɔɔnasɩ, lɩm, kɔ nɛ wondu lɛɛtʋ ndʋ tɩpɩzɩɣ nɛ tɩwazɩ hɔʋ taa mba ye pɩpɔzʋʋ se pese nɛ powolo pɛmɛlɩ ɖoli alɩwaatʋ natʋyʋ taa yɔ.—Adu 22:3; g17.5-F 4, 6

CƆNƖ VIDEO ŊÑƆƆZƖ ÑA-TƖ NƐ ŊÐAŊ ASƐYƲƲ ALƖWAATƲ NA?, NƐ PƲWAYƖ LƐ ŊCOSI TƆM TƲNƐ TƖ-YƆƆ:

• 

  Ɛzɩma ŋpɩzɩɣ nɛ ŋñɔɔzɩ ña-tɩ fezuu taa nɛ ŋɖaŋ asɛyʋʋ alɩwaatʋ?

• 

  Ɛbɛ yɔɔ pɩwɛɛ se . . .

  • ña nɛ ɛzʋtʋyaa ɩtɩŋɩɣnɩ nʋmɔŋ nɩɩyɩ yɔɔ nɛ ɩyɔɔdʋʋnɩ ɖama camɩyɛ?

  • ɖɩñɔɔzɩ ñʋʋ yabɩtʋ huyuu nɛ ɖɩsɩɩ?

  • ɖɩtazɩ nɛ ɖɩna se asɛyɩŋ weyi pɩzɩɣ nɛ ɩla ɖe-egeetiye taa nɛ mbʋ ɖɩpɩzɩɣ nɛ ɖɩla paa asɛyʋʋ ŋgʋ lɛ kɩ-taa yɔ?

• 

  Nʋmɔŋ naadozo weyi ɩ-yɔɔ ɖɩpɩzɩɣ nɛ ɖɩtɩŋna nɛ ɖɩsɩnɩ lalaa ye asɛyʋʋ ɛtalɩ-wɛ yɔ?

PƆZƖ ÑA-TƖ SE: ‘Ɛbɛ COVID-19 kʋdɔŋ sɔsɔʋ kpɛlɩkɩ-m pɩlɩɩnɩ ɛzɩma pɩwɛɛ se ɛyʋ ɛñɔɔzɩ ɛ-tɩ nɛ ɛɖaŋ asɛyʋʋ yɔ pɩ-yɔɔ?’