Bushe Gwe Ndzimu Ini?

TJl NO LEBGWA NE BAIBILI

“Ndzimu we kudzimu u nowo thama bushe gu singa ke gu ka tjinyiwa.”​—Daniele 2:44, New World Translation.

“Mwana we tjilume ta ka mpiwa; ngono mbuso u nowo be mu mathudzi a we.”​—lsaya 9:6.

TJA KU NGA DWA MU KULI

• Mbuso wa ka yengemala u nowo ku lulamila iwe.​—lsaya 48:17, 18.

• Mu shango ptshwa i no zha, butjilo gwe mamuko a ka pelela ne kushatha.​—Zumbunulo 21:3, 4.

Tl NGA DUMA BAIBILI TJA INO LEBA KENE?

Ee, ta ka linga mabaka mabili:

• Jesu wa ka lakidza tji nowo kwanisiwa ne Bushe gwe Ndzimmu. Jesu wa ka diya batobeli ba be ku tembezelila kuti Bushe gwe Ndzimu gu zhe ne ku da kwe Ndzimu kuti ku shingwe mu shango. (Matewu 6:9, 10) Jesu wa ka lakidza kuti ntemzelo i wo yu u nowo dabigwa tjini.

  Wa ka ti ali mu shango, Jesu wa ka jisa ba na zhala, podza bagwele ne bgwiliza butjilo mu bafi! (Matewu 15:29-38; Johani 11:38-44) Ali Mbusi we Bushe gwe Ndzimu, Jesu u no lakidza tjifano tja ka naka tje kuti Bushe igogu gowo shingilani babusiwi ba go.​—Zumbunulo 11:15.

• Tjimo tje shango tjo lakidza kuti Bushe gwe Ndzimu go dwa gu swika. Jesu wa ka lebela mbeli kuti kowo ti Bushe gu sathu gu ka zhisa dothodzo mu shango, shango yedu i nowo wigwa ne dzinghwa, mipalo ne tetema kwe shango.​—Matewu 24:3, 7.

  To bona tjimo tja ka jalo sa ngwenu. Ti nga gala bgwe kuti Bushe gwe Ndzimu go dwa gu pedzisa tjimo tja ka jalo.