Ku Dziyidzika Kukulu Ini?

Baibili i no dabila

Ku dziyidzika kukulu kowo thamila bathu mathatha makulu a sathu a ka tongo be po mu buchilo gwe nthu. Ku yenda ne buporofiti gwe Baibili, kowo shingikala “mu mazhuba e bupela,” kene “mu bupelo gwe shango.” (2 Timoti 3:1; Daniele 12:4, New American Bible) Kowo be ku li “ku dziyidzika kukulu kusakatongo bepo kudwila mu kubumbiwa kwe shango nge Ndzimu kuswikila ngwenu akutowopapha kukabe yapo kakale.”​—Mako 13:19; Daniele 12:1; Matewu 24:21, 22.

Zwi nowo shingikala mu chibaka che ku dziyidzika kukulu

• Ku chinyiwa kwe budumili gwe manyepkhwa. Budumili gwe manyepkhwa, gowo chinyiwa chinyolocho. (Zumbunulo 17:1, 5; 18:9, 10, 21) Mibuso ye chipolotiki i no miligwa ne United Nations i nowo shingikadza mazwimisilo e Ndzimu ku thama ichecho.​—Zumbunulo 17:3, 15-18.a

• Ku thasegwa kwe budumili gwe malebeswa. Mibuso ya ka zwishanganya, i no legwa mu buka ye Ezekiele kuyi “Gogo we shango ye Magogi,” i nowo gwisa ku pedzisa bose ba mu budumili gwe malebeswa. Ne kwa ka jalo, Ndzimu u nowo bakilila bathu babe kuti ba si chinyiwe.​—Ezekiele 38:1, 2, 9-12, 18-23.

• Ku athugwa kwe bathu ba mu shango. Jesu u nowo athula bathu bose ba mu shango ne kuti “unowothubukanya bathu se nlisi ethewula pkhwizi mu mbudzi.” (Matewu 25:31-33) Ku athula kukwe kowobe kwa ka linga mu na ba ka be ba na gobe mu ku batsha, ne ku sa batsha, bazwalani ba “Jesu,” ba nowobe be busa naye kudzimu.​—Matewu 25:34-46.

• Ku kubunganyiwa kwe Babusi be Bushe. Bathu ba no thembeka ba ka shalugwa ku no busa na Kirisiti ba nowo widza buchilo gwabo mu shango ne ku musigwa ku no chila kudzimu.​—Matewu 24:31; 1 Bakorinta 15:50-53; 1 Bathesalonika 4:15-17.

• Amagedoni. Iyeyi i “ngwa mu zhuba gulu le Ndzimu Masimbawose” kakale i no dangwa “zhuba la Jehova.” (Zumbunulo 16:14, 16; Izaya 13:9; 2 Pita 3:12) Ba nowobe ba athugwa na Jesu ba nowo chinyiwa. (Zafaniya 1:18; 2 Bathesalonika 1:6-10) Kowo chinyiwa mibuso ye chipolotiki ye shango yose, i no legwa ne kwayo mu Baibili i miligwa ne chibandana chi na misholo i li 7.​—Zumbunulo 19:19-21.

Chi nowo shingikala shule kwe ku dziyidzika kukulu

• Ku bakhwa kwa Satani ne madimoni. Engele nkulu u nowo lashila Satani ne madimoni “mu gomba lakangina kusina tjilizanyo,” li no milila ku nyalala ku nonga kwe nthu wa ka fa. (Zumbunulo 20:1-3) Chimo cha Satani a li mu gomba chi nga fanidzanyiwa ne ku be mu toronko ngono u nowobe a singa khone ku lawula.​—Zumbunulo 20:7.

• Ku tangisa kwe makole a li 1 000. Bushe gwe Ndzimu gowo tangisa ku busa kwe makole a li 1 000, ku nowo zhisila bathu zwithu zwa ka naka. (Zumbunulo 5:9, 10; 20:4, 6) “Mbunga nkulu u” sina palo “u nowo dusiwa mu ku dziyidzika kukulu,” kuti ba bone ku tangisa kwe makole a li 1 000.​—Zumbunulo 7:9, 14; Pisalema 37:9-11.