Meya A Dzi zo Tongo Tjila Dzi be dzi Fa mu Shango
Meya dzi yapo! Mu bugalo gwe meya gu singa boneke, ku na meya dza ka lulama ne mbi. Apa idzo bathu ba ka tongo tjila bi ko fa mu shango?
A, a te ibo. Ha nthu e fa, ha a to pindila ku shango ye meya, se kwe bunji gwe bathu be kumbula. To ziba etji tjini? Ngobe Baibili i ka jalo. Baibili i buka ye lebeswa li no dwa mu Ndzimuoga we lebeswa, we zina li noyiJehova. Jehova wa ka bumbabathu; u no ziba zwibuyanana tji no bashingikalila ha be fa.—Pisalema 83:18; 2 Timoti 3:16.
Adamu wa ka dwa mu wuluba, ka bgwilila mu wuluba
Baibili i ka ti Ndzimu wa ka thama Adamu, nlume we ku tanga, “ku dwa mu wuluba ye mavu.” (Genesisi 2:7) Ndzimu u ka mbiga mu Paradaisi, n’ndana we Edeni. Ha Adamu a nga be a ka teedza nlayo wa Jehova, u nga be a sa ka fa; u nga be a tja tjila mu shango na nasi. Ngono ya ka ti Adamu e vuna nlayo we Ndzimu ka m̄waza, Ndzimu ka ndwa ka ti: “U [nowo] bgwilila mu mavu, ngobe wa ka dusiwa mu wali. Ngobe u wuluba, u nowo bgwilila mu wuluba.”—Genesisi 3:19.
Etji tjo dwa ni? Adamu wa ka be a li ngayi Jehova a sa thu ka mbumba ku dwa mu wuluba? Wa ka be a sina kwa a woko. Wa ka be a si meya dzi sa ka zwagwa ku dzimu. Wa ka be a singa tjile. Ha Jehova e leba ku ti Adamu “u nowo bgwilila mu mavu,” wa ka be e dwa ku ti Adamu u nowo fa. Ha a zo tjulukila ku bugalo gwe meya. Pa lufu, Adamu wa ka be u sina butjilo kakale, ku sa tjila. Lufu busipo gwe butjilo.
Ngono ku nga hi m̄wi nge kwe bam̄we ba ka fa? Apa na ibo ha ba to tjila? Baibili i no dabila:
“Bose [bathu ne phuka] ba no yenda pathu pa n̄ompela. Bose ba ka dwa mu wuluba, ngono ba no bgwilila bose mu wuluba.”—Nreri 3:20.
“Bafi . . . a ku na tja ba no ziba.”—Nreri 9:5.
“Ludo gwa bo ne libengo gwa bo ne fupa la bo kwa tji pela.”—Nreri 9:6.
“A kuna nshingo kene mano kene luzibo kene butjenjedu mu Sheol [ikumbu], bugalo gwa u no yenda ku guli.”—Nreri 9:10.
“[Nthu] u no bgwilila mu mavu awe; mu zhuba i lelo mikumbulo iye i no pela.”—Pisalema 146:4.
Batjili ndi bo ba nga yeta Zwithu i zwezwi
Apa u no wana hwalo i dzedzi dza ka sima ku amutjigwa? Ha kwa ka jalo, kumbula etji: Mu misha minji, nlume u no amutjila mari ku batsha nsha uwe. Ha nlume e fa, nsha uwe kanji u no sala u dziila. Gum̄we lubaka nkadzi ne bana ba be a ba to be ne mari dza ka lizana ku tenga zojiwa. Zwita zwi zwe zwi nga na zwi ka ba khataza. Ngwenu u zwi buzwe: “Ha nlume i woyu e tjila mu shango ye meya, i ni a singa dwilile e shingila be nsha u we? I ni a singa vikilile be nsha u we mu bathu babibi?” Ngobe hwalo dzo lebesa. Nlume i woyu ha a na butjilo, ha a tja khona thama tjim̄we.—Pisalema 115:17.
Bafi ha ba nga batshe ba mu zhala kene vikilila bathu ba no khataziwa
Apa o ku ko dwa ku ti bafi ha ba nga tja bgwilile mu butjilo kakale? A, a ku to dwa jalo. To wo leba nge kwe ku muka kwe bafi shule. Ngono ko dwa ku ti bathu ba ka fa ha ba to ziba tja u no thama. Ha ba nga ku bone, ku ku hwa, kene lebeleka na we. Ha u to sheta ku ba tja. Ha ba nga ku batshe, kakale ha ba nga ku kubadze.—Nreri 9:4; Izaya 26:14.