TƆM KƖKPƐLƖKƖTƲ 02
Bibl haɣ-ɖʋ cee wayɩ lidaʋ kɩbaŋʋ
Kedeŋa kpeekpe yɔɔ ɛyaa sakɩyɛ wɛɛ nɛ palʋkɩnɩ kala ndɩ ndɩ. Kala ana ayeba nɛ pɛwɛɛ ɛsɩñɩŋɩyɛ nɛ nɩɣzɛ taa nɛ halɩ panɩɣ siziŋ ɖɔɖɔ. Wiɖiyi nabʋyʋ tɛmɩ-ŋ talʋʋ nɛ piyele nɛ ŋwɛɛ wɛtʋ ndʋ tɩ-taa? Pɩtɩla ŋwɛɛ nɛ ŋnɩɣ siziŋ mbʋ pʋyɔɔ yɔ ŋwɛ kʋdɔŋ nakʋyʋ taa yaa ñɛ-ɛyʋ kʋsɔɔlʋ nɔɔyʋ sɩba. Pɩtɩla ŋpɔzʋʋ ña-tɩ se: «Ɛzɩ wiɖiyi wezuu caɣʋ kaɣ labʋ ɖeu nɛ pɩkpaɖɩ?» Bibl cosi tɔm ndʋ tɩ-yɔɔ kpayɩ kpayɩ.
1. Lidaʋ ŋgʋ Bibl haɣ-ɖʋ?
Pɩtasɩna se Bibl lɩzɩɣ-ɖʋ mbʋ pʋyɔɔ kʋñɔmɩŋ tɔyɩ ɛjaɖɛ yɔɔ yɔ pɩ-taa lɛ, kiheyiɣ-ɖʋ ɖɔɖɔ tɔm kɩbandʋ se pɩkazɩ pazɩ lɛ, kʋñɔmɩŋ weyi ɩ-taa ɖɩwɛɛ yɔ ɩkaɣ sɩʋ tɩnaɣ. Bibl pɩzɩɣ nɛ kɩha-ɖʋ «cee wayɩ kɩbaŋʋ nɛ lidaʋ.» (Kalɩ Yereemii 29:11, 12.) Lidaʋ tɔm ndɩ ndɩ ndʋ kiheyiɣ-ɖʋ yɔ tɩsɩɣnɩ-ɖʋ se ɖɩlʋbɩnɩ kʋñɔmɩŋ weyi ɩ-taa ɖɩwɛ lɛɛlɛɛyɔ yɔ nɛ tɩsɩɣnɩ-ɖʋ ɖɔɖɔ se ɖɩwɛɛnɩ wɛtʋ kɩbandʋ, nɛ ɖihiɣ tamtam koboyaɣ.
2. Bibl yɔɔdʋʋ se cee wayɩ kaɣ wɛʋ ɛzɩma?
Bibl heyiɣ-ɖʋ se cee wayɩ lɛ, «sɩm ɛɛkaɣ tasʋʋ wɛʋ, kʋñɔwiye nɛ kubusi mabʋ nɛ wɩzasɩ paakaɣ tasʋʋ wɛʋ ɖɔɖɔ.» (Kalɩ Natʋ 21:4.) Kʋñɔmɩŋ ɛzɩ kʋñɔndʋtʋ, mulum, kʋdɔmɩŋ nɛ sɩm peyeki nɛ ɛyaa lɔʋ lidaʋ sɔnɔ. Ɛlɛ kʋñɔmɩŋ ɛnɩ ɩɩkaɣ tasʋʋ wɛʋ. Bibl yɔɔdʋʋ se ɛyaa kaɣ pɩzʋʋ nɛ panɩɩ wezuu leleŋ tam tam paradisuu taa tɛtʋ yɔɔ.
3. Ɛbɛ ŋpɩzɩɣ ŋla nɛ ña-taa tɛ se lidaʋ tɔm ndʋ Bibl yɔɔdʋʋ yɔ tɩkaɣ labʋ?
Ɛyaa sakɩyɛ taɣ liu se pɩkaɣ-wɛ ɖenuu cee wayɩ, ɛlɛ paapɩzɩɣ nɛ patɩlɩ se pe-lidaʋ ŋgʋ kɩkaɣ labʋ yaa kɩɩlakɩ. Lidaʋ tɔm ndʋ Bibl yɔɔdʋʋ yɔ tɩwɛ ndɩ. Ye ɖɩtazɩɣ «Masɩ taa camɩyɛ» yɔ, pɩsɩɣnɩ-ɖʋ nɛ ɖɩcɛyɩsɩ tisuu mbʋ ɖɩwɛnɩ tɔm ndʋ Bibl yɔɔdʋʋ yɔ tɩ-yɔɔ. (Tʋma Labʋ 17:11) Ŋŋkpɛlɩkɩɣ Bibl lɛ, ña-maɣmaɣ ŋkaɣ pɩzʋʋ nɛ ŋsɛtɩ ña-tɩ tɔm nɛ ŋna se ŋtisiɣ tɔm ndʋ kɩwɩlɩɣ pɩlɩɩnɩ cee wayɩ yɔɔ yɔ tɩ-yɔɔ yaa ŋŋtisiɣ.
TAZƖ NƐ PILIMI
Tazɩ wɛtʋ ndʋ Bibl yɔɔdʋʋ se tɩkaɣ wɛʋ cee wayɩ yɔ tɩ-taa. Yele nɛ ɖɩna ɛzɩma lidaʋ tɔm ndʋ Bibl yɔɔdʋʋ yɔ tɩwɛɛ nɛ tɩsɩɣnɩ ɛyaa sɔnɔ yɔ.
4. Bibl haɣ-ɖʋ lidaʋ se ɖɩkaɣ caɣʋ wezuu maatɛŋ nɛ ɖɩwɛɛnɩ tomnaɣ taa alaafɩya kiya
Bibl taa lidaʋ tɔm ndɩ ndɩ wɛ aɖakaɣ ŋga kɛwɛ pɩ-tɛɛ cɩnɛ yɔ ka-taa. Tɩ-taa lɛ, ndʋ ŋkɩlɩ sɔɔlʋʋ? Nɛ ɛbɛ yɔɔ?
Ɩkalɩ masɩ nzɩ sɩwɛ lidaʋ tɔm ndʋ tɩ-cɔlɔ yɔ, nɛ pʋwayɩ lɛ ɩtazɩ tɔm tʋnɛ tɩ-taa:
Ŋmaɣzɩɣ se masɩ sɩnɛ sɩpɩzɩɣ nɛ sɩwazɩ-ŋ? Ŋmaɣzɩɣ se ye ñɔ-hɔʋ taa mba nɛ ña-taabalaa panɩ tɔm tʋnɛ yɔ, tɩpɩzɩɣ nɛ tɩwazɩ-wɛ?
Kpaɣ se ŋwɛ ɛjaɖɛ nɖɩ ɖɩ-taa yɔ
NƆƆYƲ . . . |
PAA WEYI . . . |
|---|---|
|
|
|
|
|
|
|
|
|
|
5. Lidaʋ ŋgʋ Bibl haɣ-ŋ yɔ, kɩpɩzɩɣ nɛ kɩlɛɣzɩ ñe-wezuu caɣʋ
Ɛyaa sakɩyɛ naɣ kʋñɔmɩŋ weyi ɩcɔ-wɛ nɛ ɩta yɔ lɛ, pitiki-wɛ yɔɔɔ; yaa halɩ pɩɖʋʋ-wɛ ɖɩwɩzɩyɛ. Nabɛyɛ ñaɣ pana siŋŋ se peyele nɛ wɛtʋ ndʋ tɩlɛɣzɩ. Bibl yɔɔdʋʋ se pɩkaɣ lɛɣzʋʋ. Na ɛzɩma lidaʋ tɔm ndʋ tɩwɛɛ nɛ tɩsɩɣnɩ ɛyaa lɛɛlɛɛyɔ yɔ. Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
Mulum lakasɩ nzɩ cɛyaɣ Rafika?
Paa mulum lakasɩ nzɩ sɩtɩsɩɩ tɩnaɣ yɔ, ɛzɩma Bibl sɩnɩ-ɩ?
Lidaʋ tɔm ndʋ Bibl yɔɔdʋʋ yɔ tɩsɩɣnɩ-ɖʋ se ɖɩlʋbɩnɩ kʋñɔmɩŋ weyi ɩ-taa ɖɩwɛɛ yɔ nɛ ɖihiɣ taa leleŋ paa ɖɩwɛ kala taa yɔ. Ɩkalɩ Aduwa 17:22 nɛ Roma mba 12:12, nɛ pʋwayɩ lɛ ɩtazɩ tɔm tʋnɛ tɩ-taa:
Ŋmaɣzɩɣ se lidaʋ tɔm ndʋ tɩwɛ Bibl taa yɔ, tɩpɩzɩɣ nɛ tɩlɛɣzɩ ñe-wezuu caɣʋ sɔnɔ yaa we? Ɛbɛ yɔɔ?
NABƐYƐ YƆƆDƲƲ SE: «Bibl taa lidaʋ tɔm ɛɛpɩzɩɣ nɛ tɩkɛ toovenim, tɩkɩlɩ ɖeu!»
Ña-naʋ taa yɔ, ɛbɛ yɔɔ pɩcɛyaa se ɛyʋ ɛñɩnɩ nɛ ɛna se tɔm ndʋ Bibl yɔɔdʋʋ yɔ, tɩkɛ toovenim yaa tɩtɩkɛ?
TOBI LƐ
Bibl heyiɣ-ɖʋ lidaʋ tɔm kɩbandʋ sakɩyɛ pɩlɩɩnɩ cee wayɩ yɔɔ. Pɩhaɣ-ɖʋ lidaʋ nɛ pɩñɔɔzʋʋ ɖe-wezuu caɣʋ lɛɛlɛɛyɔ.
Tɔm taa tazʋʋ
Ɛbɛ yɔɔ pɩcɛyaa se ɛyaa ɩtɩlɩ lidaʋ tɔm ndʋ Ɛsɔ yɔɔdaa se tɩkaɣ labʋ yɔ?
Tɔm ndʋ Bibl yɔɔdʋʋ cee wayɩ yɔɔ?
Ɛzɩma Bibl taa lidaʋ tɔm pɩzɩɣ tiyele nɛ ñe-wezuu caɣʋ ñɔɔzɩ sɔnɔ?
WONDU LƐƐTƲ
Kalɩ nɛ ŋna ɛzɩma lidaʋ pɩzɩɣ kɩsɩnɩ-ŋ nɛ ŋlʋbɩnɩ kala wena a-taa ŋwɛɛ yɔ?
«L’espoir: où le trouver?» (Réveillez-vous!, 22 avril, 2004)
Kalɩ nɛ ŋna ɛzɩma lidaʋ pɩzɩɣ nɛ kɩsɩnɩ mba pɛwɛnɩ kʋdɔŋ sɔsɔʋ nakʋyʋ yɔ.
«Vivre avec une maladie chronique : la Bible est-elle utile?» (Intɛrnɛɛtɩ yɔɔ tɔm ñʋʋ)
Alɩwaatʋ ndʋ ŋcɔŋnɩ minziiki tɛ video kʋnɛ yɔ, maɣzɩ se ña nɛ ñɔ-hɔʋ taa mba ɩwɛ paradisuu ŋgʋ kɩ-tɔm Bibl yɔɔdaa yɔ kɩ-taa nɛ ɩnɩɣ wezuu leleŋ.
Kalɩ nɛ ŋna ɛzɩma weyi ɛlʋkaɣ se lɛɣzɩtʋ ɛkɔɔ ɛ-ɛjaɖɛ taa yɔ, e-wezuu caɣʋ lɛɣzaa alɩwaatʋ ndʋ ɛkpɛlɩkaa nɛ ɛtɩlɩ lidaʋ ŋgʋ Bibl haɣ pɩlɩɩnɩ cee wayɩ yɔɔ yɔ.
«Je ne pense plus devoir changer le monde» (La Tour de Garde, 1er juillet 2013)