ÑƖM MBƲ PƖWƐ ƐSƆTƆM TAA YƆ | EJIPITI LƖƲ 10-11

Moyizi nɛ Aarɔɔnɩ pawɩlaa se pɛwɛnɩ abalɩtʋ siŋŋ

10:3-6, 24-26, 28; 11:4-8

Moyizi nɛ Aarɔɔnɩ pawɩlaa se pɛwɛnɩ abalɩtʋ, mbʋ pʋyɔɔ yɔ pɔyɔɔdɩnɩ Farawɔɔ weyi ɛɛkɛ wiyaʋ sɔsɔ pa-alɩwaatʋ taa yɔ. Ɛbɛ sɩnɩ-wɛ nɛ pɛwɛɛ abalɩtʋ mbʋ? Bibl yɔɔdɩ Moyizi yɔɔ se: “Tisuu yɔɔ ɛkʋyɩ Ejipiti, ɛlɛ sɔɔndʋ tɩkpa-ɩ nɛ wiyaʋ pana, mbʋ pʋyɔɔ yɔ ewobi pɩ-yɔɔ nɛ ɛɖɔkɩ kpam ɛzɩ eɖiɣni naʋ Weyi paanaɣ-ɩ yɔ.” (Ebr 11:27) Moyizi nɛ Aarɔɔnɩ paawɛnɩ tisuu sɔsɔm Yehowa yɔɔ nɛ pataa-ɩ liu.

Wɛtʋ ndʋ taa pɩpɔzʋʋ-ŋ abalɩtʋ se pɩsa nɛ ŋyɔɔdɩ ñe-tisuu tɔm ñʋʋdʋ nɔɔyʋ ɛsɩndaa?

Fotonaa: Wɛtʋ ndʋ tɩ-taa pʋpɔzʋʋ-ɖʋ abalɩtʋ yɔ. 1. Abalɩbɩɣa nakɛyɛ kʋyaa nɛ kasɩŋ alɩwaatʋ ndʋ lalaa wɛɛ nɛ pɛsɛɣ kɩɖaʋ kɛdɛɛka yɔ. 2. Koobu abalɩñɩnʋ nɔɔyʋ sɩŋ tɔm hʋyaa ɛsɩndaa. 3. Koobu nɔɔyʋ weyi ɛkɛ pɩɣa evelaɣ yɔ ɛwɛɛ ɛhaɣ nɔɔyʋ traktɩ nakʋyʋ nɛ hulisi nɔɔyʋ sɩŋ nɛ ɛcɔŋnɩ-wɛ.