Ndo Shaka ku Zwibulaya—A Baibili i Nga Ndi Batsha ha Ndi na Nkumbulo we ku Zwibulaya?
Baibili i no Dabila
Ee! Baibili i no dwa ku “Ndzimu, iwo unonyaladza bakanyala mikumbulo.” (2 Bakorinta 7:6) Nenguba Baibili i si buka i no diya ne kwe mikumbulo ye bathu, ya ka batsha banjinji ku gwisana ne mikumbulo ye ku zwibulaya. Batsho yayo i nga ku batsha nawebo.
A Baibili i no leba ne kwe bathu ba ka be be shaka ku zwibulaya?
I ndimmana dzipi dze Baibili dzi nga ku batsha kuti u si be ne mikumbulo ye ku zwibulaya?
Baibili i no batsha chini?
● Dusa mazwiwo awo.
Chi no legwa ne Baibili: “Nzwalani unoda muzwibaka zose, ne nkololo wa tate wakazwaligwa nsi usakanaka.”—Zwiani 17:17.
Ko dwa kuti: To sheta batsho ye bangwe ha ti na mathatha.
Ha u singa duse mazwiwo awo, u nga be ne ntolo u no ku lemela. Ngono ha u budza bangwe mathatha awo, u nga tapudza ntolo we ku lemegwa ne mathatha u be u linga zwithu ne zila ya ka fanila.
Thama chingwe: Lebeleka ne ngwe chinyolocho, i nga be we nsha kene nkhwinya u no thembeka.a U nga kwala chi mu nkumbulo uwo.
● Shaka batsho ye ng’anga ye bathu.
Chi no legwa ne Baibili: “Ate bathu banomuka zubuyanana banoshaka ng’anga koga bagwele ndibo banoshaka ng’anga.”—Matewu 9:12.
Ko dwa kuti: Ta ka fanila bona nganga ha ti gwala.
Mikumbulo ye ku zwibulaya i nga dwa i lakidza kuti nthu u na bugwele gwe ku shangana nsholo kene gwe mazwiwo. Se bugwele gungwe ne gungwe, ha te chingwe cha ka fanila batisa nthu shoni. Bugwele gwe ku shangana nsholo ne gwe mazwiwo gu nga lapiwa.
Thama chingwe: Bona nganga ya ka diyigwa bugwele igogu chinyolocho.
● Ziba kuti Ndzimu u no ku da.
Chi no legwa ne Baibili: “Apa zhazho shanu adzitotengesiwa nge mapeni mabili kene? Koga akuna ne ing’ompela yadzo inokanganika mbeli kwe Ndzimu. . . . Ndizo musitje; ngobe themba yenyu inopinda themba ye zhazho njinji.”—Luka 12:6, 7.
Ko dwa kuti: Ndzimu u no ko tolela pezhugwi.
U nga kumbula kuti u woga, ngono Ndzimu u no bona chi no ku shingikalila. U no ku da—nenguba u singa cha de buchilo. “Tjibayilo tjinoamutjilika ku Ndzimu, i meya ya ka hwa zogwadza ,amungaulingile pasi” ku yeda na Pisalema 51:17. Ndzimu u no shaka u chila ne kuti u no ku da.
Thama chingwe: Bona busupi gu mu Baibili gwe kuti Ndzimu u no ku da. Ha ti lakidzila, bona thuto 24 ye buka i no yi Atamalana le Jehofa.
● Tembezela Ndzimu.
Chi no legwa ne Baibili: “Isani zose zwinomudziyidza ku [Ndzimu], nge kuti ndiwo unomuchengeta.”—1 Pita 5:7.
Ko dwa kuti: Ndzimu u no shaka kuti u mbudze chingwe ne chingwe chi no ku dziyidza mu nkumbulo.
Ndzimu u nga thama kuti u be ne mbakiso ne masimba e kuti u dwilile ne buchilo. (Bafilipi 4:6, 7, 13) Ne zila ya ka jalo, u no batsha bose ba no ndana ne malebeswa.—Pisalema 55:22.
Thama chingwe: Tembezela Ndzimu. Shingisa zina lile, Jehova, u mbudze mazwiwo awo. (Pisalema 83:18) U nkumbile kuti a ku batshe ku dwilila ne buchilo.
● Kumbula ne kwe chi no thembisiswa ne Baibili mu mazhuba a no zha.
Chi no legwa ne Baibili: “Tina kugalabgwe ikoku se midzi ye butjilo gwedu.”—Bahebera 6:19.
Ko dwa kuti: Mazwiwo awo a ngana ka yenda pasi na pezhugwi se ikepe cha ka lingisana ne mabundo e gungwa, ngono chi no thembisiwa ne Baibili chinga ku tebamisa mazwiwo.
Thembiso iyeyo a te ku yemula kwe nkumbulo koga ngono ya ka teiwa mo thembiso ye Ndzimu ye kuti u no pedzisa magwadzi wose.—Zumbunulo 21:4.
Leka yechi: Zwidiye ku-njinji ne kwe thembiso ye Baibili mo nsholo u noti “A Real Hope for a Better Tomorrow.”
● Thama chingwe chi no ku shathisa.
Chi no legwa ne Baibili: “Moyo wakashatha nti unopodza.”—Zwiani 17:22.
Ko dwa kuti: A ti thama zwithu zwi no ti shathisa, ichecho chi nga na chi ka ti batsha kuti ti kumbule zwibuyanana ne ku tebama mazwiwo.
Leka yechi: Thama chingwe chi no ku shathisa ka-njinji. A ti lakidzila, teedza lumbo gu no ku shathisa, bala chingwe chi no ku kgothatsa, kene chingwe cha u no da. Kakale u nga paphidza ku shatha kuko ha u thusa bangwe, ne ili chitukununu.—Mishingo 20:35.
● Thokomela mamuko awo.
Chi no legwa ne Baibili: “Kusimisa mbili kwakalulwama.”—1 Timoti 4:8.
Ko dwa kuti: To batshiwa ne kusimisa mbili, ku yezela nako ya ka lizanila, ne ku ja zojiwa zwi no baka mbili.
Leka yechi: Ku yenda u kabula, ne ingabe 15 minutes koga.
● Kumbula kuti mazwiwo ne zwingwe zwithu mu buchilo zo shanduka.
Chi no legwa ne Baibili: ‘Ha mutoziba kuti kowobe kuli chani mangwana.’—Jakuba 4:14.
Ko dwa kuti: Mathatha a no tshwenya—dumbu ne a ka lingika e ku pinda—a ngana a ka pela mu chibaka chi no zha.
Ne ku nga lingika chimo cha ka sima kungapani nasi, chi nga Shanduka mangwana. Ndizo shaka zila dza u nga shingidzanya ne chimo ichecho. (2 Bakorinta 4:8) Mathatha awo a ngana a ka pela shule kwe chibaka, ngono a u nga khone ku thamunula ku zwibulaya.
Leka yechi: Bala mbiko ye Baibili ye bathu ba ka be bi shaka ku zwibulaya, ngono u bone se kwa machilo abo a ka shanduka ka be butuka—kanjinji ne zila ya ba ka basaka lingilila. Bona zwilakidzilo zwingwe.
A Baibili i no leba ne kwe bathu ba ka be shaka ku zwibulaya?
Ee. Baibili I no ti budza ne kwe bangwe ba ka leba beti, “Ndo shaka ku fa.” Ndzimu hazo ba tinegela, ngono wa ka ba thusa. Nawebo u nga ku thusa.
Elija
● Ya kabe ali yani? Elija wa ka ali mporofiti u na chibindi. Ngono a ku to dwa kuti waka a singa nyale moyo. Jakube 5:17 i kati “Elija wa ka be a li nthu u no nga iswi”.
● Ini a ka be e shaka ku fa? Mu chibaka chingwe, Elija wa ka zwiwa a li ega, e cha, kakale a si nthu wa chingwe. Ngono wa ka kumbila Jehova e ti: ‘Jehova pedzisani buchilo gangu.’—1 Boshe 19:4.
● Ini cha ka nthusa? Elija wa ka budza Ndzimu mazwiwo awe. Ndzimu wa ka nkgothatsa chini? Ndimu wa ka nlakidza kuti u no amika ne kukwe ngono ka nlakidza masimba awer. Kakale wa thembisa Elija kuti u bothokwa ne ku mpa mbatshi u no nkgategela u na bukhoni.
▸ Bala ne kwa Elija: 1 Boshe 19:2-18.
Jobe
● Ya kabe ali yani? Jobe ya ka be ili nlume we nsha wa ka fuma wa ka be i namata Ndzimu ne malebeswa.
● Ini a ka be e shaka ku fa? Buchilo gwa Jobe gwa ka chencha ne zila I no chenamisa. Wa ka lashikigwa ne fungwa iye yose. Bana babe bose ba ka bolawa ne ngozi. Wa ka ngingwa ne bugwele gwa ka bipa. Ngono gwe bupelo, wa ka lebegwa manyekhwa e kuti ndiye u no zwi hisila mathatha. Jobe wakati: ‘Ndo shima buchilo gwangu; a ndi cha shaka ku dwilila ndi chila.’—Jobe 7:16.
● Ini cha ka nthusa? Jobe wa ka tembezela Ndzimu ka lebeleka ne bangwe. (Jobe 10:1-3) Wa ka kgothatsiwa ne nkhwinya u na ngoni, Elihu, wa ka mbatsha kuti a linge chimo chiche ne zila ya ka lulwama. Ngono ku pinda zose Jobe wa ka duma ku kumbuludziwa ne batshiwa ne Ndzimu.
▸ Bala ne kwa Jobe: Jobe 1:1-3, 13-22; 2:7; 3:1-13; 36:1-7; 38:1-3; 42:1, 2, 10-13.
Mozisi
● Ya kabe ali yani? Mozisi wa ka be ali ntungamili we ichaba che Iziraela ntolo kakale a li mporofiti u no thembeka.
● Ini a ka be e shaka ku fa? Mozisi a ka be a na nshingo uno lema, wa ka be e gala e nyanyayidziwa, ngono ka pelela a nyala kwazo. Ndizo ka lilila ku Ndzimu e ti: “mundibulaye sangwenu.”—Palo 11:11, 15.
● Ini cha ka nthusa? Mozisi wa ka budza Ndzimu mazwiwo awe. Ndzimu wa ka thusa Mozisi ku tapudza nshingo uwe kuti usi tongo nlemela.
▸ Bala ne kwa Mozisi: Palo 11:4-6, 10-17.
a Ha i li kuti wa chi pedza nkumbulo ne kwe ku zwibulaya ngono u li woga, lidzila ku dzinambara dze ba no pa batsho ye zwimo zwa ka sima.