Zila Ndi Ipi ye Butjilo Gwe Nsha gu no Shathisa?

TJI NO LEBGWA NE BAIBILI

“Kwa ka shatha ba no hwa dama le Ndzimu ba ka li londolodza!”​—Luke 11:28, New World Translation.

TJA KU NGA DWA MU KULI

Ku hwana ludo ntja.​—Baefeso 5:28, 29.

Ku zipigwa ne hlonipho dumbu.​—Baefeso 5:33.

Ku be ne mbakililo ye lebeswa.​—Mako 10:6-9.

TI NGA DUMA DUMBU TJI NO LEBGWA NE BAIBILI?

Ee, ku na mabaka mabili:

• Ndzimu i Ntangisi we butjilo. Baibili i kati “nsha umwe ne umwe . . . u no dangwa nge zina la” Jehova Ndzimu. (Baefeso 3:14, 15) Ne matama mamwe, mbako we nsha wa ka be po ngobe Ndzimu a ka u bumba. Ini nkumbulo iwoyu wa ka tungamidziwa?

  Alakana: Ha u zipigwa ne zojiwa u bo u shaka ziba kuti zwa ka bikwa ne mizipo ipi, u nga buzwa ani? Nthu wa ka zwi bika.

  Ne zila ya ka jalo, ku ziba mizipo ye butjilo gwe nsha gu no shathisa, ta ka fanila linga ku na Jehova, Ntangisi we nsha.​—Genesisi 2:18-24.

• Ndzimu u no khathazeka nge kuko. Misha ya ka tjenjelela i no shaka butungamili gwa Jehova, gwa a no koba ne Dama li le. Ku tini? “Ngoti u no khathazeka nge kuko.” (1 Pita 5:6, 7) Jehova u no lingilila zwa u no shaka ntja​—ne tjemela kukwe ko shinga misiyose!​—Zwiani 3:5, 6; Isaya 48:17, 18.