Ini Dzipolotiki Dzi Thubukanya Bathu?—Baibili Ikatini?

Mu shango yose, zwichaba zwinjinji zwa ka thubukanyiwa ne dzipolotiki. Ku yenda ne shakisiso ya ka thamiwa ne 2022 Pew Research Center, “65% ye bathu ba no dwa mu shango dzi li 19 dza kwa ka shakisisiwa mu dzili bakati ku na ku nyanyaidzana kukulu mu shango yabo pakati kwe bathu ba no shalula dziphathi dze polotiki dza ka siyasiyana.”

A wa ka bona ichechi chi shingikala kwazo pa u no gala? Ini kwa ka jalo? A ku nga baakanyiwa? Bona kuti Baibili ikatini.

Mazwibato a no thubukanya bathu

Baibili ya ka lebela mbeli kuti mu nako iyeyi, i no dangwa “mazhuba e bupelo,” bathu banjinji ba nowo be ne buthu gu nowo thama kuti ku si khoneke kuti ba wanane.

• “Kowobe nge misi yakabangalala mu mazhuba e bupelo. Ngobe bathu banowobe nge kuzwida, . . . ne kusazwiibhatigwana.”—2 Timoti 3:1-3.

Nenguba bathu banjinji be gwisa kuti hurumente a budilile, ha ku to shingikala. Bathu ba no linga zwithu ne zila i singa fanane ba no wana kwa ka sima, kene ku singa khoneke, ku shinga bose ku baakanya mathatha. Belelo ileli lo lakidza kuti cha ka lebegwa mbeli ne Baibili ntolo i malebeswa.

• “Bathu bakabhatisana kunolema behwisana zogwadza.”—Nreri 8:9.

Ne kwa ka jalo, Baibili i no lakidza chi nowo baakanya mathatha iyawa, hurumente wa ka tungamigwa ne nngwe u nowo pedzisa mathatha a no dziyidza bathu ngwenu.

Ntungamili u no fanilika u no da bathu

Baibili i no leba ne kwe ntungamili u na bukhoni gu no sheteka ku baakanya mathatha iyawa: Jesu Kirisiti. Jesu u na masimba, ndaulo, ne njemulo dze ku thama kuti bathu bose ba wanane.

• “Mu mazhuba awe dzene ndulamo ingawanda, nenge kunyalala kuandame.”—Pisalema 72:7.

• “Tjaba dzose ngadzinshingile.”—Pisalema 72:11.

Jesu i ntungamili wa ka fanila ne kuti u no da bathu kakale u no shaka ku ba batsha, kwazo kwazo bathu ba sa ka bakhwa zwibuyanana.

• “Ngobe unotjidza basheti abedana, bashayi na ibabo basina mbhatshi. Unohwila zogwadza ibabo basina matatabuko kakale besheta, kakale unotjengeta matjilo e basheti. Mukutshambilidzwa nenge kuhwisiwa zogwadza, unobatjidza.”—Pisalema 72:12-14.

Zwidiye kwa ka paphidzika ne kwe Bushe gwe Ndzimu, hurumente u kudzimu wa ka tungamigwa na Jesu. Bona kuti u nga batshiwa chini ne Bushe igogu, kakale kuti u nga gu batsha chini.

• Lingilila vidiyo i noti Bushe Gwe Ndzimu i ni?

• Bala nsholo u noti “Bogosi Jwa Modimo—Puso E e Se Nang Bonweenwee.”