Se Kwa Jehova E Thembesa ku be po Kwe Paradaisi

1. Mporofiti Izaya wa ka zibisani Baiziraele?

MOPOROFETI ISAIA o ile a re Jehofa ke “Modimo wa boammaaruri.” Fa lefoko “boammaaruri” le ranolwa jaaka le ntse, le kaya “amen.” (Isa. 65:16, ntlh.) Lefoko “amen” le kaya gore “a go nne jalo” kgotsa “a go diragale.” Gantsi Baebele e dirisa lefoko leno go bontsha gore se Jehofa kgotsa Jesu ba se buang se boammaaruri. Ka jalo fa Isaia a ne a bolelela Baiseraele gore Jehofa ke “Modimo wa boammaaruri,” o ne a gatelela ntlha ya gore sengwe le sengwe se Jehofa a se buang se a direga. Go ntse fela jalo! Jehofa ga a ke a bua sengwe a bo a sa se dire.

2. Ini ta ka fanila duma cha ti no thembesiwa na Jehova ne kwe chibaka chi no zha, ngono towo dabila dzibuzo dzipi?

² A le rona re ka tshepa gore Jehofa o tla dira dilo tse a solofetsang gore o tla re direla tsone mo nakong e e tlang? Dingwaga di ka nna 800 morago ga motlha wa ga Isaia, moaposetoloi Paulo o ile a tlhalosa gore ke eng fa re ka tlhatswega pelo gore Modimo o tla dira se a se solofeditseng. O ne a re: ‘Modimo a ka se ka a aka.’ (Baheb. 6:18) Ga go kgonege gore motswedi wa metsi o ntshe metsi a a monate le a a letswai. Ka tsela e e tshwanang, e re ka Jehofa e le Modimo wa boammaaruri, ga go kgonege gore a bue maaka. Ka jalo, re ka tshepa sengwe le sengwe se a se buang, go akaretsa le dilo tse a reng o tla re direla tsone mo nakong e e tlang. Mo setlhogong seno, re tla tlotla ka dipotso tse di latelang: Jehofa o solofetsa gore o tla re direla eng mo nakong e e tlang? O re netefaletsa jang gore o tla dira se a re solofetsang sone?

JEHOVA WA KA THEMBESANI?

3. (a) I thembiso ipi i no diwa ne balanda be Ndzimu kwazo? (Zumbunulo 21:3, 4) (b) Bangwe ba no zwibata chini ha be hwa ne kwe thembiso iyeyo?

³ Re tlile go tlotla ka tsholofetso nngwe e batlhanka botlhe ba ga Jehofa ba e ratang thata. (Bala Tshenolo 21:3, 4.) Jehofa o solofetsa gore mo nakong e e tlang, “loso lo tla bo lo sa tlhole lo le teng, e bile go tla bo go sa tlhole go na le khutsafalo kgotsa selelo kgotsa botlhoko.” Go le gantsi re balela batho ditemana tseno go ba kgothatsa le go ba bontsha gore botshelo bo tla bo bo ntse jang kwa Paradaiseng. Batho bangwe ba a reng fa re ba balela ditemana tseno? Bangwe ba tlhola ba re: “Ke go ijesa dijo tsa ditoro.”

4. (a) Jehova wa ka be e zibani ne ku bonelani mbeli? (b) Kuzhe kwe ku thama thembiso, Jehova wa ka thamani kakale?

⁴ Fa Jehofa a ne a laela Johane gore a kwale tsholofetso ya gore o tla dira lefatshe Paradaise, o ne a itse gore re tla balela batho tsholofetso eo fa re ba rerela ka Bogosi jwa gagwe. Gape o ne a itse gore batho ba le bantsi ga ba kitla ba dumela gore o tla dira dilo tse a re solofetsang tsone. (Isa. 42:9; 60:2; 2 Bakor. 4:3, 4) Ka jalo, re ka thusa jang batho gore ba dumele gore Tshenolo 21:3 le 4 e tla diragadiwa? Mme rona re ka tlhatswega pelo jang gore Jehofa o tla dira se a se solofeditseng? Jehofa o re neile mabaka a a utlwalang a a re thusang go dumela gore o tla dira se a se solofeditseng. Ke mabaka afe ao?

THEMBISO DZA JEHOVA MALEBESWA

5. I mabaka api a nga thama kuti ti dume thembiso dze Ndzimu ne kwe Paradaisi, ngono ti nga a bona ngayi?

⁵ Ditemana tse di latelang di re naya mabaka a a re thusang go dumela gore Jehofa o tla dira lefatshe Paradaise. Tshenolo 21:5 le 6a, e a re: “Ene yo o ntseng mo setulong sa bogosi o ne a re: ‘Ke dira dilo tsotlhe disha.’ Gape o ne a re: ‘Kwala seno, ka gonne mafoko ano a a ikanyega e bile a boammaaruri.’ E bile o ne a nthaya a re: ‘Mafoko ano a diragaditswe! Ke nna Alefa le Omega, tshimologo le bokhutlo.’”

6. Cha ka kwagwa mu na Zumbunulo 21:5, 6 cho thama chini kuti ti dume thembiso dze Ndzimu?

⁶ Goreng ditemana tseno di re tlhatswa pelo gore Modimo o tla dira se a se solofeditseng? Mo ditemaneng tseno, go ntse jaaka e kete Jehofa o saena tumalano e e re netefaletsang gore eleruri o tlile go dira se a se solofeditseng. Ka jalo, Tshenolo 21:3 le 4 e re tlhalosetsa se Modimo a tlileng go re direla sone. Mme mo go temana 5 le 6, go ntse jaaka e kete o saena tumalano, a netefatsa gore o tla dira se a re solofetsang sone.

7. Ini thembiso dze Ndzimu i li chithu chikulu, ngono ini ichecho i li malebeswa?

⁷ Temana 5 e simolola jaana: “Ene yo o ntseng mo setulong sa bogosi o ne a re.” (Tshen. 21:5a) Mafoko ano a botlhokwa ka gonne a re bontsha gore se Jehofa a tlileng go se bua, o se bua ka boene, ga a dirise moengele kgotsa Jesu. E re ka e le Jehofa a buang, re ka tlhatswega pelo gore mafoko a a mo go Tshenolo 21:5, 6 a tlile go diragala ka gonne Jehofa ga ‘a ake.’​—Tito 1:2.

“BONA! NDOTHAMA ZWITHU ZOSE BUTSHWA”

8. Jehova u no tshambidzila malebeswa e thembiso dzidze chini? (Izaya 46:10)

⁸ Ka puo ya Segerika, mo go Tshenolo 21:5 Jehofa o simolola ka go re, “Bona!” Lefoko leno le tlhaga makgetlo a le mantsi mo bukeng ya Tshenolo ka Segerika. Buka nngwe e a re lefoko leno le “thusa mmadi gore a reetse ka kelotlhoko se se tla buiwang.” Fa Jehofa a sena go re, “Bona!” o ne a re: “Ke dira dilo tsotlhe disha.” Ke boammaaruri gore Jehofa o tlile go baakanya dilo mo nakong e e tlang, mme o bua jaaka e kete o a di baakanya gone jaanong, ka gonne o a itse gore o tlile go dira se a se solofeditseng.​—Bala Isaia 46:10.

9. (a) Ndebo i noti “thama zwithu zose butshwa” i no lingisa ku mishingo ipi mibili ya Jehova? (b) Kowo shingikalani ne “kudzimu kwa ngwenu” ne “shango”?

⁹ Fa Jehofa a ne a re: “Ke dira dilo tsotlhe disha” o ne a raya jang? Kgaolo eno e bua ka dilo tse pedi tse Jehofa a tlileng go di dira. Sa ntlha, o tlile go fedisa “legodimo la pele le lefatshe la pele.” Go tswa foo, a bo a di emisetsa ka “legodimo le lesha le lefatshe le lesha.” “Legodimo la pele le lefatshe la pele” tse Tshenolo 21:1 e buang ka tsone ke eng? “Legodimo la pele” ke dipuso tse di laolwang ke Satane le madimona a gagwe. (Math. 4:8, 9; 1 Joh. 5:19) Ka dinako tse dingwe, fa Baebele e bua ka “lefatshe” e a bo e bua ka batho. (Gen. 11:1; Pes. 96:1) Ka jalo, “lefatshe la pele” ke batho ba ba bosula ba re tshelang le bone gompieno. Jehofa ga a kitla a baakanya “legodimo la pele le lefatshe la pele,” go na le moo o tlile go di fedisa, go tswa foo a bo a di emisetsa ka “legodimo le lesha le lefatshe le lesha.” Seno se raya gore o tla tlhoma Bogosi jo bo tla busang batho ba ba siameng.

10. Jehova u nowo thamani butshwa?

¹⁰ Jehofa o tla dira dilo tsotlhe disha ka tsela efe gape? (Tshen. 21:5) O tla baakanya lefatshe e bile o tla dira gore batho ba se ka ba tlhola ba nna le boleo. Fela jaaka Isaia a ne a bolelela pele, Jehofa o tlile go dira gore lefatshe le nne lentle jaaka tshimo ya Edene. Gape o tla dira gore re nne basha ka go re fodisa. O tla fodisa ba ba golafetseng, ba ba sa boneng le ba ba sa utlweng. Mo godimo ga moo, o tla tsosa baswi.​—Isa. 25:8; 35:1-7.

“MATAMA IYAWA ANOGALIKABGWE MALEBESWA. . . . KWASHINGWA KWAWILA!”

11. Jehova wa ka pa Johani ndawulo ipi ne mabaka api?

¹¹ Jehofa o re tlhomamisetsa jang gape gore re ka mo tshepa? O ne a laela Johane a re: “Kwala seno, ka gonne mafoko ano a a ikanyega e bile a boammaaruri.” (Tshen. 21:5) Ga a ka a mo laela fela gore a ‘kwale,’ gape o ne a tlhalosa lebaka la go bo a mo laela gore a dire jalo. O ne a re: “Ka gonne mafoko ano a a ikanyega e bile a boammaaruri.” Ka jalo, re ka a tshepa. Re lebogela go bo Johane a ile a “kwala” ka tsholofetso ya gore Modimo o tla dira lefatshe Paradaise, ka gonne re kgona go e bala le go akanyetsa kwa teng ka yone.

12. Ini Jehova a kati: “Kwashingwa kwawila!”

¹² Gape Modimo a re: “Mafoko ano a diragaditswe!” (Tshen. 21:6) Goreng Jehofa a re se a se solofetsang se setse se diragaditswe? Ka gonne ga go na sepe se se ka mo emang kwa pele, o tla dira se a se solofeditseng. Go na le sengwe gape se Jehofa a se buang go re netefaletsa gore o tla dira se a se solofeditseng. Ke eng seo?

“NDIMI BHALULE KAKALE BHELELO”

13. Ini Jehova a ka leba eti: “Ndimi Bhalule kakale Bhelelo”?

¹³ Jehofa o ile a bua le Johane ka makgetlo a le mararo mo diponatshegelong. (Tshen. 1:8; 21:5, 6; 22:13) Mo makgetlong ao o ile a re: “Ke nna Alefa le Omega.” Alefa ke alefabete ya ntlha mo dialefabeteng tsa Segerika, mme omega ke ya bofelo. Fa Jehofa a re, “Ke nna Alefa le Omega” o bontsha gore fa a simolotse sengwe, o a se fetsa.

14. (a) Lakidzila kuti ini dumbu Jehova a kati ndiye, “Bhalule” ne kuti u nowo ti “Bhelelo,” lini. (b) I thembiso ipi i no wangwa mu na Genesisi 2:1-3?

¹⁴ Fa Jehofa a sena go bopa Adame le Efa, o ne a ba bolelela se a ikaeletseng go se dira ka batho le ka lefatshe. Baebele e a re: “Modimo o ne a ba segofatsa mme a ba raya a re: ‘Atang lo nne bantsi lo tlatse lefatshe lo bo lo nne beng ba lone.’” (Gen. 1:28) Fa Jehofa a ne a bua se a se ikaeletseng ka batho le ka lefatshe, e ne e le tshimologo kgotsa “Alefa.” Fa Jehofa a tla bo a dirile se a se solofeditseng, bana ba ga Adame le Efa ba tladitse lefatshe e bile ba dirile gore e nne paradaise, seo e tla bo e le bokhutlo kgotsa “Omega.” Fa Jehofa a sena go bopa “magodimo le lefatshe le dilo tsotlhe tse di mo go tsone,” o ile a bua sengwe se se bontshang gore o tla dira se a se ikaeletseng. (Bala Genesise 2:1-3.) O ne a re letsatsi la bosupa le boitshepo. Seno se raya goreng? Se raya gore Jehofa o ne a tla netefatsa gore boikaelelo jwa gagwe ka batho le ka lefatshe bo diragaditswe kwa bowelong jwa letsatsi leo.

15. Ini ku nga lingika u ngati Satani wa ka pedzisa mazwimisilo e Ndzimu ne kwe bathu?

¹⁵ Fa Adame le Efa ba sena go tlhanogela Modimo, ba ne ba nna le boleo ba bo ba fetisetsa boleo le loso mo baneng ba bone. (Bar. 5:12) Go ne go ka lebega e kete boikaelelo jwa ga Jehofa jwa gore batho ba ba se nang boleo ba tlatse lefatshe, bo iteile sefololetse. A mme go ne go ntse jalo? Satane a ka tswa a ne a akanya gore Jehofa ga a ka ke a kgona go dira se a se ikaeletseng. A ka tswa a ne a akanya gore Jehofa o tla bolaya Adame le Efa, a bo a bopa banyalani ba bangwe ba ba se nang boleo gore ba diragatse boikaelelo jwa gagwe. Mme fa Modimo a ka bo a ile a dira jalo, Satane o ne a ka mo latofatsa ka gore o paletswe. Goreng re rialo? Ka gonne mo go Genesise 1:28, Jehofa o ne a boleletse Adame le Efa gore bana ba bone ba tla tlatsa lefatshe.

16. Ini Satani a ka be e kumbula kuti u nga biga Jehova nlandu we kuti wa ka kongwa thama mazwimisilo awe?

¹⁶ Ke eng gape se Satane a ka tswang a ne a akanya gore Modimo o tla se dira? Gongwe a ka tswa a ne a akanya gore Jehofa o tla letla Adame le Efa gore ba nne le bana, mme bana bao ba bo ba tswelela ba na le boleo. (Mor. 7:20; Bar. 3:23) Fa Jehofa a ne a ka dira jalo, Satane o ne a ka mo latofatsa ka gore o paletswe ke go diragatsa boikaelelo jwa gagwe jwa gore lefatshe le tlale ka batho ba ba se nang boleo.

17. Jehova wa ka baakanya chini khani ye ku sa hwa kwa Satani ne kwe bathu be kutanga, ngono kowo pelela neni? (Bona itshwantsho.)

¹⁷ Fa Satane, Adame le Efa ba sena go tlhanogela Jehofa, Jehofa o ne a rarabolola kgang eo ka tsela e e neng ya dira gore Satane a sale a itshwere seledu. (Pes. 92:5) Jehofa o ile a dira se a neng a se ikaeletse, ka gonne o ne a letla Adame le Efa gore ba nne le bana. Gape o ile a bontsha gore fa a ikaeletse go dira sengwe, ga go na sepe se se ka mo emang kwa pele. O ne a netefatsa gore boikaelelo jwa gagwe jwa go dira gore go nne le “losika” lo lo neng lo tla golola bana ba ga Adame le Efa mo boleong le mo losong, bo tla diragadiwa. (Gen. 3:15; 22:18) Satane o tshwanetse a bo a ile a gamarega. Goreng re rialo? Ka gonne thekololo e bontsha gore Jehofa o lorato, e leng sengwe se Satane a se nang sone. (Math. 20:28; Joh. 3:16) Thekololo e tla dira gore morago ga Puso ya ga Jesu ya Dingwaga Tse di Sekete, bana ba ga Adame le Efa ba tshelele ruri mo paradaiseng ba se na boleo, fela jaaka Jehofa a ne a ikaeletse go tswa kwa tshimologong. Ka nako eo, Jehofa o tla re, “Omega.”

SE KWA TI NGA SIMISA KU THEMBA MU NA JEHOVA NE KWE THEMBISO IYE YE PARADAISI

18. JNdzimu u no ti thembesa zwithu zwipi zwitatu? (Bona box li no ti “Mabaka a Mararo a go Tshepa se Jehofa a se Solofeditseng.”)

¹⁸ Mo setlhogong seno, re tlotlile ka mabaka a a re netefaletsang gore Jehofa o tlile go dira lefatshe Paradaise. Re ka netefaletsa ba bangwe jang gore seo se tlile go direga? Sa ntlha, Jehofa ke ene a solofetsang gore o tla dira jalo. Buka ya Tshenolo e a re: “Ene yo o ntseng mo setulong sa bogosi o ne a re: ‘Ke dira dilo tsotlhe disha.’” O tla kgona go dira jalo ka gonne o botlhale, o na le maatla e bile seo ke sengwe se a batlang go se dira. Sa bobedi, Jehofa o a itse gore o tla dira se a se solofeditseng. Ke gone ka moo a neng a re: “Mafoko ano a a ikanyega e bile a boammaaruri. . . . A diragaditswe!” Sa boraro, Jehofa ga a ke a palelwa ke go fetsa se a se simolotseng. Ke gone ka moo a neng a re: “Ke nna Alefa le Omega.” Jehofa o tla bontsha gore Satane ke rramaaka, le gore ga a ka ke a mo kgoreletsa go diragatsa boikaelelo jwa gagwe.

19. Ha bathu be bilayela thembiso ye Ndzimu ye paradaisi, u nga thamani?

¹⁹ Gopola gore fa o bolelela batho ba bangwe se Jehofa a ileng a se bua go re netefaletsa gore o tla dira se a se solofeditseng, le wena o tlhatswega pelo le go feta gore o tla dira jalo. Ka jalo, mo nakong e e tlang fa o balela mongwe Tshenolo 21:4 a bo a re: “Seo ke go ijesa dijo tsa ditoro,” o ka mo raya wa reng? O ka mmalela temana 5 le 6 o bo o mo tlhalosetsa tsone. Mmontshe gore mo ditemaneng tseno go ntse jaaka e kete Jehofa o saena tumalano e e re netefaletsang gore o tla dira se a se solofeditseng.​—Isa. 65:16.