Se kwa u nga zwidiya kunjinji mu dzithuto idzedzi dze Baibili
Zwidiye ne u no ku diya: Kumbila thuto ye Baibili mu nthu wa ku pa burouchara igogu kene u i kumbile mu website yedu, jw.org.
IPITHU CHE KUTANGA
Bala pharagrafo (paragraph) ingwe ne ingwe, ku shanganyila ne dzibuzo dza ka kwagwa ne mbala wa ka nginilila (A) ne dzindimana (B) dzi no tshambilila khani wulu. Ziba kuti ndimana dza ka kwagwa “bala,” dza ka fanila bagwa ha mu zwidiya.
IPITHU CHI PAKATI
Matama a no tangisa (C) kusi kwe Zwidiye kwa ka Nginilila a no chenesa chi no tobela. Mishogwana (D) i no zibisa khani wulu. Bala dzindimana, dabila dzibuzo, kakale lingilila dzividiyo (E).
Lingilila zwitshwantsho kwazo (F), kakale kumbula kuti u nga dabila chini mu na pa ka kwagwa Bathu Bangwe ba Kati (G).
IPITHU CHE BUPELO
Cha wa Zwidiya ne U Nga Tini (H) dzo peleledza thuto. Kwala kuti thuto ya pela lini. Pana Zwimisile (I) u nowo piwa chibaka che ku thama chingwe, ne ku shingisa cha wa zwidiya. Pana Shakisisa (J) ku na zibiso ya ka paphidzika ya u nga shaka bala kene lingilila.
U nga bona chini dzindimana dze Baibili
Hwalo dzo lakidziwa ne zina le buka ye Baibili (A), ndima (B), ne ndimana kene dzindimana (C). Ha ti lakidzila, Johani 17:3 i no dwa buka ya Johani, ndima 17, ndimana 3.