Liidiye kʋñɔŋ—Ɛbɛ Ɛsɔ Kewiyaɣ kaɣ labʋ?

Ɛjaɖɛ kpeekpe yɔɔ, pɩwɛ ɛyaa sakɩyɛ kaɖɛ kpem se pehiɣ liidiye nɖɩ pɩpɔzʋʋ-wɛ se pɔcɔnɩnɩ po-tomnaɣ yɔɔ kɩcɛyɩm ɖeɖe yɔ. Nɛ wɛtʋ ndʋ tɩwɛɛ nɛ tɩtɛzɩɣ kpaʋ ɖoŋ kɩkpaʋ.

• a

Ɛzɩ kominawaa kaɣ pɩzʋʋ nɛ peyele nɛ liidiye kʋñɔŋ sɩɩ tɩnaɣ yaa kɩpasɩ?

Bibl yɔɔdʋʋ se komina nakʋyʋ kaɣ yebu nɛ liidiye kʋñɔŋ sɩɩ tɩnaɣ nɛ kɩkaɣ yebu ɖɔɖɔ nɛ paa weyi ɛwɛɛnɩ mbʋ pɩpɔzʋʋ-ɩ yɔ. Kɩyɔɔdʋʋ se «ɛsɔdaa Ɛsɔ kaɣ sɩʋ kewiyaɣ nakɛyɛ» nɛ ke-ɖeke kakaɣnɩ cɔnʋʋ mbʋ payɩ pɩlakɩ tɛtʋ yɔɔ yɔ pi-ɖeɖe. (Dan 2:44) Alɩwaatʋ ndʋ komina ŋgʋ kiɖiyiɣ tɛtʋ yɔ, kɩɩkaɣ sɔʋ nɔɔyʋ yɔɔ yaa kɩɩkaɣ lɔʋ nɔɔyʋ. (Ke 9:18) Mba payɩ pakaɣ wɛʋ Ɛsɔ Kewiyaɣ tɛɛ yɔ, pakaɣ wɛnʋʋ mbʋ payɩ pɩpɔzʋʋ-wɛ se pɛwɛɛ taa leleŋ taa yɔ. Paa weyi ɛkaɣ nɩʋ leleŋ e-nesi tɛɛ tʋmɩyɛ yɔɔ.—Iza 65:21, 22.