kovop58/stock.adobe.com
GALANI MA KA LINDA!
Mizano ye Dzi-Olympic i Nga Batshanya Bathu Dumbu Kene?—Baibili i no Tini?
Mu mizano ye dzi-Olympic dze 2024, ku nga be bathu ba li 5 billion ba nowo be ba ka i lingilila, ya ka nginiligwa ne bathu ba no dwa mu shango dzi li 206 ku dwa mu shango yose. President we International Olympic Committee, Thomas Bach, wa ka ti: “To shinga nshingo u no batshanya bathu mu shango yose.” Wa ka dwilila e ti: “A ti shathileni mizano iyeyi ye dzi-Olympic ne mbakiso, i li iyo koga i nga batshanya bathu ba si nga fanane.”
A mizano iyeyi ye dzi-Olympic i nga khona thama chithu chi ngapa? A ku na thembo ye kuti kowo be ne mbakiso ne ku batana kwe bathu kwe malebeswa?
A ku nga khoneka kuti ku be ne mbakiso ne ku batana kwe bathu?
Mizano ye gole ileli ye dzi-Olympic ya ka be i si mizano koga. Ya ka be ne zwithu zwingwe zwe ku shingidzana kwe bathu ne dzipolotiki zwi no thubukanya bathu. Kwa ka be ne dzikhani dze dzifanilo dze bathu, ku shalulana kwe bathu ne mbala, budumili, ne ku sa lizalizana kwabo.
Mizano iyeyi ye dzi-Olympic ye zwichabachaba i no shathisa bathu. Ne kwa jalo, kakale i no thubukanya mu bumo gwe kuti ku be ne mbakiso ne ku batshanya bathu.
Baibili ya ka lebela mbeli mazwibato a nga thama kuti ku batana kwe bathu ngwenu ku si khoneke. (2 Timoti 3:1-5) Ku zwidiya kwa ka paphidzika ne kwe buporofiti igogu gwe Baibili, bona nsholo u no ti “Did the Bible Predict the Way People Think and Act Today?”
Thembo ye malebeswa ye mbakiso ne ku batana kwe shango
Baibili i no leba ne kwe thembo ne mbakiso ye malebeswa mu shango yose. I no thembesa kuti bathu bose mu shango ba nowo batana pasi kwe mbuso we kudzimu u no dangwa “Bushe gwe Ndzimu.”—Luka 4:43; Matewu 6:10.
She we Bushe igogu, Jesu Kirisiti, u nowo thama kuti ku be ne mbakiso mu shango yose. Baibili i ka ti:
“Dzene ndulamo ingawanda nenge kunyalala kuandame.”—Pisalema 72:7.
“Ngobe unotjidza basheti abedana . . . Mukutshambilidzwa nenge kuhwisiwa zogwadza, unobatjidza.”—Pisalema 72:12, 14.
Na ngwenu, zwidiyo zwa Jesu zwa ka batshanya dzimiliyoni dze bathu mu shango dzi li 239. Se Bakirisiti, Bafakazi ba Jehova mu shango yose ba ka zwidiya ku be ne mbakiso. Ku bona ichecho, bala magazini we Tora ya Tebelo we nsholo u no ti “A Letlhoo Le Tla Fela?”