Ɛbɛ pɩzɩɣ pɩsɩnɩ-ŋ nɛ ŋɖɔkɩ ña-laŋɩyɛ alɩwaatʋ ndʋ pomuluu-ŋ yɔ?

Kalɩ Kiɖe Tɛɛ Tɔm 37:​23-28; 39:​17-23 nɛ ŋna ɛzɩma Yosɛɛfʋ kaaɖɔkɩ ɛ-laŋɩyɛ alɩwaatʋ ndʋ pomuli-i yɔ.

Ñɩnɩ nɛ ŋtɩlɩ tɔm ndʋ tɩcɔ kɛdaɣ ŋga nɛ tɩta yɔ. Ɛbɛ yɔɔ paamuli Yosɛɛfʋ? (Kiɖe 37:​3-11; 39:​1, 6-10) Alɩwaatʋ ɛzɩma pɩɩpɔzaa se Yosɛɛfʋ ɛɖɔkɩ ɛ-laŋɩyɛ mulum lakasɩ nzɩ sɩ-taa? (Kiɖe 37:2; 41:46) Alɩwaatʋ ndʋ tɩ-taa, ɛbɛ Yehowa labɩ Yosɛɛfʋ nɛ ɛbɛ ɛtɩlabɩ-ɩ?—Kiɖe 39:​2, 21; w23.01 17 §13.

Ñɩnɩ kɛdaɣ ŋga kɔ-yɔɔ tɔm tete. Paa Potifaarɩ halʋ kaacɛtɩnɩ Yosɛɛfʋ taa yɔ, Bibl tɩyɔɔdɩ ɖoli se Yosɛɛfʋ yɔɔdɩ tɔm natʋyʋ se ɛlʋbɩnɩ ɛ-tɩ yɔɔ. Masɩ nzɩ sɩkɔŋ yɔ, ɛzɩma sɩpɩzɩɣ sɩsɩnɩ-ɖʋ nɛ ɖɩna mbʋ pʋyɔɔ pɩtɩla Yosɛɛfʋ lɩzaa se esuŋ tamɩyɛ yɔ, yaa mbʋ pʋyɔɔ pɩtɩmʋna se ɖɩɖaŋ se Bibl eheyi-ɖʋ tɔm tete kɛdaɣ ŋga kɔ-yɔɔ yɔ? (Adu. 20:2; Yoh. 21:25; Tʋma 21:37) Pɩtɩla, wɛtʋ kɩbandʋ ndʋ kaasɩnɩ Yosɛɛfʋ nɛ ɛɖɔkɩ ɛ-laŋɩyɛ mulum lakasɩ nzɩ sɩ-taa?—Mik. 7:7; Luka 14:11; Yak. 1:​2, 3.

Ñɩnɩ nɛ ŋna lɔŋ weyi kɛdaɣ ŋga kɛkpɛlɩkɩɣ-ŋ yɔ. Pɔzɩ ña-tɩ se:

• ‘Mulum lakasɩ nzɩ manpɩzɩɣ nɛ mankatɩ ɛzɩma malɩzaa se mɛnkɛɣ Yesu tɔmkpɛlɩkɩyʋ yɔ pɩ-yɔɔ?’ (Luka 21:​12, 16, 17; Ebr. 10:​33, 34)

• ‘Ɛzɩma manpɩzɩɣ nɛ mɔñɔɔzɩ man-tɩ lɛɛlɛɛyɔ nɛ malʋbɩnɩ mulum lakasɩ?’ (Keɣ. 62:​7, 8; 105:​17-19; w19.07 2-7)