Ku be Pejo ne Bangwe i Chithu Cha ka ti Lulwamila!

1-2. I chithu chipi chikulu mu na Jehova, ngono u no shaka ti thamani?

TSELA e re tshwarang ba bangwe ka yone e botlhokwa thata mo go Jehofa. Jesu o ile a re re tshwanetse go rata baagelani ba rona fela jaaka re ithata. (Math. 22:37-39) Seno se akaretsa go nna pelonomi, tota le mo bathong ba ba sa direleng Jehofa. Fa re dira jalo, re tla bo re etsa Jehofa, Modimo yo o ‘tlhabisetsang ba ba bosula le ba ba molemo letsatsi la gagwe e bile a nesetsa ba ba siameng le ba ba sa siamang pula.’​—Math. 5:45.

² Jehofa o rata batho botlhe mme ba ba mo ikobelang bone, o ba rata le go feta. (Joh. 14:21) O batla gore re mo etse. O re kgothaletsa gore re rate bakaulengwe le bokgaitsadi fela thata. (1 Pet. 4:8; Bar. 12:10) Tsela e re ratang bakaulengwe le bokgaitsadi ka yone e tshwanetse go tshwana le e re ratang ba masika le ditsala tse re atamalaneng thata le tsone.

3. Ini cha ta ka fanila kumbula ne kwe ludo?

³ Lorato lo tshwana le sejalo se se tshwanetseng go tlhokomelwa gore se gole. Moaposetoloi Paulo o ile a raya Bakeresete a re: “Tswelelang lo ratana jaaka bana ba motho ba ratana.” (Baheb. 13:1) Jehofa o batla gore re nne re dira dilo tse di bontshang gore re rata ba bangwe. Mo setlhogong seno, re tla tlotla ka gore ke eng fa re tshwanetse go atamalana le bakaulengwe le bokgaitsadi le gore ke eng se se ka re thusang gore re tswelele re dira jalo.

LIBAKA GWE KU BE TA KA FANILA BATANA NE BANGWE

4. Se kwa kwa ka kwagwa mu na Pisalema 133:1, ti nga shathila ku batana ne bazwalani bedu chini? (Bona zwitshwantsho.)

⁴ Bala Pesalema 133:1. Re dumalana le se mopesalema a ileng a se bua. O ile a re go nna le ditsala tse di ratang Jehofa go “molemo” e bile go a “itumedisa.” Mme gone, fela jaaka motho a ka tlodisa matlho setlhare se a nnang a se bona letsatsi le letsatsi, le rona re ka nna ra se ka ra lebogela kutlwano e re e bonang mo phuthegong ya ga Jehofa. Re tlwaetse go bona bakaulengwe le bokgaitsadi, ka dinako dingwe re ba bona makgetlo a le mantsi mo bekeng. Re ka dira eng gore re nne re ba tsaya ba le botlhokwa? Tsela e re ratang bakaulengwe le bokgaitsadi ka yone e ka gola fa re ipha nako ya go akanya kafa ba leng botlhokwa ka gone mo phuthegong le mo go rona.

5. Ludo gwa ti no lakidzana gu nga ama bathu bangwe chini?

⁵ Batho bangwe ba ba yang dipokanong lekgetlo la ntlha ba kgatlhiwa ke tsela e re ratanang ka yone. Seo se ka dira gore ba lemoge gore ba bone boammaaruri. Jesu o ile a re: “Fa lo ratana, batho botlhe ba tla lemoga gore lo barutwa ba me.” (Joh. 13:35) Akanya ka se se ileng sa diragalela moithuti mongwe wa yunibesithi yo o bidiwang Chaithra yo o ileng a ithuta le Basupi ba ga Jehofa. O ile a lalediwa go ya kopanong ya tikologo. Morago ga letsatsi la ntlha la kopano, o ile a raya kgaitsadi yo a neng a ithuta Baebele le ene a re: “Batsadi ba me ga ba ise ba tsamaye ba nhake mme mo kopanong eno ke ile ka hakiwa ke batho ba le 52 mo letsatsing le le lengwe. Ke ile ka lemoga gore Jehofa o dirisa batho ba gagwe go mpontsha gore o a nthata. Ke batla go nna karolo ya lelapa leo.” Chaithra o ile a tswelela a ithuta Baebele a bo a kolobediwa ka 2024. Fa batho ba ba ithutang Baebele ba bona dilo tse dintle tse re di dirang go akaretsa le tsela e re ratanang ka yone, gantsi seo se ba rotloetsa go direla Jehofa.​—Math. 5:16.

6. Ku be pejo ne bazwalani ne dziazwadzi dzedu ku nga ti bakilila chini?

⁶ Go atamalana le bakaulengwe le bokgaitsadi go ka re sireletsa. Paulo o ile a raya Bakeresetemmogo le ene a re: “Nnang lo kgothatsana letsatsi le letsatsi . . . gore go se nne le ope wa lona yo o thatafadiwang ke maatla a a tsietsang a boleo.” (Baheb. 3:13) Fa re kgobega marapo go bo go nna thata go dira se se siameng, Jehofa a ka dirisa mokaulengwe kgotsa kgaitsadi go re thusa. (Pes. 73:2, 17, 23) Seno se ka re tswela mosola fela thata.

7. Ludo ne ku batana zo yendidzana chini? (Bakolosa 3:13, 14)

⁷ Re mo lelapeng la batho ba ba dirang ka natla go bontshana gore ba a ratana, ka jalo seo se dira gore re nne le masego a le mantsi. (1 Joh. 4:11) Ka sekai, lorato lo re tlhotlheletsa gore re itshokelane mme seo se dira gore go nne le kutlwano mo phuthegong. (Bala Bakolosa 3:13, 14; Baef. 4:2-6) Fa re le kwa dipokanong, re itumelela kagiso e e seyong gope mo lefatsheng.

LAKIDZANANI LUDO

8. Jehova u no ti batsha chini kuti ti khone ku batana?

⁸ Jehofa ke ene a dirang gore bakaulengwe le bokgaitsadi mo lefatsheng lotlhe ba dirisane ka kutlwano le fa gone ba dira diphoso. (1 Bakor. 12:25) Baebele e a re ‘Modimo o re ruta gore re ratane.’ (1 Bathes. 4:9) Seno se raya gore Jehofa o dirisa Baebele go re bolelela gore re tshwanetse go dira eng gore re atamalane. Fa re batla gore ‘Modimo a re rute,’ re tshwanetse go sekaseka ka kelotlhoko se Baebele e se rutang le go se dirisa. (Baheb. 4:12; Jak. 1:25) Ke sone se Basupi ba ga Jehofa ba lekang ka natla go se dira.

9. To zwidiyani mu na Baroma 12:9-13 mu khani ye ku lakidzana ludo?

⁹ Baebele e re ruta gore re ka atamalana jang le ba bangwe. Akanya ka se Paulo a ileng a se bua ka kgang eno mo go Baroma 12:9-13. (E bale.) O ile a re: “Nnang ba ntlha go tlotla ba bangwe.” Seno se kaya eng? Se kaya gore re tshwanetse go batla ditshono tsa go bontsha ba bangwe gore re a ba rata, go ba laletsa mo malapeng a rona le go ba abela dilo. (Baef. 4:32) Ga re tlhoke go emela mokaulengwe kgotsa kgaitsadi gore a atamalane le rona pele, go na le moo re tshwanetse go ‘nna ba ntlha’ go dira jalo. Jesu o ile a re: “Go aba go itumedisa thata go feta go amogela.”​—Dit. 20:35.

10. Ti nga “lakidzana ludo chini ne buzhalo”? (Bona itshwantsho.)

¹⁰ Go a kgatlha gore fela fa Paulo a sena go re bolelela gore re nne ba ntlha go tlotla ba bangwe, o ile a re re ‘dire ka natla’ mme ‘re se ka ra nna ditshwakga.’ Motho yo o dirang ka natla o matlhagatlhaga. Fa a neilwe tiro, o e dira ka pelo yotlhe. Diane 3:27 le 28 e a re: “O se ka wa gana go direla batho dilo tse di molemo fa ba di tlhoka fa e le gore o ka kgona go ba thusa.” Ka jalo, fa re bona motho yo mongwe a tlhoka thuso, re dira sotlhe se re ka se kgonang go mo thusa. Ga re okaoke go dira jalo, e bile ga re tseye gore motho yo mongwe o tla mo thusa.​—1 Joh. 3:17, 18.

11. Ti nga batshiwa neni ku be pejo ne bangwe?

¹¹ Tsela e nngwe gape e re ka bontshang ka yone gore re tlotla ba bangwe, ke ka go nna bonako go ba itshwarela fa ba dirile sengwe se se re utlwisitseng botlhoko. Baefeso 4:26 e a re: “Lo se ka lwa letla gore letsatsi le phirime lo sa ntse lo galefile.” Goreng re sa tshwanela go dira jalo? Temana 27 e a re gore ‘re se ka ra naya Diabolo sebaka.’ Mo Baebeleng, Jehofa o re bolelela gangwe le gape gore re itshwarele ba bangwe. Bakolosa 3:13 e re rotloetsa gore re ‘tswelele re itshwarelana ka pelo yotlhe.’ Go itshwarela ba bangwe go re thusa gore re atamalane le bone. Gape go dira gore re dirisane ka kagiso le gore re nne ‘seoposengwe re thusiwa ke moya o o boitshepo.’ (Baef. 4:3) Ka bokhutshwane fela, re ka re go itshwarela ba bangwe go dira gore go nne le kutlwano le kagiso mo phuthegong.

12. Jehova u no ti batsha chini kuti ti zwibatigwe bangwe?

¹² Ke boammaaruri gore ka dinako dingwe, go ka nna thata go itshwarela batho ba ba re utlwisitseng botlhoko. Mme gone, moya wa Modimo o ka re thusa go ba itshwarela. Fa Paulo a sena go re bolelela gore re ‘ratane thata’ le gore re ‘dire ka natla,’ gape o ile a re: “A moya o o boitshepo o dire gore lo tlhoafale.” Motho yo o ‘tlhoafetseng’ o matlhagatlhaga ka gonne a thusiwa ke moya o o boitshepo. (Bar. 12:11) Ka jalo, moya wa Modimo o ka re thusa go rata ba bangwe le go ba itshwarela. Ke gone ka moo re tshwanetseng go kopa Jehofa gore a re thuse.​—Luke 11:13.

“KU SI BE NE KU SA WANANA PAKATI KWENYU”

13. Ini chi nga thama kuti ku si be ne ku wanana pakati kwedu?

¹³ Mo phuthegong go na le “batho ba mefuta yotlhe” ba ba godisitsweng ka ditsela tse di sa tshwaneng. (1 Tim. 2:3, 4) Seno se ka dira gore re dire ditshwetso tse di sa tshwaneng fa re tlhopha diaparo, tsela e re ipaakanyang ka yone, kalafi le boitlosobodutu. Fa re se kelotlhoko, dilo tseno di ka re kgaoganya. (Bar. 14:4; 1 Bakor. 1:10) E re ka Modimo a re rutile go ratana, re tshwanetse go nna kelotlhoko gore re se ka ra pateletsa ba bangwe gore ba dire dilo jaaka rona.​—Bafil. 2:3.

14. Ta ka fanila ku zwimisila ku thamani, ngono ne kutini?

¹⁴ Re ka dira gore go se ka ga nna le dikgaogano mo phuthegong ka go lapolosa ba bangwe le go ba kgothatsa ka dinako tsotlhe. (1 Bathes. 5:11) Bosheng jaana, bakaulengwe le bokgaitsadi ba le bantsi ba ba feditseng nako e telele ba sa ye dipokanong kgotsa ba ba neng ba tlositswe mo phuthegong ba ile ba boa. Re ba amogela ka diatla tsoopedi! (2 Bakor. 2:8) Ela tlhoko se se ileng sa diragalela kgaitsadi mongwe yo o ileng a ya kwa Holong ya Bogosi morago ga dingwaga di le lesome a sa ye dipokanong. A re: “Mongwe le mongwe o ne a smaela e bile a nnaya seatla.” (Dit. 3:19) Seo se ile sa dira gore a ikutlwe jang? A re: “Ke ne ke lemoga gore Jehofa o nthusa gore ke itumele gape.” Fa re kgothatsa ba bangwe, Jesu a ka re dirisa go lapolosa ‘ba ba dirang ka natla le ba ba imetsweng.’​—Math. 11:28, 29.

15. I zila ipi ingwe ya ti nga thama kuti ti wanane? (Bona itshwantsho.)

¹⁵ Sengwe gape se re ka se dirang gore go nne le kutlwano mo phuthegong, ke go ela tlhoko se re se buang. Jobe 12:11 e a re: “A tsebe ga e tlhatlhobe mafoko jaaka loleme lo utlwa dijo?” Fela jaaka motho yo o apayang a utlwa gore dijo tsa gagwe di utlwala jang pele a di naya batho ba bangwe, le rona re tshwanetse go akanya gore se re se buang se ka ama ba bangwe jang pele re se bua. (Pes. 141:3) Ka metlha re tshwanetse go ikemisetsa go bua dilo tse di tla agang ba bangwe, tse di tla ba lapolosang le tse di tla ba ‘nonotshang.’​—Baef. 4:29.

16. Ndi boyani kwazo ba ka fanila shingisa ndebo i no baka?

¹⁶ Banna ba ba nyetseng le batsadi ke bone ba segolobogolo ba tshwanetseng go kgothatsa ba bangwe ka se ba se buang. (Bakol. 3:19, 21; Tito 2:4) Bagolwane le bone ba tshwanetse go lapolosa bakaulengwe le bokgaitsadi le go ba kgothatsa. (Isa. 32:1, 2; Bagal. 6:1) Seane sengwe sa Baebele se a re: “Lefoko le le builweng ka nako e e tshwanetseng, ruri le molemo.”​—Diane 15:23.

LUDO “GU NA MISHINGO NE MALEBESWA”

17. Ti nga lakidza chini kuti ludo gwedu mu bazwalani ne dziazwadzi nde gwe malebeswa?

¹⁷ Moaposetoloi Johane o ile a re ‘ga re a tshwanela go bua fela re re re a ratana, mme lorato lwa rona lo tshwanetse go bonala ka se re se dirang e bile lo tshwanetse go nna lwa boammaaruri.’ (1 Joh. 3:18) Re batla go rata bakaulengwe le bokgaitsadi ka pelo yotlhe. Re ka dira seo jang? Fa re fetsa nako le bone, re tla atamalana le bone e bile re tla ba rata thata. Ka jalo, re tshwanetse go fetsa nako le bone kwa bodireding le kwa dipokanong. Gape re tshwanetse go ipha nako ya go ba etela. Fa re dira jalo, re tla bo re bontsha gore ‘Modimo o re ruta gore re ratane.’ (1 Bathes. 4:9) Mo godimo ga moo, re tla lemoga gore “ruri go molemo e bile go a itumedisa go bo batho ba Modimo ba nna mmogo ka kutlwano!”​—Pes. 133:1.