Kpɛlɩkɩ lɔŋ kɩlɛmɩŋ taa

Kɩlɛmɩŋ sakɩyɛ wɛ ɖɛ-ɛgbɛyɛ takayɩsɩ taa nɛ ɩkpɛlɩkɩɣ-ɖʋ tɔm kɩcɛyɩtʋ sakɩyɛ. Ɛzɩma ŋpɩzɩɣ nɛ ŋlabɩnɩ tʋmɩyɛ kɩlɛmɩŋ ɛnɩ nɛ pɩsɩnɩ-ŋ?

• Cɔnɩ kɩlɛmɩŋ pʋcɔ nɛ ŋpaɣzɩ tɔm ñʋʋ kalʋʋ. Pɩtɩla, kɩlɛmɩŋ ɛnɩ ɩpɩzɩɣ iyele nɛ ñe-liu tɛɛ kɔtɩ nɛ piseɣti-ŋ nɛ ŋkalɩ tɔm ñʋʋ ŋgʋ. Alɩwaatʋ ndʋ ɖɛ-ɛsa naɣ tɔɔnaɣ kɩbaŋa nakɛyɛ yɔ, piseɣtiɣ-ɖʋ se ɖɩtɔɔ-kɛ. Ye mbʋ, pʋcɔ nɛ ŋkalɩ tɔm ñʋʋ nakʋyʋ lɛ, pɔzɩ ña-tɩ se: «Ɛbɛ manaɣ?»—Amo. 7:​7, 8.

• Ŋŋkalɩɣ tɔm ñʋʋ ŋgʋ lɛ, maɣzɩ nɛ ŋna mbʋ pʋyɔɔ paɖʋ kɩlɛmɩŋ ɛnɩ yɔ. Kalɩ kɩlɛmɩŋ cɔlɔ tɔm yaa kɩlɛmɩŋ yɔɔ tɔm ye paɖʋ-tʋ yɔ. Maɣzɩ nɛ ŋna nɔɔ kʋɖʋmaɣ ŋga kɛwɛ kɩlɛmɩŋ nɛ tɔm ñʋʋ pɛ-hɛkʋ taa yɔ. Maɣzɩ ɖɔɖɔ nɛ ŋna ɛzɩma ŋpɩzɩɣ ŋlabɩnɩ tʋmɩyɛ lɔŋ weyi ŋkpɛlɩkɩ kɩlɛmɩŋ taa yɔ ñe-wezuu caɣʋ taa yɔ.

• Ŋtɛŋ tɔm ñʋʋ kalʋʋ lɛ, ɖaɣnɩ cɔnʋʋ kɩlɛmɩŋ nɛ pɩsɩnɩ-ŋ nɛ ŋtɔzɩ lɩmaɣza sɔsɔna yɔɔ. Ñaɣ pana nɛ ŋmaɣzɩ kɩlɛmɩŋ yɔɔ ña-lɩmaɣza taa nɛ ŋna lɔŋ weyi paa kɩlɛmʋʋ ŋgʋ lɛ kɩkpɛlɩkɩɣ-ŋ yɔ.

• Pɩwɛɣ ɖeu se ŋɖaɣnɩ cɔnʋʋ takayaɣ kanɛ ka-kɩlɛmɩŋ nɛ ŋna se ŋpɩzɩɣ nɛ ŋtɔzɩ tɔm ndʋ ŋkpɛlɩkɩ ka-taa yɔ tɩ-yɔɔ.