Lɔŋ sɩɣzʋʋ kɛ Yehowa sɔɔlɩm hɔɔlʋʋ nakʋyʋ

Lɔŋ sɩɣzʋʋ kɛ lɔŋ tasʋʋ nɛ falɩsʋʋ; ɛlɛ nabʋyʋ taa lɛ, pɩkɛɣnɩ ɖɔɖɔ nɩŋgbaŋʋʋ hɔm. Yehowa sɩɣzɩɣ-ɖʋ lɔŋ se pɩsa nɛ ɖɩla ɛ-sɔɔlɩm camɩyɛ. (Rom 12:1; Ebr 12:10, 11) Nabʋyʋ taa, lɔŋ sɩɣzʋʋ pɩzɩɣ nɛ pɩkɔnɩ-ɖʋ wɩzasɩ, ɛlɛ pɩsɩɣnɩ-ɖʋ se ɖɩwɛɛ siɣsiɣ nɛ ɖihiɣ wazasɩ. (Adu 10:7) Mba pasɩɣzɩɣ lalaa lɔŋ nɛ mba pasɩɣzɩɣ-wɛ lɔŋ yɔ, ɛbɛ yɔɔ pɩwɛɛ se pɔtɔzɩ?

Weyi ɛsɩɣzɩɣ lɔŋ yɔ. Ɛgbɛyɛ taa ɛzʋtʋyaa, lʋlɩyaa, nɛ lalaa pañakɩ pana se pasɩɣzɩ lɔŋ nɛ sɔɔlɩm nɛ nɔɔ kɩbaŋa ɛzɩ Yehowa yɔ. (Yer 46:28) Halɩ pɩpɔzʋʋ se pɔhɔ ɛyʋ nɩŋgbaŋʋʋ nɛ pɩmaɣna nɛ pɩwɩlɩ se sɔɔlɩm yɔɔ pɔhɔŋ ɛ-nɩŋgbaŋʋʋ.—Tit 1:13.

Weyi pasɩɣzɩɣ-ɩ lɔŋ yɔ. Paa pɩtɩɩkɛ ɛzɩma tɩyɛ pasɩɣzɩɣ-ɖʋ lɔŋ yɔ, pɩfɛyɩ se ɖikizi-pʋ, ɛlɛ pɩwɛɛ se ɖɩñaɣ pana nɛ ɖɩlabɩnɩ tʋmɩyɛ lɔŋ weyi patasɩɣ-ɖʋ yɔ. (Adu 3:11, 12) Ðɩkɛ ɛyaa mantɩtalɩ pilimwaa nɛ pʋyɔɔ lɛ, pɩpɔzʋʋ se pasɩɣzɩ ɖa-tɩŋa payɩ lɔŋ. Nɛ papɩzɩɣ nɛ patɩŋnɩ nʋmɔŋ ndɩ ndɩ yɔɔ nɛ pasɩɣzɩ-ɖʋ lɔŋ. Tɔm ndʋ ɖɩkalɩɣ Bibl taa yɔ, yaa tɔm ndʋ ɖɩkpɛlɩkɩɣ kediɣzisi taa yɔ, tɩpɩzɩɣ nɛ tɩkɛnɩ-ɖʋ lɔŋ sɩɣzʋʋ. Nabʋyʋ taa, pɩpɔzʋʋ se payaa nabɛyɛ tɔm hʋʋ kɔɔmiite ɛsɩndaa. Ye ɖitisiɣ nɛ pasɩɣzɩɣ-ɖʋ lɔŋ nɛ ɖɩlakɩnɩ tʋmɩyɛ lɔŋ weyi patasɩɣ-ɖʋ yɔ, pɩsɩɣnɩ-ɖʋ nɛ ɖɩcaɣ wezuu kɩbaŋʋ sɔnɔ nɛ ɖɩkɔɔ ɖihiɣ wezuu maatɛŋ ɖɔɖɔ cee wayɩ.—Adu 10:17.

CƆNƖ VIDEO “MBA YEHOWA SƆƆLƖ-WƐ YƆ ƐSƖƔZƖƔ-WƐ LƆŊ” NƐ PƲWAYƖ LƐ, ŊCOSI TƆM TƲNƐ TƖ-YƆƆ:

• 

  Ɛzɩma Canon wezuu paɣzaa, nɛ ɛzɩma kɩlɛɣzaa?

• 

  Ɛzɩma Yehowa sɩɣzɩ-ɩ lɔŋ nɛ sɔɔlɩm?

• 

  Lɔŋ weyi ɛ-kɩɖaʋ kpɛlɩkɩɣ-ɖʋ?