Themba “Nsumikilisi we Shango yose” U na Mahwilangoni!

1. Jehova wa ka diyani Aburahama cha ka be chi nnyaladza?

MO DINGWAGENG tse dintsi tse di fetileng, Jehofa o ile a dirisa moengele go bolelela Aborahame gore o ne a tlile go senya metse ya Sodoma le Gomora. Le fa Aborahame a ne a ikanyega mo go Jehofa, go ne go le thata gore a tlhaloganye se Jehofa a neng a ikaeletse go se dira. O ile a mmotsa jaana: “A ruri o tla nyeletsa basiami le batho ba ba bosula? . . . A Moatlhodi wa lefatshe lotlhe a ka se dire se se siameng?” (Gen. 18:23-33) Jehofa o ile a thusa tsala eno ya gagwe go tlhaloganya gore ga a kitla a fedisa batho ba ba siameng. Le rona kgang eno e a re gomotsa e bile e re tswela mosola.

2. Ini ti nga themba kuti dzikathulo dza Jehova dza ka lulwama kakale dzi na mahwilangoni?

² Goreng re ka tlhatswega pelo gore ka metlha Jehofa o atlhola ka tsela e e siameng e bile o kutlwelobotlhoko? Ka gonne re a itse gore ‘Jehofa o bona se se mo dipelong’ tsa batho. (1 Sam. 16:7) Tota e bile, o itse “pelo ya motho mongwe le mongwe ka botlalo.” (1 Dikg. 8:39; 1 Ditir. 28:9) Joo ke boammaaruri jo bo se nang bana ba phefo. Ga go na ope yo o botlhale go gaisa Jehofa! Ka jalo, ga se ka metlha re ka kgonang go tlhaloganya ditshwetso tse a di dirang. Moaposetoloi Paulo o ile a bua jaana ka Jehofa: “Ruri ga re kitla re itse dikatlholo tsa gagwe ka botlalo!”​—Bar. 11:33.

3-4. Ti nga chenamisiwa neni mu zwibaka zwingwe, ngono towo zwidiyani mu chidiyo ichechi? (Johani 5:28, 29)

³ Le fa gone re itse gore ka metlha Jehofa o dira se se siameng, re ka nna ra ipotsa dipotso tse di tshwanang le tse Aborahame a ileng a ipotsa tsone. Re ka ipotsa go re: “A batho ba Jehofa a ileng a ba fedisa, jaaka ba kwa Sodoma le Gomora, ba tla tshela gape? A Modimo o tlile go tsosa bangwe ba bone fa a tsosa batho ‘ba ba sa siamang mo baswing’?”​—Dit. 24:15.

⁴ A re ikgopotseng se re setseng re se itse ka tsogo ya baswi. Bosheng jaana re ile ra thusiwa go tlhaloganya botoka gore ‘go tsosediwa go amogela botshelo’ le go ‘tsosediwa go atlholwa’ go kaya eng.a (Bala Johane 5:28, 29.) Seno se dirile gore go nne le diphetogo tse dingwe tse re tla tlotlang ka tsone mo setlhogong seno le se se latelang. Mme pele re dira jalo, re tla sekaseka gore ke eng se re sa se itseng le se re se itseng ka tsela e Jehofa a atlholang ka yone.

CHA TI SINGA ZIBE

5. Tshambiso dzedu mu zwibaka zwa ka pinda dza ka be dzi lebani ne kwe bathu ba ka chinyiwa ku Sodoma ne Gomora?

⁵ Mo nakong e e fetileng, re ile ra tlhalosa se se ileng sa diragalela batho ba Jehofa a ba tsayang e le batho ba ba sa siamang. Ka sekai, re ile ra re batho ba Jehofa a ileng a ba fedisa kwa Sodoma le Gomora ga ba kitla ba tsosiwa. Mme fa re sena go dira dipatlisiso le go rapela ka kgang eno, re ile ra lemoga gore ga re na bosupi jwa seo. Goreng re rialo?

6. Dzikathulo dza Jehova mu bathu ba sa ka lulwama ya ka be i li dzipi, ngono ini cha ti singa zibe?

⁶ Go na le dipego di le dintsi mo Baebeleng tse di re bolelelang gore Jehofa o ile a fedisa batho ba ba sa siamang. Ka sekai, o ile a fedisa batho ba motlha wa ga Noa ka Morwalela, mme a sireletsa Noa le ba lelapa la gagwe. Gape o ile a dirisa Baiseraele go fedisa ditšhaba tse supa tsa batho ba ba neng ba nna kwa Lefatsheng le le Solofeditsweng. Mo godimo ga moo, o ile a dirisa moengele go bolaya masole a Baasiria a le 185 000 mo bosigong bo le bongwe. (Gen. 7:23; Dute. 7:1-3; Isa. 37:36, 37) Mo makgetlong ano otlhe, a Baebele e re bolelela gore Jehofa o dirile tshwetso ya gore ga a kitla a tsosa batho bao? Nnyaa. Goreng re rialo?

7. Ini cha ti singa zibe ne kwe bathu ba ka chinyiwa mu chibaka che Nkubila kene mu ku kundiwa kwe Kanana? (Bona itshwantsho chi mu khavara.)

⁷ Ga re itse gore a Jehofa o ne a tsaya mongwe le mongwe yo re tlotlileng ka ene a siame kgotsa a sa siama, e bile ga re itse gore a batho bao ba ile ba nna le tshono ya go ithuta ka Jehofa le go ikwatlhaya. Baebele e a re Noa e ne e le “moreri wa tshiamo” ka motlha wa Morwalela. (2 Pet. 2:5) Le fa go ntse jalo, ga e re bolelele gore fa a ntse a aga araka, a o ile a kgona go rerela batho botlhe mo lefatsheng. Gape ga re itse gore a batho ba ba bosula ba ba neng ba nna kwa lefatsheng la Kanana ba ile ba nna le tshono ya go ithuta ka Jehofa le go tlogela mekgwa e e sa siamang.

8. Ini cha ti singa zibe ne kwe bathu be Sodoma ne Gomora?

⁸ Mme go tweng ka batho ba kwa Sodoma le Gomora ba Jehofa a ileng a ba fedisa? Monna yo o siameng e bong Lote o ne a nna koo, mme ga re itse gore a o ile a kgona go ba rerela botlhe. Ke boammaaruri gore ba ne ba le bosula, mme ga re itse gore a ba ne ba itse pharologanyo fa gare ga se se siameng le se se sa siamang. Gopola gore Baebele e a re banna ba kwa motseng oo, ba ne ba batla go betelela baengele ba ba neng ba etetse Lote. Gape e a re banna bao ba ne ba “simolola ka mosimane go fitlha ka monnamogolo.” (Gen. 19:4; 2 Pet. 2:7) A Modimo yo o kutlwelobotlhoko ga a kitla a tsosa batho bao? Nnete ke gore ga re itse. Jehofa o ile a netefaletsa Aborahame gore go ne go se na le fa e ka nna batho ba le lesome ba ba siameng mo motseng oo. (Gen. 18:32) Ka jalo, batho bao ba ne ba sa siama e bile Jehofa o ne a se phoso go ba fedisa. Mme gone, a re ka bua re sa kgale mathe ganong gore Jehofa ga a kitla a tsosa ope wa bone fa a tsosa batho “ba ba sa siamang”? Nnyaa, ga re na bosupi jwa seo.

9. Ini cha ti singa zibe ne kwa Solomoni?

⁹ Gape Baebele e re bolelela ka batho ba ba siameng ba ba ileng ba simolola go dira dilo tse di sa siamang. Kgosi Solomone ke mongwe wa bone. O ne a itse Jehofa le gore o tshwanetse go mo obamela jang e bile Jehofa o ne a mo segofatsa. Le fa go ntse jalo, fa nako e ntse e tsamaya, o ile a simolola go direla medimo ya maaka. Seo se ile sa galefisa Jehofa, e bile se ile sa tsenya Baiseraele mo mathateng ka dingwaga di le dintsi. Ke boammaaruri gore Baebele e a re Solomone o ne a fitlhwa jaaka borraagwemogolo, e bile e bua se se tshwanang ka banna ba bangwe ba ba ikanyegang ba ba jaaka Kgosi Dafide. (1 Dikg. 11:5-9, 43; 2 Dikg. 23:13) Mme gone, a tsela e a ileng a fitlhwa ka yone e bontsha gore o tlile go tsosiwa? Baebele ga e bue sepe ka kgang eno. Batho bangwe ba ka nna ba re motho “yo o suleng o itshwaretswe boleo jwa gagwe.” (Bar. 6:7) Le fa go ntse jalo, seo ga re reye gore batho botlhe ba ba suleng ba tla tsosiwa, e bile ga se reye gore fa motho a sule o na le tshwanelo ya go boa a tshela gape. Tsogo ya baswi ke mpho e e tswang kwa go Jehofa, e bile o e naya botlhe ba ba batlang go mo direla go ya go ile. (Jobe 14:13, 14; Joh. 6:44) A Jehofa o tla naya Solomone mpho eo? Ga re itse, Jehofa ke ene a itseng. Se rona re se itseng ke gore Jehofa o tla dira se se siameng.

CHA TI NO ZIBA

10. Jehova U no zwihwa chini ne kwe ku chinya bathu? (Ezekiele 33:11) (Bona itshwantsho.)

¹⁰ Bala Esekiele 33:11. Jehofa o re bolelela gore o ikutlwa jang ka go atlhola batho. Moaposetoloi Petere o ile a bua sengwe se se tshwanang le se moporofeti Esekiele a ileng a se bua. O ile a re: “Jehofa . . . ga a eletse gore motho ope a senngwe.” (2 Pet. 3:9) Mafoko ano a a re kgothatsa. Re a itse gore Jehofa a ka se ka a fedisa batho go se na mabaka a a utlwalang. O kutlwelobotlhoko e bile o re bontsha nonofo eno fa go tlhokega.

11. Ndi boyani ba singowo musiwa, ngono to ziba ichecho chini?

¹¹ Ke eng se re se itseng ka batho ba ba se kitlang ba tsosiwa? Baebele e bua ka ba le mmalwa fela.b E re bolelela gore Jesu o ile a re Judase Isekariota ga a kitla a tsosiwa, ka gonne o ne a itse gore Jehofa le Jesu ba ne ba ikutlwa jang ka se a neng a se dira, mme o ile a se dira. (Mar. 14:21; Joh. 17:12; w07 7/15 ts. 18.)c Gape Jesu o ile a re bangwe ba baeteledipele ba bodumedi ba ba neng ba le kgatlhanong le ene, ga ba kitla ba tsosiwa. (Math. 23:33) Moaposetoloi Paulo le ene o ne a re batlhanogi ba ba sa ikwatlhayeng ga ba kitla ba tsosiwa.​—Baheb. 6:4-8; 10:29.

12. Ini cha ti no ziba ne kwe mahwilangoni a Jehova? Lakidzila.

¹² Mo dirapeng tse di fetileng, re bone gore Jehofa o kutlwelobotlhoko le gore “ga a eletse gore motho ope a senngwe.” O ile a dira eng go bontsha batho ba ba dirileng maleo a a masisi gore o ba utlwela botlhoko? Kgosi Dafide o ile a dira boaka a bo a bolaya motho. Ao e ne e le maleo a a masisi tota. Le fa go ntse jalo, Dafide o ile a ikwatlhaya, mme Jehofa o ile a mo itshwarela. (2 Sam. 12:1-13) Kgosi Manase o ile a fetsa dingwaga di le dintsi a dira dilo tse di bosula. Mme gone, Jehofa o ile a mo utlwela botlhoko a bo a mo itshwarela ka gonne a ne a ikwatlhaya. (2 Ditir. 33:9-16) Dikai tseno di re bontsha gore Jehofa o re utlwela botlhoko fa go na le lebaka la gore a dire jalo. O tlile go tsosa batho ba re tlotlileng ka bone ka gonne ba ile ba lemoga gore ba dirile maleo a a masisi ba bo ba ikwatlhaya.

13. (a) Ini Jehova A ka lakidza bathu be Ninive mahwilangoni? (b) Jesu wa ka lebani shulenyana ne kwe bathu be Ninive?

¹³ Gape Jehofa o ile a utlwela Baninife botlhoko. O ile a raya Jona a re: “Ke bone bosula jwa bone.” Mme gone, fa Baninife ba ikwatlhaya, Jehofa o ile a ba itshwarela. Jehofa o ile a bontsha gore o kutlwelobotlhoko tota, mme Jona ene o ne a sa nna jalo ka gonne o ile a galefa. Ka jalo, Jehofa o ile a gopotsa Jona gore Baninife bao ba ne ba sa itse “pharologanyo fa gare ga se se siameng le se se sa siamang.” (Jona 1:1, 2; 3:10; 4:9-11) Moragonyana, Jesu o ile a dirisa sekai seo go bontsha gore Jehofa o tshiamiso e bile o kutlwelobotlhoko. O ile a re Baninife ba ne ba tla ‘ema mo katlholong.’​—Math. 12:41.

14. Ku “musiwa kwe bafi kwe kathulo” ko wobe ku dwani mu bathu be Ninive?

¹⁴ Fa Jesu a ne a re Baninife ba tla ‘ema mo katlholong,’ o ne a raya jang? Se lebale gore o ne a re batho bangwe ba ne ba “tla tsosediwa gore ba atlholwe.” (Joh. 5:29) Ka jalo, o ne a raya gore fa a tla bo a busa mo Pusong ya Dingwaga Tse di Sekete, “batho ba ba siameng le ba ba sa siamang” ba tla tsosiwa. (Dit. 24:15) Batho ba ba sa siamang ba tla “tsosediwa gore ba atlholwe.” Seo se raya gore fa batho bao ba tsosiwa, Jehofa le Jesu ba tla ba sekaseka go bona gore a ba dirisa dilo tse ba di ithutileng. Fa e le gore Moninife mongwe yo o tsositsweng o gana go direla Jehofa, Jehofa ga a kitla a mo letla gore a tswelele a tshela. (Isa. 65:20) Botlhe ba ba tlhophang go direla Jehofa ka boikanyegi, ba tla nna le tshono ya go tshelela ruri.​—Dan. 12:2.

15. (a) Ini ti sa ka fanila kumbula kuti ha kuna u nga musiwa mu bathu ba ka chinyiwa ku Sodoma ne Gomora? (b) Ta ka fanila hwisisa matama a ka kwagwa mu na Juta 7 chini? (Bona box li noti “Jude O ne A Kaya Eng?”)

¹⁵ Fa Jesu a ne a bua ka batho ba Sodoma le Gomora, o ile a re dilo di tla ba tsamaela sentle ka “Letsatsi la Katlholo” go na le batho ba ba neng ba sa mo reetse le ba ba neng ba sa batle go utlwa sepe ka se a neng a se ruta. (Math. 10:14, 15; 11:23, 24; Luke 10:12) O ne a raya jang? A Jesu o ne a feteletsa dilo go bontsha gore batho ba motlha wa gagwe ba ne ba le bosula go gaisa batho ba kwa Sodoma le Gomora? Nnyaa, o ne a sa feteletse dilo. Gopola gore fa a ne a re Baninife ba tla ‘ema mo katlholong,’ o ne a bua ka sengwe se se neng se tla direga. Ka jalo, “Letsatsi la Katlholo” le Jesu a neng a bua ka lone mo makgetlong ao a mabedi, ke letsatsi le le tshwanang. Se lebale gore Jesu o ile a re batho bangwe “ba tla tsosediwa gore ba atlholwe.” Batho bao ba tla akaretsa “ba ba dirileng dilo tse di bosula.” (Joh. 5:29) Fela jaaka Baninife, batho ba kwa Sodoma le Gomora ba ile ba dira dilo tse di bosula. Mme gone, Baninife bone ba ile ba nna le tshono ya go ikwatlhaya. Ka jalo, go lebega batho ba kwa Sodoma le Gomora ba tla tsosiwa, e bile re tla nna le tshono ya go ba ruta ka Jehofa le Jesu.

16. Ini cha ta ka fanila ziba ne kwe kuti Jehova U nowo musa boyani? (Jeremiya 17:10)

¹⁶ Bala Jeremia 17:10. Temana eno e re thusa go lemoga se re se itseng ka Jehofa: Ka metlha fa a atlhola o “sekaseka pelo,” e bile o “tlhatlhoba dikakanyo tse di kwa tengteng.” Mo nakong e e tlang fa Jehofa a tla bo a tsosa batho, o tla ‘duela mongwe le mongwe go ya ka ditsela tsa gagwe.’ Jehofa o atlhola ka tsela e e siameng, mme fa go tlhokega o nna kutlwelobotlhoko. Ka jalo ga re a tshwanela go akanya gore motho ga a kitla a tsosiwa fa Baebele e sa bue sepe ka kgang eo.

“NSUMIKILISI WE SHANGO YOSE” U NOWO “THAMA CHA KA LULWAMA”

17. Bathu ba ka fa ba nowo shingikaligwa neni mu chibaka chi no zha?

¹⁷ Fa e sa le Adame le Efa ba tlhanogela Jehofa jaaka Satane, batho ba le bantsi ba ne ba simolola go swa. Loso ke “mmaba” yo o setlhogo. (1 Bakor. 15:26) Go tlile go direga eng ka batho bao ba ba tlhokafetseng? Balatedi ba ga Jesu ba ba ikanyegang ba le 144 000, ba tla tsosediwa gore ba ye go tshelela ruri kwa legodimong. (Tshen. 14:1) Banna le basadi ba bangwe ba ba ikanyegang ba ba neng ba rata Jehofa, e tla nna bangwe ba “batho ba ba siameng” ba Modimo a tlileng go ba tsosa. Ba tla tshelela ruri mo lefatsheng fa ba ka tswelela ba ikanyega ka nako ya Puso ya Dingwaga Tse di Sekete ya ga Keresete le ka nako ya teko ya bofelo. (Dan. 12:13; Baheb. 12:1) Gape mo Pusong ya Dingwaga Tse di Sekete, “batho ba ba sa siamang” ba tla nna le tshono ya go tlogela mekgwa e e sa siamang le go direla Jehofa ka boikanyegi. Batho bao ba akaretsa ba ba neng ba sa direle Jehofa e bile ba dira “dilo tse di bosula.” (Luke 23:42, 43) Le fa go ntse jalo, go na le batho bangwe ba ba sa siamang ba Jehofa a se kitlang a ba tsosa, ka gonne ba ne ba ikemiseditse go nna kgatlhanong le ene le se a ikaeletseng go se dira.​—Luke 12:4, 5.

18-19. (a) Ini ti nga themba dzikathulo dza Jehova ne kwe bathu ba ka fa? (Izaya 55:8, 9) (b) Towo zwidiyani mu chidiyo chi no tobela?

¹⁸ A re ka tshepa gore ka metlha fa Jehofa a atlhola o dira se se siameng? Ee. Aborahame o ne a itse gore Jehofa ke “Moatlhodi wa lefatshe lotlhe,” yo o botlhale le yo o kutlwelobotlhoko. Jehofa o ile a katisa Jesu e bile o mo neile maikarabelo a gore a atlhole batho botlhe. (Joh. 5:22) Jehofa le Jesu ba itse se se mo pelong ya mongwe le mongwe. (Math. 9:4) Ka jalo, fa ba atlhola ba tla ‘dira se se siameng.’

¹⁹ A re ikemisetseng go tshepa Jehofa le ditshwetso tsotlhe tse a di dirang. Re a itse gore Jehofa ke ene fela a nang le tshwanelo ya go atlhola, e seng rona. (Bala Isaia 55:8, 9.) Ka jalo, ga re belaele gore Jehofa le morwawe ba tla dira se se siameng fa ba atlhola. Gape re a itse gore Jesu o tla atlhola ka tshiamiso e bile a le kutlwelobotlhoko jaaka Rraagwe. (Isa. 11:3, 4) Mme gone, ke eng se re sa se itseng le se re se itseng ka tsela e Jehofa a tla atlholang batho ka yone ka nako ya pitlagano e kgolo? Re tla araba potso eno mo setlhogong se se latelang.