Lufu Gwa Jesu Go Dwa Ni Mu Tili?

Jesu wa ka fa kuti ti bone butjilo. Johani 3:16

Shule kwe mazhuba matatu Jesu a sino fa, bakadzi bamwe ba ka kumba ikumbu tjitje ba ka wana tji li mwadzi. Jehova wa ka be a musa Jesu mu bafi.

Shule Jesu ka boneka mu baposetoloi ba be.

Ee, Jehova wa ka musila Jesu ku be tjibumbiwa tje meya tji na masimba tji si nga fe. Balanda ba Jesu baka mbona e enda kudzimu.

Ndzimu waka musa Jesu ka nthama She we Bushe gwe Ndzimu. Daniele 7:13, 14

Jesu wa ka dusa butjilo gu gwe ku lipa tjilipililo tje bathu. (Matu 20:28) Nge tjilipililo itjetji Ndzimu wa ka thama kuti ku kwanisike ku tjilila tjose.

Jehova wa ka biga Jesu She kuti a buse pezhugwi kwe shango. U nowo be a na bathu ba no thembeka ba li 144 000 ba ka musiwa mu shango kuti ba tjile ku dzimu. Jesu ne ba li 144 000 ba nowo bumba mbuso we ku dzimu wa ka lulama—Bushe Gwe Ndzimu.—Bonyololo 14:1-3.

Bushe gwe Ndzimu gowo thama shango paradaisi. Nnghwa, bugebenga, bushai, ne bamba zowo be zwi sipo. Bathu ba nowo shatha nge malebeswa.—Pisalema 145:16.