Ku Dubulana ne Dzithobolo mu Zwikwele—Baibili Ikatini?

Ne May 24, 2022, kwa ka shingikala mathatha a no palula moyo mu toropo ye Uvalde, ku Texas, U.S.A. The New York Times i no bika kuti, “nlume nngwe wa ka bulaya ne thobolo bana bali 19 ne matichara mabili . . . ku ikwele che primary che Robb Elementary.”

Chi no hwisa zogwadza, shingikalo dza ka bipa dza ka jali dza ka wanda. USA Today ya ka bika kuti ku United States koga, “kwa ka be ne shingikalo dze ku dubulana dzili 249 mu zwikwele mu gole la ka pinda—ili palo i no pinda ye makole wose chinga kwa kwe 1970.”

Ini zwithu izwezwi zwa ka bipa zwi shingikala? Ti nga mililana chini ne mishingo iyeyi ya ka bipa? A ti nga themba kuti bugebenga gowo pela? Baibili i no ti dabila.

Ini bugebenga mu shango gu paphidzika?

•  Baibili i no dana chibaka cha tili mu chili i ti i “mazhuba e bupelo,” bathu banjinji kwa ba nowo be ba si na “ludo” kakale ba na “bushongola,” be gwa ne ku bulayana ba ka sima moyo. Bathu ba na mazwibato iyawa ‘ba nowo bipila mbeli.’ (2 Timoti 3:1-5, 13) Ku zwidiya kwa ka paphidzika, bala nsholo u noti “Did the Bible Predict the Way People Think and Act Today?”

Bathu banjinji ba no zwibuzwa kuti, ‘Ini Ndzimu a si nga dzibile mathatha a ka bangalala a no nga ku dubulana ne dzithobolo mu zwikwele kuti a si tongo shingikala?’ Ku bona dabilo ye Baibili, bala nsholo u noti “Dilo Tse di Bosula di Diragalela Batho ba ba Molemo—Goreng?”

Ti nga mililana chini ne mathatha iyawa a ka bipa?

•  “Tjimwe ne tjimwe tjakakwagwa mu misi yakapinda, tjakakwaligwa kutidiya, kuti ndizo ti . . . [kulumbidziwe] nge hwalo kuti tibe ne kugalabgwe.”—Baroma 15:4.

Milayontewo ye Baibili i nga ku batsha ku mililana ne bugebenga gu zhele mu shango. Bona magazini we Tsogang! we nsholo u no ti “A Thubakanyo e Tla Tsamaya e Fela?” ku bona zibiso ya ka paphidzika.

Ku bona kuti bazwadzi ba nga batsha bana babo chini ku mililana ne dzikhani dzi no tshusa, bala nsholo u no ti “Dipego Tse di Tshosang Tsa Dikgang le Bana ba Gago.”

A bugebenga gowo fa gwa pela?

•  “Mukutshambilidzwa nenge kuhwisiwa zogwadza, unobatjidza.”—Pisalema 72:14.

•  “Banowothula makanu abo bethama zwikara zwe mapadza ne mathumo abo bethama mipanga inosunulila. Ludzi agutowosengela gumwe ludzi bukanu, naiko abatowozwidiya ngwa kakale.”—Mika 4:3.

Ndzimu u nowo thama chi si nga khone thamiwa ne bathu. Bushe gugwe gwe Kudzimu gowo pedzisa zwibayano zose kose ne bugebenga gose. Ku zwidiya kwa ka paphidzika ne kwe kuti Bushe gwe Ndzimu gowo thamani, bala nsholo u noti “Go Tla Nna le Kagiso fa Bogosi Jwa Modimo bo Busa.”