Izaayii
16 Itiyini ɛyaʋ ɛjaɖɛ wiyaʋ,
Ɩkpaɣ-kʋ nɛ Seela nɛ ɩtɩŋnɩ kañɩmbusuu taa
Nɛ iwolo Siyɔŋ pɛlɛ pʋʋ yɔɔ.
3 «Ɩtasɩ lɔŋ, ɩɖɔ lɩmaɣzɩyɛ nɖɩ pakpaɣaa yɔ ɖɩ-yɔɔ.
Yele nɛ wɩsɩ siɣu alɩwaatʋ taa lɛ, ña-kɩlɛmʋʋ wɛɛ ɛzɩ ɖoo taa yɔ.
Mɛsɩ mba pamɩzaa yɔ nɛ taakuli mba peɖiɣni seu yɔ pɔ-yɔɔ.
4 Yele nɛ mɛ-ɛyaa mba pamɩzaa yɔ pacaɣ ñɛ-tɛ, Oo Mowaabʋ.
Ðɩzɩyʋ yɔɔ lɛ, pɩsɩ pa-ɖɩmɛlɩyɛ.+
Nazɩyʋ ɛɛkaɣ tasʋʋ wɛʋ,
Ðɩzʋʋ kaɣ sɩʋ tɩnaɣ,
Nɛ mba pɛfɛyɩɣ lalaa yɔ, pakaɣ mʋʋʋ tɛtʋ yɔɔ.
5 Ðɩnɛ ɛlɛ pakaɣ tɩŋnʋʋ sɔɔlɩm siɣsiɣ ñɩmbʋ yɔɔ nɛ paka kewiyaɣ kpelaɣ nakɛyɛ nɛ kɛcɛyɩsɩ camɩyɛ.
Weyi ɛcakɩ kɔ-yɔɔ Daviid kizinziku tɛɛ yɔ, ɛkaɣ wɛʋ siɣsiɣ;+
Ɛkaɣ tɔm hʋʋ siɣsiɣ nɛ ɛcɔnɩ tɔm ndʋ tɩwɛ siɣsiɣ yɔ ti-ɖeɖe lɛɛ lɛɛ.»+
6 Ðɩnɩ Mowaabʋ agʋnda tɔm—ɛkʋndʋʋ pɩdɩɩfɛyɩ+—
Ðɩnɩ ɛ-tɩ kpazʋʋ, ɛ-agʋnda nɛ ɛ-pana sɔsɔna tɔm;+
Ɛlɛ ɛ-falaa tɔm ɛɛkaɣ wazʋʋ pʋyʋ.
Mba pamabɩ-wɛ yɔ, pakaɣ muzuu Kiir-Haresɛɛtɩ viiñi pee wena awɩlaa yɔ a-kakayɩsɩ yɔɔ.+
8 Mbʋ pʋyɔɔ yɔ Hɛsɩbɔɔnɩ+ hayɩm mbʋ pɩwɛ pʋŋ hʋyɩŋ taa yɔ pilowa,
Sibima+ viiñi ɖɔɖɔ lowa,
Ajɛɛ ñʋndɩnaa fɛyɩ ki-pilinzi kɩsɛɛmasɩ cɩɩɩ;*
Sɩɩtalɩ ɖooo Yazɛɛrɩ;+
Sɩɩyɛzaa nɛ sɩtalɩ kañɩmbusuu taa.
Ki-pilinzi kaayɛzaa nɛ sɩtalɩ ɖooo teŋgu cɔlɔ.
9 Pʋyɔɔ mankaɣ wiu Sibima viiñi yɔɔ ɛzɩ mewiu Yazɛɛrɩ yɔɔ yɔ.
Mankaɣ-mɩ sɔʋ mɛ-ɛsɩtɛɣlɩm, Oo Hɛsɩbɔɔnɩ nɛ Eleyale,+
Mbʋ pʋyɔɔ yɔ kogoye nɖɩ pokowaɣ mɩ-tɛ soŋaɣ alɩwaatʋ taa tɩŋ pee yɔɔ nɛ mɩ-kʋmtʋ yɔɔ yɔ, ɖɩsɩ tɩnaɣ.*
10 Pakpaɣ amɛya nɛ laŋhʋlʋmɩyɛ tɩŋ pee hayɩm taa nɛ pɛɖɛna,
Nɛ taa leleŋ hendu yaa kogoye fɛyɩ viiñi hayɩm taa.+
Fɛyɩyʋ ɛɛtasɩɣ viiñi fɛyʋʋ viiñi ɖɩfɛyɩyɛ taa,
Mbʋ pʋyɔɔ yɔ meyeba nɛ kubusi mabʋ sɩɩ tɩnaɣ.+
11 Pʋyɔɔ ɖooo man-taa kiŋ lɛ, manɩɣ wɩzasɩ taŋ Mowaabʋ yɔɔ,+
Ɛzɩ cɩmʋʋ nakʋyʋ wiu taŋ yɔ,
Nɛ manɩɣ wɩzasɩ taŋ mo-lotu taa Kiir-Haresɛɛtɩ yɔɔ.+
12 Halɩ alɩwaatʋ ndʋ Mowaabʋ ɖʋʋ ɛ-tɩ kʋñɔŋ lone kʋkʋyɩyɛ yɔɔ nɛ ewoki nɛ ɛtɩmɩɣ e-kooka kiɖeɖeɣa taa yɔ, ɛ-adɩma ɛɛwazɩɣ pʋyʋ.+
13 Tɔm ndʋ Yehowa kaatɛm yɔɔdʋʋ Mowaabʋ yɔɔ yɔ ndʋ lɛ. 14 Nɛ lɛɛlɛɛyɔ lɛ, Yehowa yɔɔdʋʋ se: «Pɩnzɩ 3 taa, ɛzɩ abaa laɖʋ kalʋʋ pɩnzɩ yɔ,* ñam ñam lakasɩ ndɩ ndɩ kaɣ yebu nɛ peni Mowaabʋ samtʋ, nɛ mba pɩkazɩɣ yɔ pakaɣ wɛʋ kpaagbaa pazɩ yem nɛ paakaɣ lɩʋ pʋyʋ.»+