Bathu ba li 6 Million ba ka Bulawa ne COVID—Baibili i ka Tini?

Ku yenda ne World Health Organization (WHO), ku no ti ne dzi 23 dza May, 2022, bathu ba li 6.27 million ba ka fa ne ntata ye bugwele gwe COVID-19. Ne kwa ka jalo, mu mbiko ye dzikhani ye dzi 5 dza May, 2022, palo ye bathu ba ka fa i no kumbuligwa ne be WHO i no pinda kwazo iyeyi. Ko legwa kuti mu gole le 2020 ne 2021, “palo yose ye bathu ba ka bulawa kene ba ka fa ne ntata ye bugwele gwe COVID-19 . . . i no kumbuligwa kuti i nga bata 14.9 million.” A Baibili i no leba chingwe ne kwe mathatha iyawa a no palusa moyo?

Baibili ya ka lebela mbeli ne kwe magwele a ka bipa

•  Jesu wa ka lebela mbeli kuti kowo be ne dzinjwele kene ku wa kwe “magwele a ka bipa,” mu chibaka chi no dangwa “mazhuba e bupelo.”—Luka 21:11, Contemporary English Version; 2 Timoti 3:1.

Buporofiti gwa Jesu go shingikala ngwenu. Ku zwidiya kwa ka paphidzika, bala nsholo u no ti “Chilakidzilo che “Mazhuba e Bupelo,” kene “Tjibaka tje Bupelo” Ini?”

Baibili i no nyaladza

•  “Ndzimu we nyaladzo mu zwithu zose . . . unotinyaladza mu kudziyila kwedu kose.”—2 Bakorinta 1:3, 4.

Banjinji ba ka figwa ne ba ba no da, ba no nyaladziwa ne nlayetsa we Baibili. Zwidiye kwa ka paphidzika mu misholo i no ti “Se o Ka se Dirang fa o Tlhokafaletswe” ne “Se se Ka Thusang ba ba Tlhokafaletsweng.”

Baibili i no lakidza chi nowo lulwamisila zwithu cha chose

•  “Bushe gwenyu ngaguzhe kuda kwenyu ngakuyitiwe mu shango sekwa kunoyitiwa kudzimu.”—Matewu 6:10.

“Bushe gwe Ndzimu” go dwa gu thama kuti kusi tongo be ne “unowotongoti, ‘Imi ndogwala.’” (Mako 1:14, 15; Izaya 33:24) Lingilila vidiyo i no ti Bushe Gwe Ndzimu i ni? ku hwa ne kwe bushe igogu gwe kudzimu ne kuti gowo thamani.

To kumbila kuti u zwidiye kwa ka paphidzika ne chi no legwa ne Baibili, kuti ndizo iwe ne nsha uwo mu batshiwe ne cha i no kumbuludza ne buchenjedu ne thembiso dzayo dzi no shathisa.