Woki jw.org yɔɔ nɛ ŋhiɣ lɔŋsɩnɖɛ nɖɩ ɖɩpɩzɩɣ nɛ ɖɩwazɩ-ŋ paa evemiye nɖɩ yɔ

Ɛsɔtɔm sɩɣnɩ-ɖʋ se ɖɩpɩzɩ nɛ ɖɩlʋbɩnɩ takɩm mbʋ pɩtalɩɣ-ɖʋ kaɖɛ kɛdɛzaɣ kɩyakɩŋ ɩnɛ ɩ-taa yɔ. (2Ti 3:1, 16, 17) Paa mbʋ yɔ nabʋyʋ taa pɩpɔzʋʋ se pasɩnɩ-ɖʋ nɛ ɖɩpɩzɩ nɛ ɖɩna Bibl paɣtʋ kila wena ɖɩpɩzɩɣ nɛ ɖɩlabɩnɩ tʋmɩyɛ wɛtʋ natʋyʋ taa yɔ. Ŋkɛ lʋlɩyʋ nɛ ŋñɩnɩɣ lɔŋ tasʋʋ mbʋ pɩpɩzɩɣ nɛ pɩsɩnɩ-ŋ nɛ ŋsɩɣzɩ ñe-piya lɔŋ camɩyɛ yɔ? Yaa ŋkɛ pɩɣa evelaɣ nɛ ñe-tisuu yɔɔ lɛ, ŋwɛɛ nɛ ŋlʋkɩnɩ kala ndɩ ndɩ? Yaa ŋwɛ kʋñɔwiye taa ñɛ-tɛŋga sɩm yɔɔ? Ŋpɩzɩɣ nɛ ŋna jw.org yɔɔ Bibl paɣtʋ kila wena apɩzɩɣ nɛ asɩnɩ-ŋ wɛtʋ tʋnɛ nɛ wɛtʋ lɛɛtʋ taa yɔ.—Adu 2:3-6.

Wolo jw.org ɖɩbazɩyɛ taa nɛ ŋsʋʋ BIBL WƖLƖTƲ hɔɔlʋʋ taa. (Cɔnɩ kɩlɛmʋʋ 1.) Pʋwayɩ lɛ, ŋlɩzɩ hɔɔlɩŋ cikpeŋ weyi ɩwɛ peeɖe yɔ ɩ-taa ŋgʋ ŋsɔɔlaa yɔ. Yaa wolo TƆM SUSUU WONDU HƆƆLƲƲ taa nɛ ŋsʋʋ hɔɔlʋʋ cikpeluu TƆM ÑƲŊ NDƖ NDƖ taa nɛ ŋlɩzɩ tɔm ñʋʋ ŋgʋ ŋsɔɔlaa yɔ. (Cɔnɩ kɩlɛmʋʋ 2.) Ŋpɩzɩɣ nɛ ŋna hɔɔlɩŋ ɛnɩ ɖɔɖɔ JW Library^®a yɔɔ. Ŋpɩzɩɣ nɛ ŋñɩnɩ tɔm ñʋŋ ɛnɩ tɔm ñɩnʋʋ wondu ndʋ tɩ-yɔɔ. Pɩtasɩ lɛ, ye ŋñɩnɩɣ tɔm ñʋʋ nakʋyʋ jw.org yɔɔ yɔ, ŋpɩzɩɣ nɛ ŋma tɔm ñʋʋ ŋgʋ ɖɩñɩnɩyɛ hɔɔlʋʋ taa nɛ ŋna-kʋ.

Wolo ɖɩñɩnɩyɛ hɔɔlʋʋ taa nɛ ŋma tɔm ñʋŋ ɩnɛ nɛ ŋyʋsɩ ɩ-hɔɔlɩŋ weyi ŋsɔɔlaa se ŋkalɩ yɔ.

• Piya lɔŋ sɩɣzʋʋ

• Ɛzɩma piya evelisi pɩzɩɣ nɛ sɩlʋbɩnɩ ɛsɩñɩŋɩyɛ yɔ

• Ɛyʋ tɛŋga sɩm