Watchtower LAIBURARI I MU INTERNET
Watchtower
LAIBURARI I MU INTERNET
Kalanga (Botswana)
  • BAIBILI
  • DZITSHAMBISO
  • ZWIDIYO ZWE GUBUNGANO
  • w25 June z. 14-19
  • Amuchila Kuti ha u Nga Zibe Chingwe ne Chingwe

Vidio ya wa shalula ha ipo.

U ti zwibatigwe, vidio ha izo ngina zwibuyanana.

  • Amuchila Kuti ha u Nga Zibe Chingwe ne Chingwe
  • Thungamakole i no Zibisa Bushe gwa Jehova (Ye ku Zwidiya)—2025
  • Mishogwana
  • Zwino Yendidzana
  • HA TI TO ZIBA KUTI BUPELO GWE SHANGO GOWO ZHA LINI
  • HA TI TO ZIBA SE KWA JEHOVA A WO TOLA THAMBO
  • HA TI TO ZIBA CHI NOWO SHINGIKALA MU CHIBAKA CHI NO ZHA
  • HA TI NGA KHONE ZIBA KWA KA PELELA SE KWA JEHOVA E TI ZIBA
  • Ziba Kuti Jehova I “Ndzimu u no Chila”
    Thungamakole i no Zibisa Bushe gwa Jehova (Ye ku Zwidiya)——2024
  • Ini Cha ti no Ziba ne Kwe Dzikathulo Dza Jehova mu Chibaka Chi no Zha?
    Thungamakole i no Zibisa Bushe gwa Jehova (Ye ku Zwidiya)——2024
  • Zwidiye mu Matama e Bupelo e Balume ba no Thembeka
    Thungamakole i no Zibisa Bushe gwa Jehova (Ye ku Zwidiya)——2024
  • Se Kwa ti Nga Shathila Nshingo we ku Rera
    Thungamakole i no Zibisa Bushe gwa Jehova (Ye ku Zwidiya)——2024
Bona Zwingwe
Thungamakole i no Zibisa Bushe gwa Jehova (Ye ku Zwidiya)—2025
w25 June z. 14-19

NSHOLO WE ZWIDIYO 26

LUMBO 123 Ikobele Thulaganyo ya Phuthego ya Modimo

Amuchila Kuti ha u Nga Zibe Chingwe ne Chingwe

“Masimbawose atitobabona.”​—JOB 37:23.

CHA KU NOWO LEBGWA NE KWACHO

Tota le fa re sa itse sengwe le sengwe se se tla diregang mo nakong e e tlang, re ka kgona go itshokela dikgwetlho tse re ka lebanang le tsone fa re akanya ka se re setseng re se itse e bile re tshepa Jehofa.

1. Jehova wa ka ti pa bukhoni gupi, ngono ne kutini?

JEHOFA o re bopile re na le bokgoni jwa go akanya, jwa go ithuta, jwa go tlhaloganya le jwa go dirisa se re se ithutileng. Goreng a re bopile jalo? O batla gore re ‘bone kitso ya Modimo’ le gore re dire ditshwetso tse di siameng re ikaegile ka kitso eo fa re ntse re mo direla.​—Diane 2:1-5; Bar. 12:1.

2. (a) I zwithu zwipi zwa ti singa khone? (Jobe 37:23, 24) (Bona itshwantsho.) (b) Ku duma kuti kuna zwithu zwa ti singa khone ku nga ti batsha chini?

2 Le fa gone Jehofa a re bopile re na le bokgoni jwa go ithuta dilo di le dintsi, ga re na bokgoni jwa go itse sengwe le sengwe. (Bala Jobe 37:23, 24.) Akanya ka se se ileng sa diragalela Jobe. Jehofa o ile a mmotsa dipotso tse dintsi tse di ileng tsa mo thusa go tlhaloganya gore go na le dilo tse dintsi tse a sa di itseng. Seo se ile sa mo thusa go lemoga gore o tlhoka go ikokobetsa le go fetola tsela e a akanyang ka yone. (Jobe 42:3-6) Le rona re tshwanetse go lemoga gore ga re itse sengwe le sengwe. Seo se tla re thusa gore re ikokobetse mme re tshepe gore ka metlha Jehofa o tla re bolelela se tota re tlhokang go se itse gore re kgone go dira ditshwetso tse di siameng.​—Diane 2:6.

Lesedi le phatsimela Jobe le le mo marung fa Jehofa a ntse a bua le ene. Elihu le bagomotsi ba le bararo ba maaka ba lebile ba le gaufi.

Fela jaaka Jobe, go amogela gore go na le dilo tse re sa di itseng go ka re tswela mosola (Bona serapa 2)


3. Towo zwidiyani mu chidiyo ichechi?

3 Mo setlhogong seno re tla tlotla ka dilo dingwe tse re sa di itseng le gore go sa itse dilo tseno go ka dira gore re lebane le dikgwetlho dife. Gape re tla sekaseka gore go sa itse dilo dingwe go re tswela mosola jang. Go tlotla ka dintlha tseno go tla re thusa go tshepa gore Jehofa “yo o itseng sengwe le sengwe,” o re bolelela se tota re tlhokang go se itse.​—Jobe 37:16.

HA TI TO ZIBA KUTI BUPELO GWE SHANGO GOWO ZHA LINI

4. Ku yenda na Matewu 24:36, i chithu chipi cha ti singa zibe?

4 Bala Mathaio 24:36. Ga re itse gore Jehofa o tla fedisa leng lefatshe leno. Tota le Jesu o ne a sa itse “letsatsi leo kgotsa ura eo” fa a ne a le mo lefatsheng.a Moragonyana o ile a bolelela baaposetoloi gore Jehofa ke ene a dirang tshwetso kgotsa “ke ene fela a nang le taolo ya go tlhoma nako ya gore dilo di tla direga leng.” (Dit. 1:6, 7) Jehofa o setse a dirile tshwetso ya gore o tla fedisa lefatshe leno leng, mme ga re ka ke ra itse gore sentlentle seo se tla direga leng.

5. Ku sa ziba kuti bupelo gwe shango gowo zha lini, ku nga ti ama chini?

5 Go ya ka se Jesu a ileng a se bua, ga re itse gore re tla letela bokhutlo lobaka lo lokae. Ka jalo, re ka nna ra fela pelo kgotsa ra kgobega marapo segolobogolo fa e le gore re setse re na le lobaka lo loleele re letetse letsatsi la ga Jehofa. Kgotsa go ka nna thata gore re itshoke fa ba malapa kgotsa batho ba bangwe ba re sotla. (2 Pet. 3:3, 4) Re ka nna ra akanya gore fa re ne re ka bo re itse gore lefatshe le tla fedisiwa leng, go ne go tla nna motlhofo gore re lete re le pelotelele le gore re se ka ra kgobega marapo fa batho ba bangwe ba re sotla.

6. Ini kwa ka fanila kuti ti si zibe kuti bupelo gwe shango gowo zha lini?

6 E re ka Jehofa a sa re bolelele letsatsi le bokhutlo bo tla tlang ka lone, o re neile tshono ya gore re bontshe gore re mo direla ka gonne re mo rata e bile re mo tshepa. Re batla go direla Jehofa ka bosakhutleng, e seng fela go fitlha ka nako ya bokhutlo. Ka jalo, go na le gore re nne re akantse thata ka gore “letsatsi la ga Jehofa” le tla tla leng, go botoka gore re akanye ka dilo tse dintle tse di tla diregang morago ga letsatsi leo. Go dira jalo go tla re thusa gore re atamalane le Jehofa, re mo tshepe le gore re dire sotlhe se re ka se kgonang go mo itumedisa.​—2 Pet. 3:11, 12.

7. Ini cha ti no ziba?

7 Go botlhokwa gore re akanye ka se re setseng re se itse. Re a itse gore malatsi a bofelo a simologile ka 1914. Mo Baebeleng Jehofa o re neile boporofeti jo bo bontshang gore malatsi a bofelo a ne a tla simologa ka 1914. Gape o re boleletse dilo tse dintsi tse di neng di tla direga mo lefatsheng morago ga ngwaga oo. E re ka boporofeti joo bo setse bo diragaditswe, re tlhatswegile pelo gore “letsatsi le legolo la ga Jehofa le gaufi.” (Sefa. 1:14) Gape re a itse gore ke tiro efe e Jehofa a batlang gore re e dire. O batla gore re bolelele batho ba le bantsi kafa re ka kgonang ka gone ‘dikgang tse di molemo tsa Bogosi.’ (Math. 24:14) Re rera molaetsa ono mo dinageng di ka nna 240 ka dipuo di feta 1 000. Ga re tlhoke go itse “letsatsi leo kgotsa ura eo” gore re kgone go dira tiro ya go rera ka matlhagatlhaga.

HA TI TO ZIBA SE KWA JEHOVA A WO TOLA THAMBO

8.Ha kuyi “mishingo ye Ndzimu” ko dwiwani? (Nreri 11:5)

8 Ga se ka metlha re itseng “tiro ya Modimo wa boammaaruri.” (Bala Moreri 11:5.) Mafoko ano a kaya gore Jehofa o dira gore dilo di direge kgotsa o letla gore dilo dingwe di direge gore a diragatse thato ya gagwe. Ga re ka ke ra itse gore ke eng fa Jehofa a letlelela sengwe gore se direge kgotsa gore o tla re thusa jang. (Pes. 37:5) Ga re na bokgoni jwa go itse seo fela jaaka re ka se ka ra kgona go itse gore ngwana yo o mo popelong ya mosadi yo o imileng o gola jang, e leng sengwe se baitsesaense le bone ba sa se tlhaloganyeng sentle.

9. Ku sa ziba kuti Jehova u nowo tola thambo ipi ku nga thama kuti ti simigwe neni?

9 Go sa itse gore Jehofa o tla re thusa jang, go ka dira gore re okaoke go dira ditshwetso. Re ka nna ra okaoka go itima dilo dingwe gore re oketse bodiredi jwa rona jaaka go tlhofofatsa botshelo kgotsa go fudugela kwa go nang le tlhokego ya baboledi gone. Kgotsa re ka nna ra ipotsa gore a Jehofa o a re amogela fa re sa kgone go fitlhelela mekgele e re ipeetseng yone mo tirelong ya gagwe, fa re sa bone diphelelo tse di molemo fa re ntse re dira ka natla mo tshimong kgotsa fa re nna le dikgwetlho mo porojekeng nngwe e e kgethegileng mo phuthegong ya ga Jehofa.

10. Ti nga batshiwa ku be ne buthu gwa ka tini ha ti singa zibe kuti Jehova u nowo tola thambo ipi?

10 Go sa itse gore Jehofa o tla re thusa jang go re thusa gore re nne le dinonofo tsa botlhokwa tse di jaaka boikokobetso le boingotlo. Re a lemoga gore dikakanyo le ditsela tsa ga Jehofa di kwa godimo ga tsa rona. (Isa. 55:8, 9) Gape seo se re thusa go tshepa Jehofa le go feta le go lemoga gore ke ene a dirang gore re atlege. Fa re atlega mo tshimong kgotsa mo porojekeng nngwe e e kgethegileng, re galaletsa Jehofa. (Pes. 127:1; 1 Bakor. 3:7) Mme fa dilo di sa direge jaaka re ne re solofetse, re tshwanetse go nna re gopotse gore Jehofa o bona sengwe le sengwe. (Isa. 26:12) Rona re dira sotlhe se re ka kgonang go se dira, mme re nna re tshepa gore Jehofa o tla re thusa. Ga re belaele gore Jehofa o tla re kaela tota le fa a ka se ka a dira jalo ka kgakgamatso jaaka a ile a dira mo nakong e e fetileng.​—Dit. 16:6-10.

11. To zibani chi nga ti batsha?

11 Nna o gopotse gore re a itse gore ka metlha Jehofa o lorato, o tshiamiso e bile o botlhale. Gape re a itse gore o tsaya se re mo direlang sone le se re se direlang bakaulengwe le bokgaitsadi se le botlhokwa thata. Mo godimo ga moo, re a itse gore ka metlha Jehofa o segofatsa ba ba ikanyegang mo go ene.​—Baheb. 11:6.

HA TI TO ZIBA CHI NOWO SHINGIKALA MU CHIBAKA CHI NO ZHA

12. Ku yenda na Jakubo 4:13, 14, ini cha ti singa zibe?

12 Bala Jakobe 4:13, 14. Boammaaruri ke gore ga re itse gore la kamoso le re tshwaretse eng. Mo lefatsheng leno, re diragalelwa ke dilo tse dintsi tse re sa di ‘lebelelang ka nako e re sa e lebelelang.’ (Mor. 9:11) Ka jalo, ga re ka ke ra itse gore a re tla kgona go dira se re se ikaeletseng kgotsa gore a re tla bo re sa ntse re tshela gore re kgone go se dira.

13. Ku sa ziba chi nowo shingikala mu chibaka chi no zha ku nga ti ama chini?

13 Go ka nna thata gore re itshoke ka gonne re sa itse gore go tla direga eng mo nakong e e tlang. Seo se ka direga jang? Go tshwenyega thata ka se se ka diregang mo nakong e e tlang go ka re amoga boitumelo. Botshelo bo ka fetoga re sa lebelela kgotsa go ka direga dilo tse di bosula thata ka tshoganyetso, mme seo sa dira gore re hutsafale re bo re tlhobaele thata. Kgotsa fa go direga dilo tse re neng re sa di lebelela, re ka kgobega marapo.​—Diane 13:12.

14. Ku shatha kwe malebeswa ku nga bongwa chini? (Bona zwitshwantsho.)

14 Fa re itshokela dikgwetlho, re bontsha gore re direla Rraarona yo o kwa legodimong ka gonne re mo rata, e seng ka gonne re lebeletse gore a re direle sengwe. Go na le dipego dingwe tsa Baebele tse di bontshang gore ga re a tshwanela go lebelela gore Jehofa a re sireletse mo mathateng otlhe a re lebanang le one. Gape se re bontsha gore Jehofa ga a rulaganye go sa le gale se se tla re diragalelang mo botshelong. O a itse gore e le gore re itumele, ga re tlhoke go itse sengwe le sengwe se se tla diregang mo nakong e e tlang. Go na le moo, re tla itumela fa re mo letla gore a re kaele mo botshelong e bile re mo ikobela. (Jer. 10:23) Fa re kopa Jehofa gore a re thuse fa re dira ditshwetso, tota re a bo re re: “Fa Jehofa a rata, re tla tshela re bo re dira seno kgotsa sele.”​—Jak. 4:15.

Ditshwantsho: 1. Rre le morwawe ba tsenya dilo mo go-bag. Ba tsenya Baebele le dilwana tsa thuso ya potlako mo bêkêng eo. 2. Rre, mmê le morwabone ba mo tenteng fa pula e ntse e tshologa. Ba dirisa dilwana tsa thuso ya potlako tse ba di tsentseng mo go-bag.

Fa re nna re kopa Jehofa gore a re kaele mo botshelong e bile re mo ikobela, o tla re sireletsa (Bona serapa 14-15)b


15. To zibani ne kwe chibaka chi no zha?

15 Ga re itse gore go tla direga eng kamoso, mme gone re a itse gore Jehofa o re solofeditse botshelo jo bo sa khutleng, kwa legodimong kgotsa mo lefatsheng. Gape re a itse gore ga a ka ke a bua maaka le gore ga go na sepe se se ka mo thibelang go diragatsa dilo tsotlhe tse a re solofeditseng tsone. (Tito 1:2) Ke ene fela a ka ‘bolelang se se tla diregang, e bile ke ene fela a bolelang dilo tse di iseng di dirwe go tswa bogologolong.’ Dilo tsotlhe tse a ileng a di bolelela pele mo nakong e e fetileng, di ile tsa direga e bile dilo tsotlhe tse a solofetsang gore o tla re direla tsone mo nakong e e tlang le tsone di tla direga. (Isa. 46:10) Mo godimo ga moo, re a itse gore ga go na sepe se se ka thibelang Jehofa gore a nne a re rata. (Bar. 8:35-39) O tlile go re naya botlhale, go re gomotsa le go re naya maatla a re a tlhokang gore re itshokele maemo ape fela a re tla lebanang le one. Re ka tlhatswega pelo gore Jehofa o tlile go re thusa le gore o tla re segofatsa.​—Jer. 17:7, 8.

HA TI NGA KHONE ZIBA KWA KA PELELA SE KWA JEHOVA E TI ZIBA

16. Se kwa ku lakidziwa mu na Pisalema 139:1-6, Jehova u na lizibo gupi gwa ti singa ke ti ka gu ziba?

16 Bala Pesalema 139:1-6. Mmopi wa rona o itse sengwe le sengwe ka rona. O a itse gore ke eng fa re akanya e bile re ikutlwa ka tsela e re ikutlwang ka yone. O itse se se mo dipelong tsa rona e bile o itse se re se buang. Gape o itse sengwe le sengwe se re se dirang le gore goreng re se dira. Kgosi Dafide o ile a re ka metlha Jehofa o ikemiseditse go re thusa e bile o na le bokgoni jwa go dira jalo. Go itse gore Molaodimogolo wa lobopo lotlhe, Mothatayotlhe yo o bopileng sengwe le sengwe kwa legodimong le mo lefatsheng o amega thata ka rona go dira gore re ikutlwe jang? Dafide o ile a re: “Ga ke kgone go tlhaloganya ka botlalo kitso e e ntseng jalo. E kwa godimo thata mo nka se e fitlheleleng.”​—Pes. 139:6, ntlh.

17. Ini ti nga simigwa ne ku amuchila kuti Jehova u no ti ziba kwa ka pelela?

17 Gongwe tsela e re godisitsweng ka yone, setso sa rona le se re neng re se dumela pele re itse boammaaruri se ka dira gore go nne thata gore re tseye Jehofa e le Rre yo o lorato yo o re kgathalelang. Kgotsa gongwe diphoso tse di masisi tse re ileng ra di dira mo nakong e e fetileng, di dira gore re akanye gore Jehofa ga a ka ke a tlhola a batla go re itse le gore o kgakala thata le rona. Tota le Dafide o ne a ikutlwa fela jalo ka dinako dingwe. (Pes. 38:18, 21) Kgotsa gongwe mongwe yo o lekang ka natla go fetola tsela e a tshelang ka yone gore a itumedise Jehofa a ka nna a ipotsa go re: “Fa e le gore Modimo o a nkitse, goreng a batla gore ke fetole tsela e ke tshelang ka yone, a sa nkamogele jaaka ke ntse?”

18. Ku ziba kuti Jehova u no ti ziba ku pinda se kwa ti zwiziba ku nga ti batsha chini? (Bona zwitshwantsho.)

18 Go botlhokwa thata gore re amogele gore Jehofa o re itse go feta ka tsela e re ikitseng ka yone le gore o kgona go bona dilo tse dintle mo go rona tse re sa kgoneng go di bona. Ke boammaaruri gore o bona diphoso tse re di dirang, mme gone o a itse gore re batla go nna batho ba ba ntseng jang e bile o a re rata. (Bar. 7:15) Fa re lemoga gore ka metlha Jehofa o a lemoga gore re batla go nna batho ba ba botoka, seo se tla dira gore re nne le maatla a re a tlhokang go mo direla ka boikanyegi le gore re nne re itumetse.

Ditshwantsho: 1. Mokaulengwe yo o kgobegileng marapo o lebile kwa ntle ka fensetere go le lefifi pula e ntse e na. 2. Mokaulengwe le ditsala tsa gagwe ba kwa paradaiseng, ba itumelela go tsamaya mo thabeng ba lebile naga e ntle.

Jehofa o re thusa go dumela gore o tla diragatsa dilo tse a re solofeditseng tsone. Seo se re thusa go itshokela mathata a re sa a lebelelang (Bona serapa 18-19)c


19. Ini cha ti no ziba dumbu ne kwa Jehova?

19 Re a itse gore Jehofa ke lorato e bile ga re belaele seo. (1 Joh. 4:8) Re a itse gore o re neile melao ya gagwe ka gonne a re rata e bile a batla gore re tshele sentle. Re a itse gore Jehofa o batla gore re tshelele ruri. O re neile thekololo gore seo se kgonege. E re ka Jesu a ile a re swela, re ka tlhatswega pelo gore le fa re dira diphoso, re ka kgona go direla Jehofa ka tsela e a e batlang. (Bar. 7:24, 25) Gape re a itse gore “Modimo o mogolo go feta dipelo tsa rona e bile o itse dilo tsotlhe.” (1 Joh. 3:19, 20) Jehofa o bona sengwe le sengwe se re se dirang e bile o a itse gore re tla atlega fa re dira thato ya gagwe.

20. Ini chi nga ti batsha kuti ti si dziyidzike mu nkumbulo?

20 Jehofa o re bolelela sengwe le sengwe se re tlhokang go se itse. Ka jalo, ga re tlhoke go tshwenyega ka dilo tse re sa di itseng. Go na le moo, re tshwanetse go tlhoma mogopolo mo dilong tsa botlhokwa. Fa re dira jalo, re tla bo re bontsha gore re tshepa Jehofa “yo o itseng sengwe le sengwe.” (Jobe 36:4) Le fa gone jaanong go na le dilo tse re sa di itseng, re lebile pele go bona Jehofa a re ruta dilo tse disha go ya go ile. Gape re a itumela ka gonne re a itse gore re tla nna re ithuta dilo tse disha ka Modimo wa rona.​—Mor. 3:11.

TI NGA BATSHIWA NENI KU AMUCHILA KUTI HA TI TO ZIBA CHINGWE NE CHINGWE NE KWE . . . 

  • bupelo gwe shango?

  • chi nowo shingikala mu chibaka chi no zha?

  • se kwa Jehova e ti ziba kwa ka pelela?

LUMBO 104 Mpho ya Modimo ya Moya o o Boitshepo

a E re ka Jesu e tla bo e le ene a eteletseng pele go fedisiwa ga lefatshe leno le le bosula, go a utlwala go dumela gore gone jaanong o a itse gore Aramagedona e tla tla leng le gore o tla “digela phenyo ya gagwe” leng.​—Tshen. 6:2; 19:11-16.

b TLHALOSO YA DITSHWANTSHO: Rre le morwawe ba tsenya dilo mo go-bag gore lelapa le nne le ipaakanyeditse maemo a tshoganyetso.

c TLHALOSO YA SETSHWANTSHO: Mokaulengwe yo o nang le mathata o akanya kafa a tla itumelelang botshelo jo bo monate ka gone kwa lefatsheng le lesha.

    Tshambiso Dze Ikalanga (2008-2025)
    Buda
    Ngina
    • Kalanga (Botswana)
    • Tumila
    • Zwa u no da
    • Copyright © 2025 Watch Tower Bible and Tract Society of Pennsylvania
    • Milayo ye ku Shingisa
    • Nlayo u no Bakilila
    • Privacy Settings
    • JW.ORG
    • Ngina
    Tumila