Ɛzɩma ɖɩpɩzɩɣ nɛ ɖɩtɩlɩ toovenim Krɩstʋ mba?

Ɛyaa miiliyaarɩwaa sakɩyɛ yɔɔdʋʋ se pɛkɛ Krɩstʋ mba. Ɛlɛ patɩkaa tisuu nɛ pɛfɛyɩnɩ ɖɔɖɔ paɣtʋ kʋɖʋmtʋ. Ye mbʋ, ɛzɩma ɖɩpɩzɩɣ nɛ ɖɩtɩlɩ toovenim Krɩstʋ mba?

1. Anɩ payaɣ se Krɩstʋ tʋ?

Krɩstʋ mba lɛ Yesu Krɩstʋ tɔmkpɛlɩkɩyaa yaa ɛ-wayɩ tɩŋɩyaa. (Kalɩ Tʋma Labʋ 11:26.) Ɛzɩma pawɩlɩɣ se pɛkɛ Yesu tɔmkpɛlɩkɩyaa? Ɛyɔɔdaa se: «Ye ɩɖɔkɩ mɔn-tɔm kɔyɔ, ɩkɛ mɔn-tɔmkpɛlɩkɩyaa siŋŋ.» (Yohanɛɛsɩ 8:31) Pʋ-tɔbʋʋ lɛ se toovenim Krɩstʋ mba ɖɔŋ Yesu wɩlɩtʋ yɔɔ. Pɩtasɩ lɛ, Yesu wɩlɩtʋ tɩŋa kaalɩnɩ Masɩ taa, ye mbʋ pɩwɛɛ se tɔm ndʋ tɩ-yɔɔ Krɩstʋ mba tisiɣ yɔ tɩlɩɩnɩ Bibl taa.—Kalɩ Luka 24:27.

2. Ɛzɩma toovenim Krɩstʋ mba wɩlɩɣ ɖama sɔɔlɩm?

Yesu heyi ɛ-wayɩ tɩŋɩyaa se: «Ɩsɔɔlɩ ɖama ɛzɩ mɔnsɔɔlʋʋ-mɩ yɔ.» (Yohanɛɛsɩ 15:12) Ɛzɩma Yesu wɩlaa se ɛsɔɔlɩ ɛ-tɔmkpɛlɩkɩyaa? Ɛkpakaɣ alɩwaatʋ nɛ ɛ nɛ wɛ pacakɩ, ɛkpazɩɣ-wɛ ɖoŋ nɛ ɛsɩɣnɩ-wɛ ɖɔɖɔ. Halɩ ɛkpaɣ e-wezuu nɛ ɛlaa pɔ-yɔɔ. (1 Yohanɛɛsɩ 3:16) Mbʋ ɖɔɖɔ toovenim Krɩstʋ mba ɩɩyɔɔdʋʋ nɔɔ taa yem se pɔsɔɔlɩ ɖama. Patɩŋɩɣnɩ pɔ-yɔɔdaɣ nɛ pa-lakasɩ yɔɔ nɛ pawɩlɩɣ se pɔsɔɔlɩ ɖama.

3. Tʋmɩyɛ nɖɩ toovenim Krɩstʋ mba lakɩnɩ kpekpeka?

Yesu ɖʋ tʋmɩyɛ ɛ-tɔmkpɛlɩkɩyaa. «Etiyi-wɛ se powolo nɛ posusi Ɛsɔ Kewiyaɣ tɔm.» (Luka 9:2) Lona wena a-taa kajalaɣ Krɩstʋ mba kpeɣlaɣ yɔ, pɩtɩkɛ a-taa ɖeke posusaɣ tɔm; posusaɣ tɔm ɖɔɖɔ ɖenɖe ɛyaa kpeɣliɣ yɔ nɛ ɛyaa ɖɩsɩ taa. (Kalɩ Tʋma Labʋ 5:42; 17:17.) Sɔnɔ mbʋ ɖɔɖɔ toovenim Krɩstʋ mba susuu tɔm lona wena a-taa payɩ papɩzɩɣ nɛ pakatɩ ɛyaa yɔ. Pɔsɔɔlɩ ɛyaa lalaa, pʋyɔɔ pakpakɩɣ pa-alɩwaatʋ nɛ po-ɖoŋ nɛ posusuu-wɛ lidaʋ tɔm nɛ laŋɩyɛ hɛzʋʋ tɔm ndʋ tɩwɛ Bibl taa yɔ nɛ taa leleŋ.—Maarɩkɩ 12:31.

TAZƖ NƐ PILIMI

4. Pañɩnɩɣ toovenim Bibl taa

Ɛyaa mba payaɣ pa-tɩ se Krɩstʋ mba yɔ, pɩtɩkɛ pa-tɩŋa pañakɩnɩ pana se panɩɩ toovenim tɔm ndʋ tɩwɛ Bibl taa yɔ tɩ-taa nɛ pɔɖɔ tɩ-yɔɔ. Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.

VIDEO: Ɛzɩma posuyi cɛtɩm tɔm Krɩstʋ wɩlɩtʋ taa yɔ (5:11)

• Ɛbɛ Ɛsɔ sɛtʋ agbaa wena atɔŋ se akɛ Krɩstʋ agbaa yɔ alaba nɛ pɩɖɩɣ ɛyaa nʋmɔʋ se pataapɩzɩ nɛ pɛkpɛlɩkɩ tɔm ndʋ Yesu wɩlaa yɔ?

Yesu wɩlɩ toovenim tɔm ndʋ tɩwɛ Ɛsɔtɔm taa yɔ. Ɩkalɩ Yohanɛɛsɩ 18:37, nɛ pʋwayɩ lɛ ɩtazɩ tɔm tʋnɛ tɩ-taa:

• Yesu wɩlaa se ɛzɩma ɛyʋ pɩzɩɣ nɛ ɛtɩlɩ Krɩstʋ ñɩma mba pɛwɛ «toovenim hɔɔlʋʋ taa yɔ»?

5. Posusuu Bibl taa toovenim tɔm

Pʋcɔ nɛ Yesu pɩsɩɣ ɛsɔdaa lɛ, ɛɖʋ tʋmɩyɛ naɖɩyɛ ɛ-wayɩ tɩŋɩyaa nɛ peɖiɣni labʋ tʋmɩyɛ nɖɩ sɔnɔ. Ɩkalɩ Maatiyee 28:19, 20 nɛ Tʋma Labʋ 1:8, nɛ pʋwayɩ lɛ ɩtazɩ tɔm tʋnɛ tɩ-taa:

• Pɩpɔzʋʋ se posusi tɔm alɩwaatʋ ɛzɩma nɛ pɩwɛɛ se posusi-tʋ nɛ pɩtalɩ le?

6. Pɔɖɔŋ tɔm ndʋ posusuu yɔ tɩ-yɔɔ

Ɛbɛ sɩnɩ abalʋ weyi payaɣ-ɩ se Tom yɔ nɛ ɛ-taa tɛ se ɛlɩ toovenim Ɛsɔ sɛtʋ yɔɔ? Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.

VIDEO: Maaha siɣye Ɛsɔ sɛtʋ (5:20)

• Ɛbɛ kaayeba nɛ Tom ha siɣye Ɛsɔ sɛtʋ?

• Ɛbɛ yɔɔ ɛ-taa tɛma se ɛlɩ toovenim yɔɔ?

Ða-lakasɩ wɩlɩɣnɩ ɛyʋ weyi ɖeyi ɖeyi ɖɩkɛnaa yɔ, pɩtɩkɛ ɖɔ-yɔɔdaɣ. Ɩkalɩ Maatiyee 7:21, nɛ pʋwayɩ lɛ ɩtazɩ tɔm tʋnɛ tɩ-taa:

• Ɛbɛ tɔm kɩlɩ cɛyʋʋ Yesu ɛsɩndaa: Ðɩyɔɔdɩ yem se ɖɩkɛ Krɩstʋ tʋ na yaa ɖa-lakasɩ ɩwɩlɩnɩ mbʋ?

7. Pɔsɔɔlɩ ɖama

Ɛzɩ Krɩstʋ mba nabɛyɛ ɖʋ pe-weziŋ kaɖɛ taa se pɩsa nɛ pasɩnɩ po-koobiya Krɩstʋ mba lalaa na? Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.

VIDEO: Etisaa se ɛcɛlɩɣ e-wezuu (2:55)

• Ɛbɛ seɣti LIoyd nɛ ɛɖʋ e-wezuu kaɖɛ taa se ɛya koobu Johansson ñʋʋ?

• Ŋmaɣzɩɣ se ɛ-lakasɩ wɩlɩɣ se ɛkɛ toovenim Krɩstʋ tʋ na?

• Wɛtʋ ndʋ pɩwɛɛ se toovenim Krɩstʋ mba ɩwɛɛnɩ mba po-tomnaɣ tɔlɩm yaa pɛ-ɛjaɖɛ wɛ ndɩ yɔ pɔ-yɔɔ?

• Ɛzɩma pɩwɛɛ se palɩzɩ wɛtʋ ndʋ nɛ pawɩlɩ you alɩwaatʋ taa?

TOBI LƐ

Toovenim Krɩstʋ mba ɖɔŋ Bibl wɩlɩtʋ yɔɔ, pɔsɔɔlɩ ɖama siŋŋ nɛ pasɩkɩ ɖama yɔɔ sɩm nɛ posusuu Bibl taa toovenim tɔm.

Tɔm taa tazʋʋ

• Le pɩwɛɛ se toovenim Krɩstʋ mba tisuu ɛlɩɩna?

• Wɛtʋ ndʋ patɩlɩɣnɩ toovenim Krɩstʋ mba?

• Tʋmɩyɛ nɖɩ toovenim Krɩstʋ mba lakɩ?

WONDU LƐƐTƲ

Cɔna nɛ ŋtɩlɩ mba pañakɩ pana se pɔɖɔ Yesu kɩɖaʋ nɛ ɛ-wɩlɩtʋ yɔɔ yɔ, pɔ-yɔɔ tɔm lɛɛtʋ.

Yehowa Aseɣɖe Tɩnaa—Ɛyaa mba ɖɩkɛnaa? (1:13)

Kalɩ nɛ ŋna ɛzɩma Ɛsɔ sɛtʋ tʋmɩyɛ laɖʋ halɩñɩnʋ nɔɔyʋ kɔma nɛ ɛlɩɩ «fezuu taa hɔʋ kɩbaŋʋ siŋŋ» yɔɔ yɔ.

«Ils ont utilisé la Bible pour répondre à toutes mes questions!» (La Tour de Garde, 1^er avril, 2014)

Cɔna nɛ ŋna ɛzɩma toovenim Krɩstʋ mba wɩlɩɣ sɔɔlɩm po-koobiya Krɩstʋ mba lalaa mba pɩpɔzʋʋ se pasɩnɩ-wɛ yɔ.

Ðo-koobiya sɩnʋʋ asɛyʋʋ alɩwaatʋ taa—Hɔɔlʋʋ nakʋyʋ (3:57)

Kalɩ nɛ ŋna ɛzɩma kajalaɣ Krɩstʋ mba nɛ sɔnɔ sɔnɔ toovenim Krɩstʋ mba wɩlɩɣ se pɛwɛnɩ yʋsaɣ ŋga patɩlɩɣnɩ Yesu wayɩ tɩŋɩyaa toovenim mba yɔ.

« À quoi se reconnaît le christianisme authentique ?» (La Tour de Garde, 1^er mars 2012)