Izaayii
15 Tɔm ndʋ pɔyɔɔdɩ Mowaabʋ yɔɔ yɔ:+
Paɖɩzɩ Ar+ ŋgʋ kɩwɛ Mowaabʋ yɔ ɖoo kʋɖʋma taa,
Pʋyɔɔ lɛ, kisum ɖiɣ ɖiɣ.
Paɖɩzɩ Kiir+ ŋgʋ kɩwɛ Mowaabʋ yɔ ɖoo kʋɖʋma taa,
Pʋyɔɔ lɛ, kisum ɖiɣ ɖiɣ.
Mowaabʋ wiɣ Nebo+ yɔɔ nɛ Medeba+ yɔɔ.
Pahʋm paa ñʋʋ ŋgʋ lɛ koloŋgolo,+ pahʋm paa tandaʋ ŋgʋ.+
3 Posu fɔlɔtɔnaa kɩ-habɛɛ yɔɔ.
Pa-tɩŋa pamakɩ laŋwɛɛkɩyɛ kubusi po-kuduyuŋ ñʋŋ taa nɛ pa-samaɣ kadasɩ taa;
Petikini wiluu.+
Pʋyɔɔ Mowaabʋ sɔɔjanaa wɛ kubusi mabʋ yɔɔ.
Ɛwɛɛ* nɛ eseliɣ.
5 Ma-laŋɩyɛ makɩ kubusi Mowaabʋ yɔɔ.
Mba palɩnɩ kɩ-taa nɛ peseɣ yɔ, pesewa nɛ patalɩ ɖooo Zowaarɩ+ nɛ Eglat-Selisiya.+
Pɛwɛɛ pewiɣ nɛ pakpaɣ Luhit piyaɣ;
Pɛwɛɛ nɛ pamakɩ kubusi Horonayim nʋmɔʋ taa asɛyʋʋ yɔɔ.+
6 Mbʋ pʋyɔɔ yɔ Nimirim lɩm sɔwa;
Ñɩtʋ lɛŋ ñɩndʋ wɩlaa,
Ñɩtʋ tɩtasɩ wɛʋ, nɛ pʋyʋ lɛŋ ñɩmbʋ nabʋyʋ tɩkazɩ.
7 Pʋyɔɔ pakpaɣ mbʋ pɩkazɩ po-wondu ɖɩzɩyɛ nɛ pa-ñɩm taa yɔ nɛ pɛɖɛɣna;
Pɛwɛɛ nɛ pɛtɛzɩɣ pepliyee tɩŋ fɛɛʋ.*
8 Mbʋ pʋyɔɔ yɔ panɩɣ kubusi taŋ Mowaabʋ egeetiye kpeekpe taa.+
Laŋwɛɛkɩyɛ kubusi talɩ Eglayim;
Laŋwɛɛkɩyɛ kubusi talɩ Beyɛɛrɩ-Elim.
9 Mbʋ pʋyɔɔ yɔ Dimɔɔnɩ lɩm taa nɛ calɩm ɖo,
Nɛ mansɩ kʋñɔmɩŋ lɛɛŋ se mantasɩɣ kɔnʋʋ Dimɔɔnɩ yɔɔ:
Mentiyiɣni mʋʋzʋʋ Mowaabʋ ñɩma mba peseɣ se patʋlɩ yɔ
Nɛ mba pɩkazɩ ɛjaɖɛ taa yɔ.+