Ku Shanduka Kwe Climate ne Zwi Chowo Shingikala—Baibili Ikatini

“Ku Shanduka kwe climate ya chi be buthata gu kulu. Ha ku cha chigwa zwibuyanana mu shango.”—The Guardian.

Bathu ba ka lingisana ne mathatha a ba ka zwithamila iwo. Bazibi be sainsi ba no duma kuti ku pisa kwe shango ko thangwa ne bathu. Ku paphidzika ikoko kwe dzi-temperature kwa ka shandula climate ngono ku ka be ne belelo la ka bipa. Ikoko ku nga thama kuti ku be ne:

• Ku shanduka kwa ka pindilila kwe climate, ku no pelela ne ku pisa kwa ka pindilila, bhamba, ne matutu makulu, ku no pelela ne dzivula dzi no chinya ne mimoto ye shango.

• Makaa a no shanduka ku be vula ne vula ye Arctic i no shanduka ku be makaa.

• Ku paphidzika kwe vula ye mawate.

Ku shanduka kwe climate ko shingikala mu shango yose. Shule kwe ku kwagwa kwe zwimo zwe climate mu shango dzi li 193, New York Times ya ka leba kuti: “Shango i no sheta batsho chinyolocho.” Ne ntata ye ku fa ne ku dziyidzika kwe bathu ku no thangwa ne ku shanduka kwe climate, World Health Organization ya kati i “mathatha a no pinda wose a ka tongo shingikala mu buchilo gwe nthu.”

Ne kwa ka jalo, ti na thembo ye ku lingilila buchilo gu butuka gu no zha. Baibili ya ka lebela mbeli ne kwe zwithu zwi no shingikala ngwenu, ne kuti ini ti nga lingilila kuti Ndzimu a tole thambo ne cha a nowo thama ku ti bakilila mu chibaka chi no zha.

A ku shanduka kwe climate ko shingikadza buporofiti gwe Baibili?

Ee. Ku shanduka kwe climate ku no thangwa ne ku pisa kwe shango yose ko dumana ne zwa ka lebegwa mbeli ne Baibili mu chibaka cha ngwenu.

Buporofiti: “Koga uhwisise woku, kowobe nge misi yakabangalala mu mazhuba e bupelo. Ngobe bathu banowobe nge kuzwida, ne kuda mari, . . . ne kusayengemala, . . . ne kusazwiibhatigwana, . . . mapitipiti ne kube matjapa.”—2 Timoti 3:1-4.

Baibili ya ka lebela mbeli mishingo ne mazwibato a ka thama kuti ku be ne mathatha e climate. Mibuso ne dzibizinesi ba ka linga mari koga ba singa lingilile bana ba no kula. Nenguba be gwisa ku shingidzana, ha ba to dumana mu thambo dza ba ka fanila tola mu ku misa ku paphidzika kwe ku pisa kwe shango yose.

Buporofiti igogu go lakidza kuti bathu ha ba nga shandule mikumbulo yabo ku bakilila shango. Ngono, Baibili i no lakidza kuti bathu ba no zwilinga ba li boga “banowopandukila mbeli mu kutjebela.”—2 Timoti 3:13.

Ini ti nga duma kuti Ndzimu u nowo tola thambo

Baibili i no lakidza kuti Jehovaa Ndzimu, Mbumbi wedu, u no da shango yedu kose ne ba no gala mu i li. Bona ndimana dze Baibili dzi no tobela dzi no lakidza kuti Ndzimu u nowo tola thambo.

1. 1. Ndzimu “abazoithama [shango] isina mbumbiko, koga bakaibumba kuti igagwe.”—Izaya 45:18.

   Ndzimu u nowo shingikadza mazwimisilo awe mu shango. (Izaya 55:11) Ha a nga i lechedze kuti i chinyiwe kene kuti i si galike.

2. 2. “Koga bana moyo nnyolo banowothuwa shango, ngono banowoshatha mu kubhudilila kwakawanda. Balulwami banowothuwa shango ba ka gala muili nge kusingapele.”—Pisalema 37:11, 29.

   Ndzimu u no thembesa kuti bathu ba nowo chilila chose mu shango ku na mbakiso.

3. 3. “Ngono babiibi banowodusiwa mu shango.”—Zwiani 2:22.

   Ndzimu u no thembesa kuti u nowo chinya bose ba no thama bubi, kose ne ba no chinya shango.

Cha ti nowo thamigwa ne Ndzimu mu chibaka chi no zha

Ndzimu u nowo shingikadza mazwimisilo awe chini mu shango? U nowo shingisa mbuso u nowo busa shango yose u no dangwa kuyi Bushe gwe Ndzimu. (Matewu 6:10) Bushe igogu gowo busa gu li kudzimu. Ha gu towo ngina mu chidumano ne mibuso ye shango ha ku zha mu khani ye ku bakilila shango. Malebeswa wose, Bushe gwe Ndzimu gowo busa mu bumo gwe mibuso ye shango.—Daniele 2:44.

Bushe gwe Ndzimu gowo thamila bathu zwithu zwa ka naka mu shango yose. (Pisalema 96:10-13) Bona kuti Jehova Ndzimu u nowo thamani e shingisa Bushe gugwe.

• Ku baakanya shango

  Baibili ikatini: “Tjilambanyika ne shango yakawoma zowoshatha, tjilambanyika tjowothinila tjikashatha, tjowofanana ne luba.”—Izaya 35:1.

  Cha ku no dwa mu buchilo gu no zha: Jehova u nowo baakanya shango, ne pa ya ka be ya chinyiwa dumbu ne bathu.

• Ku lawula zwimo zwa ka pindilila zwe climate

  Baibili ikatini: “[Jehova] bakadzikamisa dutu, ne matuthu e gungwa akadzikama.”—Pisalema 107:29.

  Cha ku no dwa mu buchilo gu no zha: Jehova u na masimba e ku lawula zwithu. Bathu ha ba nga cha dziyidziwe ne zwimo zwa ka pindilila zwe climate.

• Ku diya bathu ku thokomela shango zwibuyanana

  Baibili ikatini: “Ndowokulaya akudiya zila yawakafanila tobela.”—Pisalema 32:8.

  Cha ku no dwa mu buchilo gu no zha: Jehova wa ka pa bathu nshingo we ku thokomela shango. (Genesisi 1:28; 2:15) U nowo ti diya se kwa ti nga thokomela lubumbo gugwe, ne ku chila mu guli zwibuyanana.