Ɛsɔ maɣzɩɣ ñɔ-yɔɔ
LƆŊ tasʋʋ mbʋ pɩkpaɖaa yɔ, Bibl taa pɩwɛɛ, mbʋ pʋyɔɔ yɔ kɩlɩnɩ Ɛsɔ cɔlɔ. Kɩtɩkɛ tomnaɣ taa alaafɩya lɔŋ tasʋʋ takayaɣ, ɛlɛ kɩpɩzɩɣ kɩsɩnɩ-ɖʋ nɛ ɖɩna nʋmɔŋ weyi ɩ-yɔɔ ɖeyi ɖeyi ɖɩtɩŋna nɛ ɖɩlʋbɩnɩ wɛtʋ ndʋ tɩkɔŋnɩ-ɖʋ nɩɣzɛ, tisidiɣ ɖa-lɩmaɣza taa nɛ tiyeki nɛ ɖɩnɩɣ wɩzasɩ yɔ. Kɩsɩɣnɩ-ɖʋ ɖɔɖɔ se ɖɩlʋbɩnɩ tomnaɣ taa nɛ lɩmaɣza taa kʋdɔmɩŋ weyi iyeki nɛ ɖilesiɣ ɖa-taa leleŋ yɔ.
Kɔzɩ kɔzɩ lɛ, Bibl sɩɣnɩ-ɖʋ se ɖa-taa ɛtɛ se ɖa-Lɩzɩyʋ Yehowa Ɛsɔa nɩɣ ɖa-maɣzɩm nɛ ɛzɩma pɩlakɩ-ɖʋ yɔ pɩ-taa nɛ pɩkpaɖɩ paa anɩ. Ɛsɔɔlaa kpem se ɛsɩnɩ-ɖʋ nɛ ɖɩlʋbɩnɩ kala wena payɩ ɖɩkatɩɣ yɔ. Yele nɛ ɖɩna Bibl hɔɔlɩŋ naalɛ ɩnɛ; ɩ-taa tɔm hɛzɩɣ laŋɩyɛ siŋŋ:
«[Yehowa] ñɔtɩnɩ laŋa wena apɛlaa yɔ, nɛ ɛyakɩ “pɩɖɛmwaa” ñʋʋ.»—KEƔA 33:19.
«Mɛkɛnɩ [Yehowa] ñɛ-Ɛsɔ, mɔnɖɔkɩ ña-nɩwaŋ nɛ meheyiɣ-ŋ se: “Taase sɔɔndʋ, mɔnkɔŋ ña-sɩnaʋ.”»—IZAAYII 41:13.
Ye mbʋ, ɛzɩma Yehowa sɩɣnɩ-ɖʋ se ɖɩlʋbɩnɩ lɩmaɣza taa kʋdɔmɩŋ weyi ɖɩhɩnɩɣ yɔ? Ɛzɩ ŋkɔŋʋʋ naʋ tɔm ñʋŋ weyi ɩkɔŋ yɔ ɩ-taa yɔ, Yehowa tɩŋɩɣnɩ nʋmɔŋ sakɩyɛ yɔɔ nɛ ɛwɩlɩɣ se ɛmaɣzɩɣ ɖɔ-yɔɔ siŋŋ.
a Ɛsɔ hɩɖɛ maɣmaɣ lɛ Yahve yaa Yehowa.—Ejipiti Lɩʋ 3:15.