Ku Ngongola Kowo Pela Kene?

TJI NO LEBGWA NE BAIBILI

“Ndzimu . . .u nowo bukusha mishodzi yose mu mesho abo, ha ku tjo wobe ne lufu, ku ngongola, tjililo kene tjibhayo.”—Zumbunulo 21:3, 4, Contemporary English Version.

TJA KU NGA DWA MU KULI

Galabgwe kuti Ndzimu ha a to yhama mathatha a ti nawo.—Jakubo 1:13.

Adzikana mu ku ziba kuti Ndzimu u no ti hwila ngoni ha ti ngongola.—Zakariya 2:8.

Galabgwe kuti ku ngongola kose kowo pela.—Njimbo 37:9-11.

TI NGA DUMA DUMBU TJI NO LEBGWA NE BAIBILI?

Ee, ta ka linga mabaka mabili:

• Ndzimu wa ka benga ku ngongola ne sa lulama. Alakana kuti Jehova Ndzimu wa ka zwihwa tjini ha bathu ba be mu tjibaka tje Baibili be shumbisiwa. Baibili i kati wa ka hwa zogwadza nge ntata ya ibaba “ba ka be be ba kahikanya.”—Baathuli 2:18, New World Translation.

  Ndzimu u na mazwiwo a ka sima mu na ba no kubadza bamwe. Sa ikoko, Baibili i ka ti “maboko a no tebula malopa a sina nlandu” a no nnghwadza.—Zwiani 6:16, 17.

• Ndzimu u no khathazeka ne kwedu nthu ne bukukwe. Nthu ha te iye koga u no ziba “ku ngongola ku kwe ne zwibhayo zwi zwe,” na Jehova u no zwi ziba!—2 Dzishingikalo 6:29, 30.

  Ne Bushe gu gwe, Jehova u no dwa e pedzisa ku ngongola kwe nthu mmwe ne mmwe. (Matewu 6:9, 10) E be e nyaladza ba no nshaka ne lebeswa.—Mishingo 17:27; 2 Bakorinta 1:3, 4.