Labɩnɩ Ɛsɔtɔm tʋmɩyɛ tɔm susuu taa
1. Ɛbɛ pɩzɩɣ pɩsɩnɩ-ɖʋ nɛ ɖɩlabɩnɩ Ɛsɔtɔm tʋmɩyɛ tɔm susuu taa?
1 Ða-takayɩsɩ pɩzɩɣ nɛ sɩsɩnɩ-ɖʋ nɛ ɖɩlabɩnɩ Ɛsɔtɔm tʋmɩyɛ tɔm susuu taa. Pamaɣ masɩ nzɩ sɩmʋnaa yɔ, sɩ-taa tɔm nɛ sɩpɩzɩɣ siyele nɛ ɛyʋ sɔɔlɩ Ɛsɔtɔm. Kpaɣ ɛzɩ Laŋhɛzɩyɛ Tɔm takayaɣ mbʋ yɔ. Ðɩna ɛzɩma kapɩzɩɣ kasɩnɩ-ɖʋ nɛ ɖɩtɩlɩ masɩ nzɩ yɔ.
2. Ɛzɩma ɖɩpɩzɩɣ nɛ ɖɩlabɩnɩ Laŋhɛzɩyɛ Tɔm taa ñʋʋ 8 tʋmɩyɛ?
2 Ŋpɩzɩɣ ŋlabɩnɩ tʋmɩyɛ tɔm kɩkpɛlɩkɩtʋ 8 nɛ ŋyɔɔdɩ se: “Ðɩwɛɛ nɛ ɖiwoki se ɖɩna ɖa-taabalaa mbʋ pʋyɔɔ yɔ ɛyaa sakɩyɛ pɔzʋʋ pa-tɩ se ‘Ɛzɩ Ɛsɔ cɔlɔ ɛyaa kʋñɔmɩŋ lɩɣna? [Kookasɩ nasɩyɩ taa lɛ, pɩwɛɛ se pawɩlɩ tɔm pɔzʋʋ mbʋ ɖɩɣdʋ.] Ŋmaɣzɩɣ suwe? [Ha-ɩ alɩwaatʋ nɛ ecosi.] Bibl cosuu tɔm ndʋ tɩ-yɔɔ camɩyɛ.” Kalɩ nɛ ŋtazɩ mayaɣ yaa masɩ nasɩyɩ Bibl taa kpaagbaa. Ye ɖɩɣdʋ ɛwɩlaa se ɖɔ-tɔm kɛdɩnɩ-ɩ yɔ, ŋpɩzɩɣ nɛ ŋheyi-i se ŋsɔɔlaa se ña nɛ ɩ ɩkpɛlɩkɩ ñʋʋ ŋgʋ.
3. Ɛzɩma tɔm kɩkpɛlɩkɩtʋ 9 pɩzɩɣ nɛ tɩsɩnɩ-ɖʋ nɛ ɖa nɛ mba pɛwɛ kookasɩ nzɩ sɩ-taa ɛyaa tɩkɛ Krɩstʋ mba yɔ, ɖɩpaɣzɩ faawɩyɛ labʋ?
3 Tɔm kɩkpɛlɩkɩtʋ 9 tɛ tɔm pɔzʋʋ 2 pɩzɩɣ nɛ pɩsɩnɩ-ɖʋ alɩwaatʋ ndʋ ɖisusuu tɔm kookasɩ nzɩ sɩ-taa ɛyaa tɩkɛ Krɩstʋ mba yɔ. Ŋpɩzɩɣ nɛ ŋyɔɔdɩ se: “Ðiwoki ɖo-kooka taa ɛyaa cɔlɔ nɛ ɖa nɛ wɛ ɖɩyɔɔdʋʋ hɔʋ tɔm. Ɛyaa sakɩyɛ yɔɔdʋʋ se hɔŋ katɩɣ tɩlasɩ sakɩyɛ sɔnɔ. Nɛ ña yɔ, suwe ŋmaɣzɩɣ? [Ha-ɩ alɩwaatʋ nɛ ecosi.] Tɔm tʋnɛ tɩwazɩ halaa nɛ pa-walaa sakɩyɛ: “paa halʋ weyi lɛ, ɛña ɛ-walʋ.” [Pɩtɩcɛyɩ se ŋyɔɔdɩ se Efɛɛzɩ 5:33 taa pama tɔm ndʋ. Ye ña nɛ halʋ ɛyɔɔdʋʋna yɔ, pɩwɛɣ ɖeu se ŋyɔɔdɩ tɔm ndʋ tɩwɛ Efɛɛzɩ 5:28 taa yɔ na.] Ŋmaɣzɩɣ se ye halaa nɛ pa-walaa pɔɖɔŋ lɔŋ tasʋʋ pʋnɛ pɩ-yɔɔ yɔ, pɩwazɩɣ-wɛ yaa we?”
4. Ña nɛ mba patɩkɛ Krɩstʋ mba yɔ, ɩtɛŋ faawɩyɛ labʋ lɛ, ɛbɛ ŋpɩzɩɣ nɛ ŋla?
4 Ɩtɛŋ faawɩyɛ labʋ lɛ, ɩnɩnɩ ɖama nɛ pʋwayɩ lɛ ŋpɩsɩ nɛ iwolo faawɩyɛ yɔɔ. Pɩtɩla pɩwɛɣ ɖeu se ɩyɔɔdɩ masɩ lɛɛsɩ nzɩ sɩwɛ tɔm pɔzʋʋ mbʋ pɩ-tɛɛ yɔ sɩ-tɔm. Pʋwayɩ pɩkɔŋ pɩtalɩ alɩwaatʋ ndʋ ŋmaɣzɩɣ se tɩmʋnaa yɔ tɩ-yɔɔ lɛ, ŋpɩzɩɣ nɛ ŋheyi-i se tɔm ndʋ ŋŋyɔɔdaɣ yɔ, tɩlɩnɩ Bibl taa na. Ŋcɔŋnɩ faawɩyɛ ŋgʋ ɩlaba yɔ nɛ lɩmaɣza wena ɛyʋ ɛnʋ ɛwɛnɩ Bibl yɔɔ yɔ lɛ, ha-ɩ takayaɣ ŋga ŋmaɣzɩɣ se kɛkɛdɩɣnɩ-ɩ yɔ. Cɔnɩ pɩ-taa takayaɣ ŋga kɛwɛ décembre 2013 tɛ Kewiyaɣ Ɛsɔ Sɛtʋ Tʋmɩyɛ Takayaɣ taa yɔ.