Yedza Baengele ba no Thembeka

1-2. (a) Ha ti to fanana ne baengele ne zila ipi? (b) Ini cha ti no fanana nacho ne baengele?

FA Jehofa a ne a go gogela mo phuthegong ya gagwe, o ne wa nna karolo ya batho ba ba lorato ba ba mo obamelang. Lelapa leno le akaretsa bakaulengwe le bokgaitsadi mo lefatsheng lotlhe mmogo le baengele ba le dimilione. (Dan. 7:9, 10) Go le gantsi fa re akanya ka baengele, re akanya ka tsela e ba farologaneng thata le rona ka yone. Ka sekai, ba na le lobaka lo loleele ba tshela. (Jobe 38:4, 7) Gape ba maatla go re feta. Mo godimo ga moo, ba boitshepo e bile ga ba na boleo, mme rona re na le boleo.​—Luke 9:26.

² Le fa gone re farologana thata jaana le baengele, go na le dilo dingwe tse re tshwanang le bone ka tsone. Ka sekai, fela jaaka baengele, re kgona go nna le dinonofo tse Jehofa a batlang gore re nne le tsone e bile re kgona go itirela ditshwetso. Gape re na le maina le botho jo bo farologaneng e bile re na le dikabelo tse di sa tshwaneng mo tirelong ya ga Jehofa. Mo godimo ga moo, re na le keletso ya go direla Jehofa jaaka bone.​—1 Pet. 1:12.

3. Ti nga zwidiyani mu baengele ba no thembeka?

³ E re ka re tshwana le baengele ka dilo di le dintsi, re ka ithuta go le gontsi mo sekaong sa bone, e bile se ka re kgothatsa. Baengele ba boikokobetso, ba rata batho, ba itshokile e bile ba dira sotlhe se ba ka se kgonang gore ba boloke phuthego ya ga Jehofa e le phepa. Ka jalo mo setlhogong seno, re tlile go ithuta gore re ka ba etsa jang.

BAENGELE BA NO ZWIYESA PASI

4. (a) Baengele ba no lakidza ku zwiyesa pasi chini? (b) Ini baengele be zwiyesa pasi? (Pisalema 89:7)

⁴ Baengele ba ba ikanyegang ba boikokobetso. Le fa gone ba na le maitemogelo, ba le maatla e bile ba le botlhale, ba ikobela ditaelo tse Jehofa a ba nayang tsone. (Pes. 103:20) Fa ba dira dikabelo tsa bone, ga ba ikgantshe ka se ba se dirang e bile ga ba dirise maatla a bone gore ba tlotlomadiwe. Ba itumelela go dira sengwe le sengwe se Jehofa a ba kopang gore ba se dire le fa gone batho ba sa itse maina a bone.a (Gen. 32:24, 29; 2 Dikg. 19:35) Ga ba batle go tlotlomadiwa, mme ba batla gore go tlotlomadiwe Jehofa. Goreng baengele ba le boikokobetso jaana? Ka gonne ba rata Jehofa e bile ba mo tlotla fela thata.​—Bala Pesalema 89:7.

5. Engele nngwe wa ka lakidza ku zwiyesa pasi chini ha e chemela mpostolo Johani? (Bona itshwantsho.)

⁵ Akanya ka pego nngwe e e bontshang gore baengele ba boikokobetso. Mo e ka nnang ka 96 C.E., moengele mongwe yo re sa itseng leina la gagwe, o ne a bontsha moaposetoloi Johane ponatshegelo e e gakgamatsang. (Tshen. 1:1) Moaposetoloi Johane o ne a dira eng fa a sena go bona ponatshegelo eo? O ne a khubama fa pele ga moengele gore a mo obamele. Ka ponyo ya leitlho, moengele yoo o ne a mo emisa a bo a mo raya a re: “Nnyaa! O se ka wa dira jalo! Le nna ke motlhanka fela jaaka wena le bakaulengwe ba gago . . . Obamela Modimo!” (Tshen. 19:10) Ruri moengele yoo o ne a le boikokobetso tota! O ne a sa batle go galalediwa. Ka yone nako eo, o ne a bolelela Johane gore o tshwanetse go obamela Jehofa, e seng ene. Mo godimo ga moo, moengele yoo ga a a ka a dira gore Johane a ikutlwe e kete ga se motho wa sepe. Le fa moengele yoo a ne a na le lobaka lo loleele a direla Jehofa e bile a na le maatla go feta Johane, o ile a bontsha gore o boikokobetso ka go bolelela Johane gore ke motlhanka fela jaaka ene. Tota le fa moengele yono a ile a tshwanelwa ke go thusa Johane gore a lebe dilo sentle, ga a a ka a mo ja ka meno. Go na le moo, o ile a bua le ene ka bonolo. Gongwe o ne a lemogile gore Johane a ka tswa a ile a khubama fa pele ga gagwe ka ntlha ya se a ileng a se bona mo ponatshegelong.

6. Ti nga yedza ku zwiyesa pasi kwe baengele chini?

⁶ Re ka nna boikokobetso jang jaaka baengele? Fela jaaka baengele, re ka dira ka natla mo tirong ya ga Jehofa re sa ikgogomose ka se re se dirang e bile re sa dire gore go lebege e kete re na le bokgoni bongwe jo bo kgethegileng. (1 Bakor. 4:7) Gape ga re a tshwanela go akanya gore re botoka go gaisa batho ba bangwe ka gonne re na le nako e telele re direla Jehofa kgotsa re na le dikabelo tse bone ba se nang tsone. Tota e bile, fa re na le maikarabelo a a oketsegileng mo phuthegong ya ga Jehofa, re tshwanetse go nna boikokobetso thata. (Luke 9:48) Fela jaaka baengele, re batla go direla ba bangwe dilo tse di molemo e bile ga re batle gore ba akanye gore re botlhokwa go ba gaisa.

7. Ti nga lakidza ku zwiyesa pasi chini ha ti chemela nngwe?

⁷ Gape re ka nna boikokobetso fa re gakolola mokaulengwe kgotsa kgaitsadi kgotsa fa batsadi ba gakolola bana ba bone. Ke boammaaruri gore fa re gakolola mongwe re ka nna ra tshwanelwa ke go dira jalo re sa potapote. Mme gone, gopola gore moengele yo o neng a gakolola Johane o ile a dira jalo a le bonolo. Ka jalo, le fa re sa potapote, ga re batle gore motho yo re mo gakololang a kgobege marapo. Fa re sa itseye re le botoka go gaisa ba bangwe, seo se tla re thusa gore fa re ba gakolola re dirise Baebele le gore re dire jalo ka tlotlo le ka tsela e e bontshang gore re a ba rata.​—Bakol. 4:6.

BAENGELE BA NO DA BATHU

8. (a) Ku yenda na Luka 15:10, baengele ba no lakidza chini kuti ba no da bathu? (b) Baengele ba na gobe lipi mu nshingo we ku rera? (Bona itshwantsho.)

⁸ Baengele ga ba itlhokomolose se se diragalelang batho e bile ba ba tsaya ba le botlhokwa. Ba a ba rata. Fa motho yo o dirileng boleo jo bo masisi a ikwatlhaya kgotsa fa mongwe yo o tlogetseng go direla Jehofa a boela kwa go ene ba a itumela. Gape ba a itumela fa mongwe a ithuta ka Jehofa a bo a dira diphetogo mo botshelong gore a kgone go mo direla. (Bala Luke 15:10.) Mo godimo ga moo, baengele ba re thusa mo tirong ya go rera. (Tshen. 14:6) Le fa gone ba sa rerele batho ka tlhamalalo, ba na le maatla a go re kaela kwa mothong yo o batlang go ithuta ka Jehofa. Gopola gore Jehofa ga a dirise baengele fela go re thusa, gape o dirisa moya wa gagwe o o boitshepo. Ka jalo, ga re ka ke ra bua re tlhatswegile pelo re re: “Gompieno Jehofa o dirisitse moengele go nkaela kwa mothong yole.” (Dit. 16:6, 7) Le fa go ntse jalo, re a itse gore Jehofa o dirisa baengele go re thusa mo tirong ya go rera. Ka jalo, fa re rera dikgang tse di molemo, re ka bua re tlhatswegile pelo gore baengele ba tla re ema nôkeng.​—Bona lebokoso le le reng, “Jehofa o Ile a Araba Dithapelo Tsa Bone.”b

9. Ti nga yedza Baengele chini mu ku da bathu?

⁹ Re ka bontsha jang gore re rata batho jaaka baengele? Fa go dirwa kitsiso ya gore go na le mongwe yo o boetseng mo phuthegong, re ka itumela fela jaaka baengele. Re ka mmolelela gore re a mo rata le gore re itumelela go bo a direla Jehofa gape. (Luke 15:4-7; 2 Bakor. 2:6-8) Gape re ka etsa baengele ka go dira sotlhe se re ka se kgonang mo tirong ya go rera. (Mor. 11:6) Fela jaaka baengele ba re ema nôkeng mo tirong ya go rera, le rona re ka batla ditsela tsa go ema bakaulengwe le bokgaitsadi nôkeng mo tirong eno. Ka sekai, re ka kopa go bereka le mmoledi yo o sa tswang go simolola go ya tshimong. Gape re ka thusa mokaulengwe kgotsa kgaitsadi yo o godileng kgotsa yo o lwalang gore a rere mmogo le rona.

10. Ti nga zwidiyani mu na cha ka shingikalila Sara?

¹⁰ Re ka dira eng fa e le gore maemo a rona ga a re letle go direla Jehofa jaaka re batla? Re ka batla ditsela tse dingwe tsa go rera e bile re ka tlhatswega pelo gore baengele ba ka re thusa. Akanya ka se se diragaletseng kgaitsadi mongwe wa kwa India yo o bidiwang Sara.c Morago ga dingwaga di le 20 e le mmulatsela, o ile a lwala mo a neng a sa kgone go tswa mo bolaong. Seo se ile sa dira gore a ngomoge pelo fela thata. Mme gone, fa nako e ntse e tsamaya o ile a itumela gape. Bakaulengwe le bokgaitsadi mo phuthegong ya bone ba ile ba mo thusa. Gape go bala Baebele ka metlha go ile ga mo tswela mosola. E re ka a ne a sa kgone go nna fa fatshe gore a kwale makwalo, o ile a tshwanelwa ke go dirisa ditsela tse dingwe tsa go rera. O ile a founela dipoelo tsa gagwe, mme di ile tsa mmolelela ka batho ba bangwe ba ba neng ba kgatlhegela go ithuta Baebele. Go ile ga felela jang? Mo dikgweding di le mmalwa fela, Sara o ile a nna le dithuto di le 70 tsa Baebele. Ba ne ba le bantsi tota mo a neng a sa kgone go ithuta le bone botlhe. Ka jalo, o ile a kopa baboledi ba bangwe mo phuthegong gore ba ithute le bangwe ba bone. Gone jaanong bontsi jwa batho bao ba setse ba simolotse go ya dipokanong. Ga go pelaelo gore baengele ba itumelela go dira le bakaulengwe le bokgaitsadi ba ba jaaka Sara, ba ba dirang sotlhe se ba ka se kgonang mo tirong ya go rera.

BAENGELE BA NO DZIKITADZA

11. Baengele ba no thembeka ba ka dzikitadza chini ne zila i no chenamisa?

¹¹ Baengele ba ba ikanyegang ba re tlhometse sekao se se molemo sa go itshoka. Go fetile dingwaga di le dintsi ba itshoketse tshiamololo le bosula. Ba ile ba bona fa Satane le baengele ba le bantsi ba ba neng ba direla Jehofa mmogo le bone ba mo tlhanogela. (Gen. 3:1; 6:1, 2; Jude 6) Baebele e re bolelela ka moengele mongwe yo o ileng a fetsa malatsi a le mantsi a lwa le ledimona lengwe. (Dan. 10:13) Mo godimo ga moo, fa e sa le go tloga ka nako ya ga Adame le Efa, baengele ba ntse ba bona batho ba le mmalwa fela ba tlhopha go direla Jehofa. Le fa go ntse jalo, baengele bano ba tswelela ba direla Jehofa ba itumetse e bile ba le matlhagatlhaga. Ba a itse gore Jehofa o tla fedisa tshiamololo yotlhe ka nako e e siameng.

12. Ti nga batshiwa neni ku dzikitadza?

¹² Re ka itshoka jang jaaka baengele? Fela jaaka baengele, re ka tswa re bona dilo di sa dirwe sentle kgotsa re ganediwa. Mme jaaka bone, re a itse gore Jehofa o tla fedisa bosula jotlhe ka nako e e siameng. Ka jalo, fela jaaka baengele ba ba ikanyegang, ga re kitla re “lesa go dira se se molemo.” (Bagal. 6:9) Jehofa o re solofetsa gore o tla re thusa go itshoka. (1 Bakor. 10:13) Re ka mo kopa gore a re neye moya o o boitshepo, o o re thusang go nna pelotelele le go itumela. (Bagal. 5:22; Bakol. 1:11) Mme go tweng fa e le gore o a ganediwa? Tshepa Jehofa, mme o se ka wa tshoga. O tla go thusa e bile o tla go naya maatla.​—Baheb. 13:6.

BAENGELE BA NO BATSHA GUBUNGANO KU YENDISA ZWITHU NE FANILO

13. Baengele ba na nshingo upi wa ka shalulika mu mazhuba e bupelo? (Matewu 13:47-49)

¹³ Mo malatsing ano a bofelo, Jehofa o neile baengele tiro nngwe e e kgethegileng. (Bala Mathaio 13:47-49.) Batho ba le bantsi mo lefatsheng lotlhe ba amogela molaetsa wa dikgang tse di molemo. Bangwe ba bone ba dira diphetogo mo botshelong gore ba tshele go ya ka melao ya ga Jehofa le gore ba mo direle ka tsela e a e batlang, mme ba bangwe bone ga ba dire jalo. Ka jalo, baengele ba neilwe tiro ya go “tlhaola batho ba ba bosula mo go ba ba siameng.” Seno se raya gore ba neilwe tiro ya go thusa gore phuthego ya ga Jehofa e nne e le phepa. Mme ga se reye gore mongwe le mongwe yo o tlogetseng go direla Jehofa ga a ka ke a boela mo phuthegong kgotsa gore ga go kitla go nna le ope yo o dirang boleo jo bo masisi. Le fa go ntse jalo, re tlhatswegile pelo gore baengele ba dira ka natla gore phuthego ya ga Jehofa e nne e le phepa.

14-15. Ti nga yedza baengele chini mu khani ye mazwibato a ka fanila mu gubungano (Bona zwitshwantsho.)

¹⁴ Re ka thusa jang gore phuthego ya ga Jehofa e nne e le phepa fela jaaka baengele ba dira? Re tshwanetse go dira ka natla gore botsala jwa rona le Jehofa bo nne bo nonofile. Re ka dira jalo ka go tlhopha ditsala tse di mo ratang le ka go tsamaela kgakala le dilo tse di ka senyang botsala jwa rona le Jehofa. Seo se tla thusa gore phuthego e nne e le phepa. (Pes. 101:3) Gape re ka thusa bakaulengwe le bokgaitsadi gore ba nne ba ikanyega mo go Jehofa. Ka sekai, re tshwanetse go dira eng fa re itse gore mokaulengwe kgotsa kgaitsadi o dirile boleo jo bo masisi? E re ka re mo rata, re tla mo kopa gore a bue le bagolwane. Fa a sa dire jalo, re tla tshwanelwa ke go bolelela bagolwane ka kgang eo. Re batla gore mokaulengwe kgotsa kgaitsadi mongwe le mongwe yo o dirileng boleo jo bo masisi a newe thuso e a e tlhokang.​—Jak. 5:14, 15.

¹⁵ Ka maswabi, bangwe ba ba dirileng maleo a a masisi ba tshwanelwa ke go tlosiwa mo phuthegong. Fa seno se direga, re tshwanetse go ‘tlogela go dirisana’ le bone.d (1 Bakor. 5:9-13) Thulaganyo eno e thusa gore phuthego e nne e le phepa. Tota e bile, fa re tlogela go dirisana le batho ba ba tlositsweng mo phuthegong, re bontsha gore re a ba rata. E re ka re ikobela Jehofa ka go sa dirisane le bone, seo se ka ba thusa go lemoga gore ba tlhoka go boela kwa go Jehofa. Fa ba dira jalo, Jehofa le baengele ba a itumela, mme le rona re a itumela.​—Luke 15:7.

16. U nga tola thambo dzipi ku yedza baengele?

¹⁶ Ruri ke tshiamelo e e seng kana ka sepe go bo Jehofa a re letla gore re ithute ka baengele le go dira mmogo le bone! A re lekeng ka natla go nna le dinonofo tse dintle tse ba nang le tsone e leng boikokobetso, go rata batho, go itshoka le go thusa gore phuthego ya ga Jehofa e nne e le phepa. Fa re etsa baengele ba ba ikanyegang, le rona re tla nna karolo ya lelapa la ga Jehofa go ya go ile.